返嚟兩日啦! 噚晚都瞓咗7粒鍾, 但今朝起身鏟兩隻寶貝起身時, 自己都雲遊緊, 勁眼瞓, 搞乜叉極電都唔夠, 冇電冇力做嘢喎! 望住間屋, 啲嘢好似做極到做唔完, 點算好?
唔理啦! 長命功夫長命做, C頂去做, 我怕命仔不保。送完兩個寶貝返學, 再仆去超市入貨, 返到屋企有啲頭痛添, 唔想食止痛藥, 唯有忍吓啦! 
唔止瞓極唔夠, 仲吃極蔬果都覺仲差少少咁, 係咪轉天氣, 攪都個人勁乾塘咁。今朝早餐要食3隻kiwi 至夠喉。
真係要小心身體, 返到嚟NY, 天氣比HK凍好多啊! 朝早得嗰華氏50度, 著住件fleece外套都仲覺凍, 最惨係未換季, 想揾件長袖tee 著吓都冇, 呢個weekend又要嚟個換季大行動。 每次換季, 執完一家四口啲衫, 真係會攰到嘔。
同老友食完lunch, 再接完放學, 再帶兩個寶貝去圖書館一轉, 返到屋企已經無電喇! 頂唔住, 諗走咗去瞓一陣, 點知小王子第一時間跳上我間床, 仲同我講: 「我已經換咗褲仔, 除埋袜仔, 拎埋bear bear 仔, 過嚟同你一齊瞓晏覺。」
我就答佢話: 「咪玩啦! 瞓咗晏覺, 你夜晚仲會瞓得著。你再唔彈出去做埋啲功課, 係樹騷擾我叉電, 小心今晚你連飯仔都冇得食呀!」
就係咁, 經我一輪修理後, 小王子拎住佢隻bear閃得好快咁走咗。
瞓咗兩粒鐘, 好辛苦咁爬起身煮飯仔過三位老細吃, 真係瞓著一半咁嚟煮, 好彩冇燒咗個厨房, 但成隻喪屍咁, 勁攪笑! 
小公主個巨大歴史project今日終於完工, 好在有honey從旁協助吓, 如果唔係我怕小公主deadline到未做好。其實我係擔心緊佢點抬件大作返學啫。
大家一齊睇吓個project有幾「巨」, 仲高過小公主, 啊女仲話交嗰日要做埋presentation至算做齊功課交差。六年級啫, 使唔使咁高難度呀!
小公主呢個project題目係二次大戰美國投擲原子彈在日本嘅廣島與長岐是對還是錯。
返到嚟, 我睇見呢個題目真係O晒咀, 唔係化?
個project真係好巨下
ReplyDeleteｓｏ 我幾時都話ｈｋ ｄ 教育真係
[版主回覆10/14/2010 09:10:00]我只係擔心佢點抬上課室啫, 我怕佢係樓梯番轉再番轉都未上到課室呀ｏ
你係咪作感冒呀?多D休息呀~
ReplyDelete[版主回覆10/14/2010 09:37:00]我都有D驚驚地ｏ
香港天氣都勁乾呀！ 仲好多蚊呀，咬到我無舊好肉囉！
ReplyDelete[版主回覆10/14/2010 19:30:00]咁大鑊, 拎晒D蚊怕水, 蚊香出嚟對付D衰蚊。
條題目好深喎！
ReplyDelete[版主回覆10/14/2010 20:41:00] 咪係囉!
小六做d野好係人地讀中一二三咁pro 喎
ReplyDelete[版主回覆10/14/2010 20:41:00]小六啫, 唔使咁誇呀!
我都開始作感冒啦，大家都要小心身體啊！
ReplyDelete[版主回覆10/14/2010 20:42:00]轉天氣, 真係大家都要小心!
個問題係一條冇model answer嘅。美國係咁，要學生自己去思考，冇啱定錯嘅答案嘅…… 我哋呢哋自細响一個樣樣講求黑與白答案嘅學習環境薰陶下，係搲頭啲架嘞～～～
ReplyDelete[版主回覆10/14/2010 20:44:00]冇model answer都好, 任你講, 答得有紋有路就ok啦!
take care! 試下早D訓, 睇下有無好D!
