大清潔的一天

好囉! 今朝起身終於叉到8成電, 雖然未叉足, 但都好過烏啄啄, 成隻喪屍咁嚇人呀!

送完兩個寶貝返學, 望住間屋, 睇極都唔順眼, 忍咗幾日, 今日要嚟個clean up day啦。吸塵抹地洗厠所, 通通要做, 所有垃圾冇得留低。

嘩! 有冇咁多塵呀? 啊honey, 你唔係兩個幾禮拜都冇吸過塵呀? 唔抹地你都係咁E吸吸佢啦! 我再遲啲返嚟, 容乜易通屋都係蜘蛛網架!

仲有乜嘢執? 多囉! 餐枱上嘅書本雜物, 椅背上嘅衫, 呢班友著一件擺一件, 家陣叫你哋玩fashion show 咩!

再望吓張茶几, 放滿晒嘢, 仲叠羅漢咁, 使唔使咁高難度呀!

整乜鬼TV旁邊有叠嘢? 睇真啲係小公主做project啲用具物料, 嘩, 連交剪都有把係樹, 係咪陰我先!

再行入佢兩位大帝間房, 真係賣桔, 點解可以亂成咁! 究竟你哋覺唔覺自己瞓咗係垃吸堆入面, NO EYE SEE!!!!!

間屋豆腐潤咁細, 你哋都攪成咁, 若然他朝換間大嘅, 我呢個啊四真係C得囉!

Oh no! 我放係文昌位嗰四支富貴竹, 做乜黄咗兩支, 好明顯有人唔記得幫我淋水啦!

唉! 拆掂晒呢咁大壇嘢, 搞咗我幾粒鐘, 即時冇晒電, 又想去叉電瞓吓, 望吓個鐘, 又到接放學時間。 天呀! 我wet 咗兩個幾禮拜啫, 比係路嚟行吓好喎!

我都好乖吖, 雖然到煮飯時間已經就嚟冇電, 直情有啲漏電添, 但我有煮飯喎!

今晚dinner有茄汁三文魚, 梅子蒸排骨再加埋清炒西蘭花。我揀咗菜加魚。

連煮三晚, 明天Friday要抖抖至得喇! 又揾藉口偷懶。