生機飲食法

生機飲食法

最近好多天使姊妹講緊教主嘅生機飲食法(Raw food diet)。

生食新鮮蔬菜生果肉類能更完整保存食物中嘅酵素, 令人體更易吸收。身體越多酵素越能排走體內毒素, 身體潔淨, 自然抵抗力好啲, 病痛少啲。當然食有機嘅新鮮蔬菜對身體更好, 選擇魚生亦可符合此飲食法。

教主話佢每三個月就嚟一次21日生機飲食法。想唔想青春常駐, 好似教主咁年年廿三呀!  咁就要keep 住raw 一raw啦!

此生機飲食法要連食21日:

-          每日只食用生鮮未經煮熟的食物如蔬菜、水果、生肉(魚、蝦等海鮮、生牛肉等可生吃的肉類、生有機雞蛋)

-          大量喝水、鮮榨蔬果汁及酵精<補身酵精最好,其他酵精亦可>

-          米飯只可吃糙米或紅米

-          一般体質每日一杯黑糖薑茶及陰性虛寒体質可喝2-3杯

-          每日一杯桑寄生杜仲紅棗茶

桑寄生杜仲紅棗茶

材料：桑寄生、杜仲 各3錢、紅棗 6粒

做法：

1.將紅棗去核後，一開二，杜仲切成條狀，並將所有材料洗淨。

2.水滾後，加入材料，將5碗水煮成一碗水即可。

-          每餐必須有熱湯，可選任何補身瘦身湯<可參考我的書、blog的湯方>

-          每餐量不限，吃到飽，要跟宇宙自然飲食法的3成主食7成蔬菜及五穀與肉分開的吃法

-          要食用大量初榨橄欖油

想了解多啲, 可click入教主個blog http://hk.myblog.yahoo.com/iam-angeltong/article?mid=55435

但我仲未有信心連續raw 夠21日囉!  今日唔知算唔算生機咗大半日呢?

早餐例牌生果餐, 今朝飲完排毒酵精, 食咗一個火龍果及一個奇異果, 午餐前仲吃多條香蕉。

Lunch食咗咖喱雜菜雞飯(走雞), 個咖啦飯好好味, 咖喱又係我C穴, 一食咖喱就好易食多咗飯。飽到下午茶都唔使食。

Dinner honey整沙律, 食咗呢個煙三文魚沙律, 好好味。但後尾諗諗, 其實煙三文魚算唔算生呢? Smoke過, 我諗我應該失敗咗。

碗湯熟口熟面呢! 係呀, 又係干貝山藥潤肺湯, 因為小公主要encore, 佢話太好味喎! 仲叫我記得話比教主知, 所以今日又嚟一大煲。

想知個湯點煲, click入呢樹: http://hk.myblog.yahoo.com/iam-angeltong/article?mid=56820

今日好開心多咗一個住係英國嘅隱形blog友現身, 歡迎佢加入我哋個宇宙村, 呢條村越嚟越國際化啦。有時間的話, 過佢嗰邊, 鼓勵吓佢啦!

http://hk.myblog.yahoo.com/jw!xdWanIaBERmUiNZLg_9DAqT2lfw-/article?mid=8

 

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619