ReplyDelete[版主回覆10/14/2010 20:40:00]今日瞓醒, 好似好D啦!
個project 好大呀!!!
ReplyDelete你可能作感冒呀!!! take more rest la!
[版主回覆10/14/2010 20:39:00]我都怕病呀! 所以要早D瞓, 唔敢C頂!
個project 好恐怖wor...佢攞唔攞到ga??
ReplyDelete[版主回覆10/14/2010 20:38:00]我都頭痛緊佢點拎呀!
1晚唔夠訓10晚補唔返呀??
ReplyDelete[版主回覆10/14/2010 20:37:00]啱啱瞓咗9粒鐘, 好做好D啦!
小六之喎~~咁快要做d咁勁既project啦~~比起香港真係勁好多呀!!
ReplyDelete秋天天氣比較乾呀!!!要飲番d野潤番呀~~
阿仔都真係好"痴"你喎~~~連午睡都要一齊~~
[版主回覆10/14/2010 20:36:00]係啦! 整乜鬼D題日咁深啫! 呢排咁乾, 要飲D honey冲水及煲多D湯水潤吓。小王子直情冤氣啦!
媽媽真偉大
ReplyDelete換季分分鐘要執成day 加油呀
[版主回覆10/14/2010 20:34:00]執完之後會唔識郁!
讀書時,我hist最叻.... project題目...我會考時考過架!!仲pass左...
ReplyDelete睇返d史例再用自己的文字分析就ok架啦...
[版主回覆10/14/2010 20:33:00]無對與錯嘅匙題目, 任佢自由發揮。
哈哈哈...巨project。無對同同錯。 點抬番學呀~~
ReplyDelete[版主回覆10/14/2010 20:32:00]我就係R晒頭, 諗緊就算我車到佢返school門口, 佢都要自己抬上課室, 小公主又細細粒咁, 我怕佢連人帶board 碌埋落樓!
家務做極都做唔完, 慢慢來, NY開始凍, 小心身體~~~
ReplyDelete[版主回覆10/14/2010 22:34:00]所以我慢慢來, 唔敢開行turbo。
家下小朋友d功課咁深架, 我唸我做人阿媽個陣都要補下習先得
ReplyDelete[版主回覆10/14/2010 22:35:00]都唔知D miss使唔使比D咁深嘅功課, 玩C!
個題目好深呀!
ReplyDelete[版主回覆10/14/2010 22:36:00]好彩個答案係無絕對, 只要答得有理都ok囉!
仲係到ｊｅｔｌａｇ緊啊！！！！ 休息多啲呀～～ 唔係好易病！！
ReplyDelete[版主回覆10/15/2010 00:16:00]咪係囉! 但今朝瞓醒, 好好多囉! 返到嚟, 好鬼凍, 好似巳經winter咁, 真係一個唔覺意就會中招呀!
呢邊都有幾個小 中招喇，ah honey要保重身子呀~
ReplyDelete[版主回覆10/15/2010 02:26:00]放心, 我會保重身子架啦!
著多件衫呀你，我地依樹仲係好鬼死熱啊，救命~!!!!!!!
ReplyDelete小王子好乖啊，你叫佢唔訓，佢就真係唔訓.............
小公主個PROJECT 好深啊，仲要整到咁大型.......點拎返學校啊?????
[版主回覆10/15/2010 02:47:00]仲好熱???? 唔係化?
小王子係比我抦到唔敢瞓啫!
個project 真係唔知點拎返學校!!!
菜菜, 做乜你咁夜仲唔瞓呀!
我個人一向行緊美國時間......(講笑，幫我妹整緊D 野，就訓喇.....)
ReplyDelete我屋企依家開緊冷氣........
我都想快D 天氣凍啊~!!!!!!!!
[版主回覆10/15/2010 03:57:00]哈~~~ 整好快D訓喇!