廚藝大躍進

近排廚神上身不斷密密煮，越煮越好玩，我個廚房終於變成美味廚房不再地獄啦！哈~~~

點解突然間會廚藝大躍進？我都唔知點解搬咗屋之後，好似食咗聰明藥咁，醒咗好多。可能就係所謂「一理通百理明」啩！（但點解以前唔明哩！）

在親友間我出晒名係「無飯主婦」，做咗人妻做埋啊媽十幾年都煮唔掂，成日要出街開餐。真失禮！我真係衰到寧願洗碗省煲洗爐頭都唔鍾意煮。

唯一最叻係煲老火湯。直至三年前先開始的起心肝學自煮。最近游走於各cook blog, 發現有些食譜好簡易，咁我又試煮下，ok喎！可能我嘅廚藝天份而家先爆發出來。連我屋企三位老細都O晒咀。

我對為食孖寶最開心，成日等啊媽比驚喜。有時仲玩嘢到好似係餐廳點菜咁，話要食乜。咪玩啦！等我真係變咗廚神先再點啦！

今晚好開心，多謝blog友Agnes教我整蝦醬蒸肉片！自從媽咪唔係度，自己又唔識整，十幾年冇食過啦！感動中！

其實我哋永遠覺得媽媽餸菜係最好味，就算簡單如煎荷包蛋，也可以是人間美食，因為當中包含了愛。掌握家中各人個胃嘅就係媽媽。晚餐在家庭中係非常重要，因為大家各有各幫了一整天，就只有食飯時圍埋一齊嗰少少時間溝通一下。所以做我會繼續炮制美食，令我個家充滿愛。

再見2011

時間過得真快, 2011年又快完結啦!

回顧今年過得充實又快樂, 自從2010年認識教主Angel, 學識宇宙神功再瘦身成功後, 我的人生變得色彩繽紛, 最意外是認識到一班遍及全球的小天使姊妹。

今年8月更有機會飛番HK参加第二届Super Angel超級天使嘅選舉活動, 最開心係可以見到教主, 又跟一班姊妹老友見面。

更令自己意想不到嘅係我同啊妹竟然可以將Ankang安康這些寶貝產品帶來紐約, 令更多人認識排毒及健康瘦身的重要性。

從來無諗過係屋企做咗十年肥師奶嘅我因為幸運而遇上「天使」, 一切都变得不一樣, 唔單只重拾good fit 身型, 更加重返職場。

我跟好多小天使姊妹一樣, 每次見都教主, 心情都異常激動, 簡直非筆墨能形容, 只因她帶給我太多太多不一樣的體會。

我又敬又愛的教主, 多謝你賜給我的美麗「麒」蹟。

還有一件在2011年的開心事, 就係我終於感染咗啊妹做埋宇宙村姑, 佢仲係半年减走21磅肥膏, 成功咁健康瘦身。

2012年好快就到, 希望新一年能更快樂更感恩地實現我的夢想。

Happy New Year to my dearest family and all of my lovely friends.  

能分享是福氣來!

好囉! 上到嚟寫blog啦! 呢隻咁嘅Y烏, upgrade完成日short, 亂晒碼, 想點呀!  再係咁就迫我捨你而去, 轉戰新浪博客架啦! 

好耐無出blog, 我諗大家唔會唔記得我啩! 呢一個半月嚟勁忙, 同時間競賽, 終於上星期日同阿妹生咗個「仔」出嚟!  多謝所有係FB及weibo送上祝福的姊妹們。有咁多祝福加持, 小店一定越做越旺。我会努力將教主嘅健康瘦身養生理念讓更多人知道。

見到有人因為信自己所信的而瘦身成功, 是很高興的一件事。分享是美好的, 能有機会与別人分享是福氣來。願大家這點福氣越來越大。

我位宇宙新丁阿妹好像巳經打破平台期, 體重再下降了兩磅, 都話「堅持」二字值千金啦!  平台期中嘅姊妹, 努力呀!

我叫阿妹努力減埋嗰幾磅就可以畢業升級做師姐, 再去幫其他新丁。

雖然呢個星期勁惹是非, 遇到d十年難得一遇嘅無聊人嚟賀我, 但唔知點解, 見到佢做嘅無聊事, 換轉以前嘅我已經噴火,  今次竟然一丁點怒氣也沒有, 還會樂得哈哈大笑, 多謝人家幫我店舖宣傳, 好像有點變態啊!  

人之所以會不快樂是源於自我中心太強再加上放不下及幼稚，以為自己所做的能令別人不快，可惜是人家由始至終都不當是一回事，這樣執著，其實是蠻可憐的！EQ原來真的是需要培訓的。Anyway, 有機會我仍想跟她交個朋友, 是真心話。多一朋友比多一個敵人快樂。

朋友是人生中其中一種寶貴資產啊!  能有心靈上溝通得上的朋友亦是福氣來,  朋友一個眼神巳是無形的精神支持。

感恩我都能擁有。

原諒我失踪了!

