一切很美只因有你

係香港返嚟, 有親朋戚友打電話嚟詢問, 問我點樣瘦身, 點識瘦身教主Angel, 點跟宇宙大法。有時行行吓街都比人攔途截「問」, 問我點解瘦咗又靚咗, 我就好似變身做宇宙瘦身顧問咁, 不停解答。

但我絕對樂意分享我的瘦身經驗, 再出力推廣宇宙神功, 係NY幫教主收0靚, 踢人入會~~~  無敵warm爆嘅宇宙天使會。

既然大家對我嘅瘦身過程咁有興趣, 咁我再簡短講一次, 我怕成日倒帶講一次, 有日會食帶, 亂晒龍, down埋機。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

從小到大我都係奀妹一名, 做女時得90幾磅, 以我5呎3吋半嘅身高, 「減肥」兩個字從未出現過係腦海裡面。點知世事無絕對, 結婚後心廣體胖, 再加埋兩個寶貝出世, 體重直逼人生高峰點, 湊B一啲都唔簡單, 壓力大心情差, 根本無時間打理自己, 一個修唔到身嘅肥師奶, 體重飛越130磅。

節食減肥無數次, 無次成功, 瘦完又反彈, 肥瘦間穿梭, 搖搖效應。時常係美食與節食間思想大博鬥, 痛苦又無奈。瘦唔到不特止, 身體重超減越差, 最後搞到貧血。

2009年暑假返香港, 意外地參加咗988十日瘦十吋瘦程, 係十日內減咗3磅及4.6吋。對於用節食減肥無次成功嘅我嚟講, 呢個成績絕對驚訝。

2010年2月中, 體重重上125磅, 我决定再次追隨教主Angel 嘅宇宙自然飲食法, 拎住教主本宇宙秘笈, 搬入宇宙村, 再做宇宙村姑, 點知唔使一個月就輕鬆地减咗3.5磅。 成績變為動力, 接住好乖咁飲排毒酵精, 排清體內毒素, 學煲瘦身湯水, 再跟教主嘅瘦身餐單,  就係咁每個月減啲啲,半年就踢走17磅肥膏。

而家嘅我108磅, 真正做到減去脂肪, 挽回健康。

只要食得「麒」法，堅守宇宙自然飲食法規條及三七黃金比例，瘦身期間鍾意食乜都得, 有乜開心過食住嚟瘦！

最開心係學識宇宙神功, 令我全家嘅飲食習慣都改變咗, 腸胃好咗, 病痛都少咗。要知道健康是無價寶。

能夠瘦身成功, 除咗家人支持, 一定要多謝教主及一班天使姊妹, 無你哋嘅支持及鼓勵, 又點會有今日嘅我。

我的瘦身路上絕不孤單, 一切很美只因沿途有你。