Hea 爆的我

話說前日係未叉足電嘅情況底下, 開行turbo幫間屋嚟個大清潔後, 要抖番夠本, 回吓氣, 所以噚日乜都唔做, 飯都唔煮, 决定要hea住咁過呢日, hea 爆到連blog到冇寫。

噚日lunch 約咗老友見面, 再上佢new office 參觀, 佢傾掂個德國護膚品牌, 美東區九州代理返嚟, 好替佢開心, 希望佢大展拳腳, 生意興隆, 貨如輪轉, 一本萬利。

我以後有至醒價嘅護膚品用, 夠晒著數。

Lunch 完, 我位老友就陪我去揾綠茶牽線, 令我認識既NY小天使Esther, 我幫佢買咗支排毒酵精及兩盒荷葉草本茶返嚟。我仲叫佢飲酵精時有乜問題, 可以上blog或FB揾我。

之後再同老友齊齊hea住咁去接我哋幾位寶貝放學, 再hea住去tea一tea, 爽呀!

晚飯點? 話明要hea爆, 梗係做無飯主婦, 出街食啦!  嗱嗱嗱, 我自首, 為咗碟特價薑葱龍蝦炆伊麵, 我失守冇宇宙。

其實正確嚟講我係hea足兩日, 家陣仲hea緊, 今日中午對寶貝上完國語班, 走咗去吃車仔麵做午餐, 呢餐有宇宙架, 湯河粉加炆冬菇, 菜心及煎疍。

啱啱揾完周公玩個午後棋局, 吃咗兩個kiwi做下午茶, 見小公主仲同佢嗰500字project summary 博鬥緊, 就上blog睇睇, catwalk去其他姐妹個blog昅吓。等小公主搞掂埋, 我哋就會出發去行街街, 而晚餐, 嘻~~~ 繼續罷煮!

Honey整佢嘅招牌雞肉雜菜生果沙律, 嚟個early dinner至出街, 今日星期六, shopping mall 九點至關門。

咪鬧我啦! 人哋啱啱至叫jetlag完, 唔再喪屍咁, 比我hea埋今日啦!

仲有今朝行Costco, 又揾到呢支有機carrot juice。

住美國嘅小天使, 有興趣可以去揾揾, 係Costco, 我仲揾到有organic 嘅牛奶, 雞旦, 雞湯, 雞肉及yogurt添! 為健康好, 齊齊出盡力, 做個有機宇宙人。

Oh, 小公主攪掂啦! 吃埋嗰美味沙律, 我去街街啦!

放心, 我唔會喪買, 我去買birthday gift比姪仔啫!