哎喲!  又已經好幾天沒上來updated了!  自從Super Angel選舉後回來, 一直忙忙忙。 只因一回來我那位医生細妹就比咗個大難題我。  就是這樣, 我跟宇宙新丁阿妹四處張羅, 東看西看, 頭到大埋, 最慘係有deadline嘛!  

好彩仲有d運仔, 終於大前天一切定案。但亦是另一個忙碌的開始, 下一個deadline日期: 10月23日。 點解係呢日deadline, 因為嗰日通勝話好日囉! 

先賣個關子, 一星期後再話過大家知個好日子用嚟做乜。

但當我在微博知道教主嗰日會去安康在鑽石山的旗艦店新張剪綵, 我嘅反應是O咀及呆咗兩秒, 接住是會心微笑。

我想我是忙得快樂的。一年前訂下的理想, 「被迫」提早達標了!

呢排好鬼唔夠瞓呀!  就嚟好似農夫嗰首歌仔所唱咁, 「個眼袋裝得落個十蚊銀」

連陪我對寶貝嘅時間都少咗, 今日仲要的埋佢哋出嚟公司。見佢兩個係公司乖乖地做功課無嘈嘈閉, 所以收工後如他們所願,  帶佢哋去食打邊邊,  一人一鍋。今日NY好大風仲有d凍, 啱晒, 最好係容易宇宙嘛!

你睇啊為食小王子有得吃, 笑得幾咁燦爛, 四萬咁口哩! 

有微博的姊妹們, 請多多關注啊!

微博 http://weibo.com/goldenjenny

最近開通埋新浪博客, 有空過去探吓我!

 新浪博客 http://blog.sina.com.cn/goldenjenny88 

愛護地球。學環保

前兩天還在穿短褲背心, 接下來這兩天竟然穿上薄外套還覺冷, 昨晚氣温下降至華氏60度(HK18℃), 什麼怪異天氣, 我的天啊! 紐約變成了沙漠區嗎? 早晚氣温可以差那麼遠?  真的令人難以適應。

我們的地球先生怎麽了?  真的病重啊! 

現代人濫用化學劑, 最終變成不論吃的用的也充滿毒素, 很可怕很可悲!

我們要認真地好好愛護地球, 只因它越病重, 我們心愛的下一代也不會好過。今天大家再不正視及努力學環保, 最後的惡果也要由我們及我們的下一代承受哩!

最簡單是由回收膠瓶, 玻璃瓶及紙張做起, 學懂循環再做。 少用膠袋, 購物時多用環保袋, 少用發泡膠盒, 少用電, 節約用水, 少用化學用品, 甚至乎少吃肉類也是對保護地球出一分力。地球上每一個人肯出一分力, 世界會因你而改變, 不要少看那一點點力量啊! 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

要成功。先管理好自己

呢個4月份以來, 唔多夠瞓, 成日比個大眼袋跟住, 勁討厭耶!  所以大家呢排見到我post上blog及FB嘅相, 多數帶住副大黑超遮醜。

所以呢幾晚我不停跟自己說, 要學做灰姑娘, 十二點前就要仆去瞓。大前晚十二點半, 前晚進步少少, 真的十二點, 噚晚至叻, 十一點半就上床覺覺豬。我知其實最好係十一點前就去休息, 因為我每朝七點鬆d就要起身搞掂對寶貝返學。

努力改變中。I promise myself that I will try my best.

做咗十年師奶重新再做番在職媽咪, 真的不容易啊!  每朝送小王子返學, 落車時, 佢都仲會間中問吓: 「媽咪, 今日係咪你接我放學。」面對着寶貝這些提問, 會令我有不安感。好像是我重返職場, 剝削了他們見媽咪的時間。

但是.......仔啊! 你已經比好多小朋友幸福, 媽咪送返學, 爹哋接放學, 父母常伴在身邊。有些小朋友放學後, 仍然要去after school program, 六點先有家人接放學, 只因他們的爸媽們仍未放工啊!

但我仍跟自己說, 要學會不帶工作回家, 所以這個星期已在公司電腦裝上手寫板(我不懂其他中文輸入法, 失敗), 盡力在公司時間做好要做的事。

小朋友成長時期, 做父母的要多珍惜跟他們在一起的快樂時光, 多抱抱, 多親咀, 多說悄悄話, 因為你會發現當他們逐漸長大, 他們會有自己的天地, 到時候是做父母的, 等他們有時間才來陪我們哩!

我相信要成功, 首先要學懂好好的分配時間, 連自己都管理不好, 如何相信自己能做到家庭事業也兼顧到哩。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

終於買到了

買到啦! 買到啦!  終於讀咗教主篇專訪, 對教主更更更敬佩。

一句錢要賺得有型, 已經令我LIKE爆。

就是喜歡她實話實說, 從不賣帳, 寸咀又如何, 只要寸得有道理, 有何不可! 

叛逆皇阿媽, 我LIKE。

你估個個CEO夠膽用自己個名嚟對顧客作出承諾架!

