少少改變。大大驚嘆

我啊妹成為宇宙新丁唔覺唔覺已經跟咗教主嘅唐安麒宇宙飲食法一個月, 暫時成績踢走六磅肥膏, 算很好了。咪以為六磅唔係好多, 原來真係有分別架!

我日日對住佢, 只覺佢係瘦咗些少, 至少見番條腰, 有番d 線條。

今日收工後, honey來接我哋去食飯, 等吃期間, 叫咗我位御用攝影師小王子幫我哋隨意亂影。

回家後心血來潮, 找回她三個月前的照片一看, Oh my God, 原來只是六磅, 也可以看到明顯分別耶!

好, 一起來看看分別。

大家有心埋準備未。哈~~~

去片...........

...............................................

...............................................

塊面冇咁腫, 面部輪廓出番嚟, 人看來精神了, 還好像青春了!

啊妹, 齋青春了呢幾個字就賺咗啦!

呢六磅真係唔少嘢!  我sent 咗張相去阿妹手機, 不消一分鐘, 她打電話來問我張"肉"照係幾時影嘅, 連佢本人都嚇一跳, 超攪笑!

我立即打蛇隨棍上, 乘機叫佢乖d, 咪鬼咁為食, 快d 減多10磅, 到時有魔鬼濕柴咪可以比堅尼囉!

看! 又一例証証明, 只要肯踏出第一步嚐試, 就知宇宙神功厲害之處。

肯試就自然有機會成功, 教主話過每個女仔都能成為super star!

想健康瘦身的你, 快過跳教主那邊了解何為唐安麒宇宙飲食法!

~~~~~~~~~~~~~~~~~~~~~~~~~~~~~~~~

一年一度的Super Angel 超級天使2011已經開始啦!

記得多些來我BLOG撐我呀!

你哋嘅每一個留言都係我動力來架!

Super Angel超級天使2011決定提前投票

投票活動將於8月1日至20日期間期間進行，網友可於比賽期間到–>Angel Face官方網站<–, 就能投票支持你心目中最健康迷人的Super Angel, 凡成功投票更有機會贏取多達$50,000美容療程現金券及$6,000現金獎!!!

內地朋友一樣可以參加投票, 贏取豐富獎品的機會!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

林志玲三日瘦身餐單---成績

話咁快又過咗三日, 啊妹話佢第一次跟餐單, 但呢個餐單易跟又飽肚, 佢ok掂喎!

而佢又好乖忍到咀, 冇偷食。

好啦! 知大家都替我哋緊張, 係時候公佈吓成績啦!

Da....Da....Da.....................

宇宙新丁係呢三日一共輕咗3磅嘅!

而我呢個hea住陪跑, 仲將僅餘嘅兩包安康纖體粥奉獻埋比啊妹, 搞到我要係Day 2 & Day 3晚餐以白粥代替纖體粥, 我呢個陪跑員都減到2磅喎!

本來無纖體粥係可以煲教主Angel blog內的瘦身粥, 但我呢兩日返工, 冇時間耶!

由此証明大家要跟足餐單囉! 

跟唔足原來真係有分別架! 以前我跟呢個餐單, 每次都減到兩磅半至三磅半架!

其實餐單仲有一樣嘢, 我哋冇食嘅, 就係消脂甲殼寶, 所以有些小天使三日可以減到4-6磅, 下個月返香港都要買定看門口至得。

如果有興趣跟呢個餐單嘅朋友仔, click入呢度啦!
林志玲Chi-ling 3日瘦身餐單
http://blog.angeltong.com.hk/health_diet.aspx?healthId=540&healthCategoryId=2!

~~~~~~~~~~~~~~~~~~~~~~~~~~~~~~~~

一年一度的Super Angel 超級天使2011已經開始啦!

記得多些來我BLOG撐我呀!

你哋嘅每一個留言都係我動力來架!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

林志玲三日瘦身餐單

啊妹呢位宇宙新丁唔覺唔覺已經修練咗宇宙神功三個星期, 應該已經慣慣地, 但佢嘅落磅情況就有少少停滯不前, 仍然只係減咗3磅。

佢位靚女朋友已經減咗7磅, 佢夠胆話因為自己骨格精奇, 所以未能落磅, 我真係比佢激C。

早兩日老友仔仔生日, 一齊食飯慶祝, 老友一見啊妹就話佢瘦咗。

喂! 你咪氹佢高興喎! 減得嗰dd咋喎!

點知老友話啊妹家陣見番條腰, 個人望落去冇以前咁水腫。

Um........

呢樣應該歸功於排毒一哥, 因為佢剛剛完成咗三星期嘅排毒療程, 排咗d毒素, 個人就冇咁水腫, 仲精神咗。

我見啊新丁磅數唔多郁, 於是捉佢嚟番個, 係我哋小天使界非常熱爆嘅「林志玲三日瘦身餐單」。

我呢個做家姐嘅都算有義氣, 為支持佢, 同佢一齊嚟!  (查實我都想為我個多倫多之旅儲d quota)

呢個就係我哋Day 1嘅飲食日誌。

經過一日努力, 今朝返到公司未食早餐前踢啊妹上磅。

 嘩嘩嘩! 啊教主嘅Chiling餐單果然勁!勁!超勁!

