預備入廚日

預備入廚日

自從落機好乖咁連煮三晚, 之後hea咗兩日, honey整咗餐沙律, 我再罷煮兩日, 噚晚又有飯局, 冇煮過飯!

咦! 好多日冇做好份工添, 我怕被honey炒魷魚。今晚要乖乖哋重執鑊鏟, 再次開爐啦! 再唔入廚, 我怕個厨房會有蜘蛛網!

話說早幾日綠茶話我知, 發夢見到我和小王子。我叫佢唔好咁掛住我, 掛到發夢都夢見我。  點知佢話夢見我係厨房煮餸, 小王子拎住塊反光境係樹幫我打燈, 等我可以一路煮一路影低個過程。

唔係化?

真係笑鬼C我, 我知我hea咗好多日, 但你唔使罰我夢中煮啩, 至多今晚真係煮囉!

晨早送咗對宇宙特警返學後, 走咗去超市入貨。四大袋嘢返歸, 拎到我CC吓!

左上角嗰樽係我樽Grapeseed Oil, 比我係皇后區一間韓國超市揾到支大size嘅, 意大利出口! 之前嗰支葡萄牙出產, 但size細一半。教主話食好油唔會肥, 仲有助瘦身。

講番我嗰四袋嘢先! 打開啲袋, 望見自己買嘅嘢, 都忍唔住笑, 做乜全部都係生果瓜菜菇, 蒟蒻同yogurt, 肉到無件。

唔係喎! 有兩條魚呀, 但係海鮮。我真係好似冇行過肉部個邊添! 算啦! 今晚就全家傾力宇宙, 菜菇加海鮮。Oh, 仲有件煲湯肉眼係雪柜, 嚟多個萍果雪耳南北杏煲瘦肉啦! 夠滋潤呀! 呢啲乾到令人龜裂嘅天氣, 真係要潤番吓。

我強調我係唔多愛煮飯但我鍾意煲湯, 所以罷煮嗰日都會有湯水飲, 我會hea住咁煲, 冇壓力嘛! 我都唔知係樹講乜, 家庭主婦竟然話煮飯有壓力, 我怕被人用蕃茄爛菜掟呀! 

Anyway, 我又買咗日本蕃薯, 好掛住碗黑糖薑茶蕃薯糖水。

 

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619