超級認同教主的做人處事方式, 可能自己亦是單親家庭成長, 同樣十幾歲巳經要出社會拼博打工, 半工讀, 這一切令我對她更有共嗚。

她的金句:

「不招人妒是庸才, 那怕是非滾滾來!」

呢句金句已經成為我的座右銘。

新來我blog的朋友, 你可能在說我在擦鞋, 不打緊。

我又如何令全世界喜歡我了解我, 不了解我的,

我不需去解釋來求你認同。

愛我的人明白我, 已經很足夠。

上天令我幸運地遇上教主, 就讓時間來証明何解我那麼愛她, 還有一群我愛的小天使姊妹們。

愛就是愛, 要勇於說出口, 中國人就是太不敢將愛宣之於口。

直接點啊!

愛父母的, 愛子女的, 愛另一半的, 愛知心好友的, 全跟他們說:

「我愛你!」

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

母親節快樂!

一年一度母親節又到啦!

祝天下間所有母親都能幸福快樂, 子女聽教聽話!

養兒方知父母心呢句說話很對啊! 

母愛有多偉大, 要做了媽媽才能深深體會到。

每年母親節我總是對媽媽特別思念, 只因十三年前的母親節前夕, 媽媽離我而去。那種傷痛到今天仍在, 揮之不去。但我相信她會在天上遙遙的守護著我。

我...亦只能在心中說聲:  mama, I love you。

有父母在身邊的人是幸福的人, 要多加珍惜啊!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

天天天晴好心情

天氣好壞對人嘅心情真係有影嚮架!  早兩日連續落咗兩日雨, 又寒又濕, 拎住把遮再同風小姐爭持, 真係人都燥啲, 心情差啲。

今日就唔同啦! 太陽伯伯跟藍天白雲終於無蛇王, 肯開工啦!

See, 係咪望見呢啲天氣, 人都精神爽利, 事事順暢呀!

之但係已經四月, 啲樹仲係光禿禿, 揾塊葉睇吓都無, 個春天究竟去咗邊?

每年三、四月份春天, 因為花開加埋樹又發芽, 係花粉狂爆嘅時間。嚟咗美國廿幾年從來都無花粉症嘅我, 係去年呢個時候, 竟然被花粉惡魔折磨得好慘, 眼又痕鼻又塞, 連瞓覺都透唔到氣。

後來係圖書館借來一本講蘋果紅蘿蔔汁排毒嘅書, 係由日本著名自然療法專家石原結實醫學博士所寫, 內容教嘅水果汁排毒法跟教主Angel 教我哋嘅排毒理論好相似。

書內指出在開始排毒時會排出大量糞便、尿液和汗液。更會出現口內炎、生疹等情況, 有時有人會覺得病情惡了化, 因而不敢斷續排毒, 中醫稱此為「瞑眩反應」, 其實是疾病好轉的跡象。

讀到呢樹, 我即時「叮」一聲, 因為當時我剛飲完排毒酵精21日排毒療程, 咁我花粉敏感得超厲害同我排毒有冇關係呢! 我相信係囉!

我家吓就係樹等緊, 今年花粉惡魔仲會唔會嚟揾我。啍!

飲咗酵精一年, 抵抗力好咗, 見醫生叔叔次數少之又少, 我敢說呢十幾年來, 家陣身體狀態最fit, 感恩, 勁開心。 

題外話, 今日小公主返完國語班, 一見我就立即比個test我睇, 佢話唔小心, 差一劃就少咗5分, 好唔低喎。唉! 啊女, 你有名雲遊小公主, 我已經見怪不怪, 你餐餐唔係少2分就少5分, 揾次滿分威比我睇哩!

Anyway, 95分我收貨架啦! 但我梗要叫佢努力, 做吓樣都要嘛!

人要進步係要有動力嘛!  有目標先可以做得更好, 心裏那團火要生生不息才可令人生發光發亮。

幸運日

荒廢咗個blog幾日, 要掃吓塵至得囉!

晨早送對寶貝返學, 發覺今天NY天氣很好, 心情即時靚靚。

你睇, 藍天一片, 揾舊白雲都冇, 但仲係好凍, 啲樹仲係光頭, 芽都未發。

點解話今日係lucky day, 原因有二。

首先係送完返學, 啊妹call 嚟有好消息, 煩咗幾日嘅事, 今日終於解决。一齊計劃可繼續進行。

另外, 我今晚有做好煮婦份工喔!  諗住嚟碟蝦仁炒疍(小王子至愛), 係雪柜拎盒有機雞疍出嚟準備, 一開, 嘩! 又孖黄, 幸運啊!

今年初試過連開四隻疍, 有三隻孖黄。我一直諗呢個都係我無敵記錄啦卦! 

點知, 唔係化?  咁勁! 破記錄!???

即時放上FB比大家埋嚟睇埋嚟估。

呵~~~ 好多人估啊! 但竟然有人估三隻疍, 係咪估得誇張咗少少呢!

無係我FB估過嘅blog友, 比10秒你諗吓!

10

9

8

7

6

5

4

3

2

1

係一嘢連開五隻都係孖黃囉! 嚇C我!

最後答中嘅有珠兒, Polly, 小公主及Alice。掌聲鼓厲!

究竟有冇人可以話過我知, 有機雞疍係咪特別容易有孖黄出現嘅呢?

究竟係正常定我今年真係咁好彩, R晒頭!