Koji 睫毛夾

真係忍唔住要講講呢隻Koji出的睫毛夾。未返HK前, 係網上見好多人推介, 話Koji 呢隻model 嘅睫毛夾勁好用, 連袁小姐都係youtube介紹過。

我呢啲掛住個勇字係心口嘅清兵, 乜都試上身, 拎塊面嚟做testing都敢, 何妨區區一隻睫毛夾。但我係NY揾過, 真係冇呢個model, 只見Koji 其他model 既睫毛夾, 揾唔到呢款。

今次返嚟, 逛逛吓比我見到佢, 我仲唔出招買咗佢咩。 但係HK時太忙, 冇拆開嚟試用。 早幾日拆嚟用, 一試傾心, 真係我咁多年來所買過, 最好用既睫毛夾啊!

以住不論平貴嘅都買過唔知幾多隻, 但冇一隻用得稱心如意囉!

我研究過架啦! 以住我用嘅睫毛夾, 嗰curve比較大, 好難一嘢夾晒成排睫毛, 呢隻嗰curve比較直, 較適合亞洲人的眼窩弧度, 好容易就夾晒成排睫毛, 輕輕力巳經夾得又靚又自然, 我超鍾意啊!

有興趣嘅姊妹, 可以諗諗佢, 我係卓X買嘅, HK$108。

我呢幾日仲開始試緊隻溶黑頭精華, 好似得得哋, 我左邊面豬有三粒細細嘅粒粒, 唔知算暗粒定油脂粒, 係兩個月前比個有經驗鬼婆美容師點, 教我點用防晒產品搞出嚟嘅, 係正塊面豬, 又唔敢亂攪, 等我試完呢隻溶黑頭精華, 做完實驗, 掂嘅話再話比大家知。仲有好多款mask未試, 嗰排公主李假眼睫毛又未玩, 咁大家明我袋行李點解玩爆破啦。