嗰傻妹輕咗1.8磅, NEW LOW耶!

最搞笑係佢話連自己都唔記得有幾多年無見過呢個數字。

努力呀啊妹! 仲有兩日, 嗱嗱聲跑番入直路, 咪再係外圍氹氹轉啦!

快人一步, 瘦身達到。

~~~~~~~~~~~~~~~~~~~~~~~~~~~~~~~~

一年一度的Super Angel 超級天使2011已經開始啦!

記得多些來我BLOG撐我呀!

你哋嘅每一個留言都係我動力來架!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

宇宙神功。天下無敵

實在無辨法唔講句天下無敵。呢幾日係FB到收到些令人雀躍的留言。

教主所創嘅宇宙自然飲食法可以話係宇宙最強減肥法。阿妹朋友呢兩日再落多兩磅, 短短一個幾星期減咗五磅, 另一FB朋友仔唔使一星期四磅, 阿妹都有差不多三磅。看見她們有成績, 連我也替她們高興。

瘦身成功十個月, 不斷有人問我點減, 但全部人只問不做, 甚至乎我食咗好多次檸檬, 有d人仲覺得我老點佢。

家陣終於有人行動, 成績係呃唔到人, 一套唔使捱餓, 飽住瘦嘅減肥方法, 有人教埋你都唔試吓!  咁蝕? 

我哋今晚雖然外食, 但好乖啊!  只係食蒜茸通菜, 海南雞(走皮)再加一件鐵板豆腐。

阿妹問點解佢跑第尾, 我話每個人體質唔同, 唔可以相比, 但大家可以互相鼓勵。我初初跟守宙時, 冇人成日提點, 撞板食錯時時有, 又冇跟足, 第一個月都减到三磅半。依家你十日有接近三磅已經叻過我啦!  信我, 教主教落, 只要有恆心肥腿變成針。可能遲d你越戰越勇呢!  但大前提係唔該乖乖地留守宇宙村做你嘅宇宙村姑, 咪心思思想出走。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

窮追落後

今朝阿妹上完磅, 鬼咁開心, 因為佢跟咗守宙餐九日減咗2磅, 仲叻唔切咁post上FB度公告天下, 話比佢d friends知。

點知叻唔到一陣, 哈哈哈, 真係笑C我。

大家仲記唔記得我話過阿妹有個朋友, 見佢修練宇宙神功, 好想試下, 向我攞料做晒功課, 有唔明就上FB問我, 呢位靚女遲過阿妹兩日起步, 但係人家今日係FB答佢減咗3磅。係一個星期3磅呀! 

阿妹知道比個friend後來居上, 跑快過佢, 係樹呱呱叫問點解, WHY!

好明顯人家乖過你囉!  邊有你咁威咁多飯局, 日本餐法國餐吖嗱!  仲抵C到今晚又話有birthday dinner party, 呢次係意大利餐。

你再唔乖d, 跟足百分百, 下星期靚女朋友飲埋排毒一哥, 開始埋廿一日排毒療程, 我怕過多兩星期, 係唔止差一磅, 我怕人家巳經入直路發力, 但你巳經被拋離幾十個馬位, 彈埋出外圍哩!

其實呢位宇宙新丁真係進步咗架啦! 昨日星期四, day off日, 我例牌約老友出來hea半日, 阿妹約咗個friend late lunch, 見未夠鐘咪跟住我哋八吓, 跟埋我哋去食lunch, 我同老友冇宇宙, 叫咗sushi, 焗肉醬意粉, 沙律及油菜。

上菜時我食sushi, 阿妹問我點解我可以食sushi, 當然啊!  你係減肥要跟足宇宙, 我係keep fit, 所以有quota一星期曳番一兩餐。

呵~~~   佢扁哂咀但忍到口唔食喎!  只吃菜及意粉(走肉醬)。比個叻吓!

話時話我都要比個叻自己，lunch時問個衰妹食乜, 佢就R晒頭話唔知今晚意大利餐會食肉定澱粉, 咁家陣點呀! 好餓喎! 

突然比我諗起問阿妺今晚食邊間意大利餐館，上網看他們的menu，叫阿妹選定今晚吃什麼，佢揀食三文魚配菠菜，ok 啦宇宙到，咁而家lunch就可以決定食菜加殿粉。只要有心做, 實唔會甩轆！

所以話只要係踏出第一步去嘗試, 食得「麒」法, 跟足法門, 唔使捱餓, 飽住咁瘦, 好過去計乜鬼卡路里啦!  現在又多兩個真人示範, 未開始嘅你仲唔快d 搬入宇宙村。雖然兩位新丁只係剛起步, 未瘦身成功及仍需努力, 只要keep going, 繼續勤練宇宙神功, 瘦身成功無難度。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

