向垃圾食物說NO!
瘦身前嘅我, 勁愛吃垃圾零食, 各式各樣嘅餅干, 勁香牛油味曲奇, 各式香口薯片都會係我屋企入面出現, 一係唔出手, 一出手就停唔到口, 唔吃晒成包都唔會停手。
超愛澱粉質食物嘅我, 當然唔會放過麵包鋪入面香噴噴嘅麵包, 甚麼粥粉麵飯, 炒年榚, 通通係我「飛佛」, 而家諗起真係no eye see!!!
唔係唔比你食澱粉質, 只係唔好食高温煮過嘅澱粉質。唔明?
即係麵包, 曲奇, 餅干, 炒飯, 炒麵, 炒年糕, 送粥嘅油條, 炸薯條等等, 通通唔好食囉! 因為佢哋嘅製作過程都係經高温處理, 但凡澱粉質即碳水化合物經高温烹調後都會產生毒素, 食咗落肚變為毒素, 積埋積埋就係百病之源。
仲有用錯唔可以高温烹調嘅食油嚟煎炒炸, 啲油就變成反式脂肪(Trans Fat)。反式脂肪好難係身體代謝番出嚟架! 炒粉炒飯巳產生毒素, 仲用錯埋嘅油嚟炒, 再加埋啲反式脂肪入去, 毒上加毒。
好多人聽見用Olive oil會健康啲, 但優質嘅Olive oil 只可以涼拌, 水煮, 蒸, 或做salad dressing, 係唔可以用嚟煎炒炸架, 因為佢嘅發煙點較低呀!
我真係見過有朋友用Olive oil 嚟煮餸, 但中國餸菜入面好多都係高温咁煮, 原本為健康改用Olive oil, 點知用錯煮食方法, 一樣唔掂! 
教主教我哋用嘅好油就有葡萄籽油及椰子油。 呢啲油嘅發煙點較高, 可以用嚟煎炒炸。
我用緊呢兩支好油, 食好油係唔會肥仲有助瘦身添!
想知多啲高温煮食如何不健康, 過教主個邊睇睇 http://hk.myblog.yahoo.com/iam-angeltong/article?mid=672
瘦身後嘅我, 零食雖然未能完全戒掉, 但就要學識點樣揀! 首先學吓睇營養標誌, 再讀吓啲成分, 要揀冇反式脂肪, 最好係無人造色素, 無添加劑及防腐劑。老實講剩番落嚟嘅選擇唔多。薯片揀baked 嘅會比炸嘅好少少, 我係超市見過有Baked apple chips, 我食過幾好味架, 好過食薯片呀。
睇完以上一大段嘢, 可能你會話咁樣咪好多嘢唔食得? 係架, 但你要唔要健康先! 做媽咪嘅你明知呢啲零食食落身體會變做毒素, 咁你仲比你個小朋友食! 
而家Ankang出咗款健康蔬菜片, 係一個健康嘅小食, 本來今次返HK我冇買到架! 但多謝小天使珍妮貓, 佢好鍚小公主同小王子, 買咗兩盒蔬菜片送比佢哋。
兩隻為食貓食到停唔到咀, 大家睇吓佢哋個衰樣! 幾滋味!
但真係好好味, 連我自己都停唔到口。
入面有四季豆, 蕃薯, 紫心蕃薯及牛蒡。
最重要係無反式脂肪, 無人造色素, 無添加劑及防腐劑。
仲有就係小公主同小王子叫我幫佢哋多謝珍妮貓姐姐, 佢哋話好鍾意呢個蔬菜片, 要咀啖你咁話。反而香脆餅小公主話係好味但停到口啫! 仲好費你同我爭食。
想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。
Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619
NO.1 haa ''超愛澱粉質食物嘅我, 當然唔會放過麵包鋪入面香噴噴嘅麵包, 甚麼粥粉麵飯, 炒年榚, 通通係我「飛佛」''<---me too! 以前唔覺自己咁中意食澱粉質o既野. 而家知道唔好食. 先發現自己好想食. haaaaa
ReplyDelete[版主回覆10/26/2010 20:29:00]me 2, 我都係既宇宙大法之後,先覺自己咁like食澱粉質會物ｏ
蔬菜片~我女女都好中意食啊
ReplyDelete[版主回覆10/26/2010 21:02:00]連我自己都停唔口!
小王子好似塊面圓左
ReplyDelete小公主就依然係咁纖瘦瓜子口面
[版主回覆10/27/2010 02:22:00]小王子塊面成日都圓圓咁, 我怕遲D有双下巴添呀!
蔬菜片真係好味呀!
ReplyDelete美容師話現在無貨tim呀!
[版主回覆10/27/2010 02:21:00]wow, 賣斷市tim!
我乜都食。........哈哈哈..............死未。~~~
ReplyDelete[版主回覆10/27/2010 02:20:00]食完識補飛, 冇敢易C嘅!
第一次留言,不過時常睇妳個 BLOG,妳好成功,都要請妳給我 add oil thank you
ReplyDelete[版主回覆10/27/2010 02:20:00]多謝你來留言, 我會catwalk過妳個blog, 加油啊! 宇宙村歡迎你。
蔬菜片... 我唔敢買~~~ hahahaha 怕停唔到口呢~!
ReplyDelete[版主回覆10/27/2010 02:18:00]嘻~~~我真係停唔到口呀!
我都想買蔬菜片, 快點出糧, 要去AF 血拚.
ReplyDelete[版主回覆10/27/2010 02:18:00]小心停唔到口!
我今日lunch食左炒飯tim
ReplyDelete[版主回覆10/27/2010 02:17:00]酵精補飛!
ReplyDeletewa,你壓到佢地好樣衰呀
[版主回覆10/27/2010 02:17:00]我唔想架! 我件行李玩爆破, 見到佢哋壓成咁, 我不知幾肉赤呀! 好彩入面冇樹咋。
我食蔬菜片都停唔到口, 仲....一次食咗2盒呀... 太過份啦.. 所以都唔敢買
ReplyDelete[版主回覆10/27/2010 08:17:00]吓! 一次食咗2盒 ! 咁勁!
蔬菜片&香脆餅都好好味！
ReplyDelete好難停口唔食一整包......
[版主回覆10/27/2010 09:43:00]好味都咁, 點忍口呢!
麵包, 餅干, 炒年糕都係我 [飛佛], 但宇宙後好少食~~
ReplyDelete蔬菜片荃灣店無貨, 我order咗, 我都驚停唔到口~~~
[版主回覆10/27/2010 12:13:00]真係好易停唔到口!
呵~~呵~~多謝就唔使啦~~咀啖啦喎!!!等你地番黎我一定會問佢地攞架 你兩位宇宙特警喜歡食就好啦~~因為貓貓姐都鐘意食到不得了呀~~
ReplyDelete[版主回覆10/27/2010 12:14:00]me 2, 好味都唔識停呀! C未!
咁你地咪要爭食囉?
ReplyDelete[版主回覆10/28/2010 05:59:00]兩隻衰嘢成日同我爭食。