小天使聚會~~~後記篇
話說係HK走前兩日和一大班小天使去咗荃灣城市中心稻香飯聚，一枱14人, 嘻嘻哈哈, 勁開心。
當日出度嘅小天使有左起: 阿木太太(Pinky), Christy, Sandy, okok (Alice), Amy, 我, 夢芝芝, 寶利媽媽(Polly), 綠茶(Windie), Fanny, chichi (Izar), 公仔, Janet, 仲有偉大嘅攝影師珍妮貓(Janice)。
多謝Windie & Fanny幫我哋揸fit 叫餸, 辛苦晒! 一叫10碟, 唔夠喉, 後補整多4碟, 邊個話減肥瘦身要捱餓架! 我哋14碟餸, 全部清晒, 有菜, 有肉, 有澱粉, 兩個宇宙隊伍, 自己揀菜加肉定菜加澱粉。
最尾呢碟香檳骨吃咗兩碟。
咁多嘢食都只係每人70蚊, 抵呀!
最搞笑係每次有餸上枱, 我哋呢班小天使唔係起筷, 而係舉機, 舉起部相機, 喺咁係度狂影碟餸, 好似影沙龍咁, 我諗啲企枱姨姨R晒頭, 諗緊呢班友係樹攪乜。
席間我哋個口都好忙, 又要掛住食, 但又唔停口係咁講, i-phone, 瘦身, 化粧, 護膚, 乜都傾。我哋嘅會長綠茶就係當晚比Polly 部「艾瘋死豬」誘惑咗, 第二日就拖咗隻豬仔錢罌出去比人放血, 佢仲要喪買血拼一輪, 可憐既豬仔比主人連捅幾刀後失血過多, 變咗木乃伊咁入咗ICU急救。
後尾轉場, 團長Fanny帶咗我哋班團友去咗沛公吃甜品, 我, Windie & 公仔都揀咗呢件石板街千層疍糕, 好好味!
呢件係Fanny叫嘅芒果千層疍糕, looks yummy!
期間Fanny仲同我哋分享化粧, 護膚心得, Fanny 啲皮膚真係好靚。佢仲教我哋點用呢啲gel 狀嘅銀色眼線添。
之後又忙於互影, 十幾人企晒係條街, 左影右影, 人哋唔知仲以為做乜有團自由人係樹影相。以上相片係Windie個邊打劫番嚟嘅, 多謝晒!
最後雖然依依不捨, 但都要各自返歸囉!
各位小天使保重啦!
想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。
Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619
, 係HK boarding入閘時, 航空公司已通知咗我件行李爆開咗, 但佢哋巳幫我再用膠袋pack好, 叫我唔使擔心。
