香港之旅 ~ 10月7日

香港之旅 ~ 10月7日

話說昨天終於飲到杯似樣嘅港式奶茶, 但天使姊妹Christy 即刻話我知有另一間更好嘅選擇。為食嘅我今日lunch時即刻仆到去試。

雖然我為食, 但明天要做model 影相啦! 今日梗要乖乖哋, 食清啲啦!

呢個就係我個午餐喇!

雪菜肉絲湯米, 走肉絲, 但其實啲肉絲得幾條, 好易飛走佢。

本來諗住叫杯熱奶茶, 但就係見到呢個餐牌, 於是乎我轉軚。

嚟杯冰鎮奶茶, 但Christy真係冇介紹錯, 好得喎!

差啲唔記得跟餐仲有呢碟疍疍加多士添, 但我太飽, 只係食咗啲疍。

食飽飽但唔夠菜, 走過對面街市入番啲生果先, 唔係明日連早餐都缺糧。

最後買咗蘋果及奇異果。返到hotel 就補番個大蘋果先!

下午再去做療程, 顧問今次安排咗我做兩parts FDA機, 做肚仔及前大腿。個人覺得FDA療程真係好得, 自覺大腿, hip位及腹部都firm 咗。

而我明日就影相啦!  所以顧問都安排咗今日做番個纖面嫩膚面加頸療程。

首先美容師幫我潔面再做peeling去角質, 因為呢個facial係用機做, 所以為免刺激, 唔會做針清, 塗上纖面gel 之後就開始做機喇! 感覺係一吸一放, 美容師話可以剌激皮膚深層, 增加骨膠原增生, 令面仔有提升及收緊作用。

亦因為儀器所做嘅位置有助疏通淋巴, 起到排水作用, 令臉龐更細緻。

做咗左邊臉, 美容師比塊鏡我望吓做對比, 真係明顯左邊提升收緊咗, 有分別喎!

之後就做番個倒模mask, 做完後發覺塊臉提升收緊之餘仲白滑咗添!

好啦好啦! 終於明天要影相啦! 好緊張!

要早啲瞓囉, 唔係變咗隻大態貓就弊傢伙喇!

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619