Dinner @ 尖沙咀菓一道

Dinner @ 尖沙咀菓一道

菓一道呢間推廣健康飲食嘅餐廳, 教主及很多blog友都話正, 咁遠返都嚟, 梗要試吓嘅, 所以昨晚約咗幾位blog友小天使去尖沙咀嗰間開餐。

一行六人上到去, 揾番嗰靚位坐下先。 今次呢個小天使聚會有公仔, 阿木太太, 珍妮貓, 姬仙蒂及Chichi, 加埋我巳經兩個墟。本來仲有啊Bi及歪歪架, 但最後佢兩位太忙嚟唔到。

我哋六位小天使都好乖啊! 人人宇宙冇犯規。

但我哋睇餐牌到點菜, 最少搞咗十五分鐘, 唔係難宇宙, 相反係太多餐可以揀嚟宇宙, 花多眼亂, 好似樣樣都好吸引, 點算?

最多心嗰個係公仔隻衰嘢, 三心兩意, 我哋叫得佢仲未諗掂。 

我lunch食咗澱粉, dinner 應該揀肉或海鮮, 本來都揀咗雞架啦, 但佢哋話呢樹個跟餐麵包好好味, 勁推介, 而是日餐湯又係高纖雜豆湯, 又係澱粉喎! 所以我最終選咗黑松露炒雜菜, main course 入面只有菜, 加埋個包包及豆豆湯, 咁咪做到七三比例囉!

出街食飯, 一樣做到宇宙, no problem。

我哋兩個墟, 真係好~~~嘈!  

雖然做到細聲講, 但忍唔住大聲笑囉! 直情笑聲震哋球, 每隔一陣就狂笑。哈~~~

嚟啦喂! 開餐哩! 睇見都流口水呀! 原來我家兩個寶貝為食係似我。

呢個高纖雜豆湯真係好得喎!

各小天使勁推介嘅包包, 又真係好香芝麻味, 好好味, 連牛油都唔使塗呀!

呢杯有機黑豆漿, 可以自己加糖調味, 豆香味極濃, 又滑, 走糖都得呀!

主菜上場, 我嘅黑松露炒雜菌雜菜, 掂呀, 好味之餘仲夠晒菜添。

呢個係公仔諗咗好耐, 精挑細選嘅咖喱雜菜素腩煲配紅糙米飯。我試咗啲, 送飯一流好惹味。

姫仙蒂及chichi 揀嘅既燒焗茄子蕃茄紅糙米飯。

阿木太太點既南瓜疍白炒糙米飯, 係咪好靚仔哩。

珍妮貓嘅五穀飯團+香草蒜子炒雜菌+有機豆腐。

甜品有紅豆沙及果凍比我哋揀, 但我哋好一致, 六個果凍唔該。味道有啲似我食開嘅茘枝味蒟蒻椰果, 甜咗些少。

其本上呢一餐大家都食得幾滿意。

最意外嘅係我哋竟然見到教主Angel, 冇呃你架, 睇吓!

教主, 你真係無處不在。

走之前嚟番張大合照先!

但我哋仲未捨得返歸, 於是乎我哋揾咗間麥當當繼續~~~

影相。

阿木太太, 你直係好纖瘦啊!

珍妮猫 & me

chichi & me, 做乜我嗰樣有殘殘哋???

公仔 & me

開心果姫仙蒂 & me

論住嚟合照啦喂!

啊木太太, 你個膊頭攰唔攰呢?

影埋呢張要走囉! 皆因麥當當姐姐落閘放狗, 我哋仲唔要走咩!

多謝咁多位小天使, 我過咗一個愉快嘅晚上。

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619