瘦身成功有獎金!?

係, R晒頭好唔明, 點解瘦身成功會有獎金。

我位巴之閉啊妹, 減肥就減肥啦, 多多要求!  話瘦身要有鼓勵性嘅動力, 捉咗其中一個老友, 要佢出獎金, 指定時間內減到指定磅數, 要送佢獎金, 難得嗰位儍佬又肯聽佢點。

最抵C係兩日內再多三個人出獎金鼓勵佢。

唔係化? 好似瘦身成功嘅得益者係你喎!  減得成功, 你請人賀你就差唔多, 仲要俾獎金你。究竟乜嘢世界?

我呢個啊妹由細到大都極好人緣, 好多朋友, 就算係男性朋友都可以稱兄道弟, friend過打band個隻。佩服佩服。

佢有個朋友兼舊同事見佢跟宇宙餐, 感染到佢, 加入咗我哋宇宙村, 即時係FB add咗我做friend, 有唔明就上FB問, 仲可以睇吓我嘅宇宙飲食日誌。佢跟咗幾日都話開始慣慣地, 好過以前計卡路里, 最少食到自己想食嘅嘢。

umm.......睇嚟宇宙神功好快可以係NY開枝散葉咯! 

教主嘅徒子徒孫遍佈全球哩!

好多小天使知道我啊妹做咗宇宙新丁之後, 話有我監控下佢實掂, 其實我最多只係從旁指導, 等佢可以跟宇宙飲食時出錯少d, 最終係要佢靠自己。我做家姐嘅當然想佢成功, 但最想佢搞番好個身體, 咪咁潺仔就係最大得著。

亦有小天使姐妹叫我咪迫得佢太緊, 咁我明嘅, 我哋每個修練宇宙神功嘅小天使, 初期都係慢慢嚟, 唔係一開始就100%跟足又無出錯。

唔覺唔覺嗰衰妹巳經跟咗一個星期宇宙餐, 85%跟到啦!  除非佢無跟住我開餐, 跟住我又點會甩轆。我覺得佢巳經開始習慣, 冇頭兩日咁係樹依依哦哦。

今日lunch我問佢想食乜, 佢竟然話無所謂, 我叫乜佢就食乜, 又無再心思思想吔下午茶, lunch前仲自覺地上磅。有進步。但如果啊二小姐肯早多少少起身, 會再好d 囉!

皆因佢咁多日都係只夠時間飲排毒一哥就趕住出門口, 唔夠時間食生果, 又唔記得拎, 返公司前要買生果先有早餐食。今日佢終於記得拎隻梨返公司, 但佢竟然話我知唔記得飲酵精, 我真係俾佢激到即時反肚。C未!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

宇宙新丁

我阿妹呢位宇宙新丁已經跟咗宇宙餐四日, 頭三日半跟住我當然餐餐過關啦! 就算第三晚嘅dinner, 我有父親節家庭飯局, 佢都乖乖地自己返屋企焗三文魚及灼菜。

飯局尾聲, 個儍婆sent咗個sms比我。我即時哈哈笑。

佢話sent張相比我睇, 要証明佢冇偷食公仔麵。

但叻唔到一陣, 昨晚一賣甩我, 閃咗去跟友人飯局, 就FAIL咗!

佢放工時仲拍晒心口話佢一定宇宙到, 到今朝我問呢位姐姐仔吃咗乜時, 佢話去咗吃日本餐。OK吖! 日本餐好易宇宙啫!  點知佢話佢冇食壽司冇掂澱粉, 只食咗魚生。

吓! 齋食魚生, 咁沙律呢? 菜呢?

佢話佢位朋友唔食, 佢唔好意思咁麻煩另外叫。明白, 呢d都係好多宇宙新丁初初修練宇宙神功, 時常遇嘅問題。所以瘦身期間應該讓身邊家人朋友知道, 等佢哋明白及支持。

減肥並不是一件醜事, 有什麼好怕!

我叫阿妹下次出街食, 遇到吃得唔夠菜, 返屋企記得食番d生果補吓飛。再唔係真係食得over咗就啪番60ml排毒酵精。

點知轉頭又話我知佢今晚約咗幾個舊同事去食法國大餐, 仲話佢同事一個月前book嘅(間法國餐廳有冇咁爆場呀!), 同佢farewell咁話, 一定要去食。 阿姐姐仔, 你第五日已經要申請出村一遊。

我都明好難叫個新丁一開始就可以100%餐餐宇宙到, 但謹記破戒都唔好過份, 唔係一個唔覺意踢走嘅脂肪又會返番嚟揾你。咁唔該只好亂食, 咪玩喪食, 返歸記得補飛。

~~~~~~~~~~~~~~~~~~~~~~~~~~~~~~

呵~~~ 食法國大餐吖嗱! Lunch就要食清d囉!

我叫咗呢個粟米雪耳粥再加蠔油西生菜。

呢個為食貓見到要食粥, 係樹扁晒咀, 佢最怕食d淡口嘢。

點知佢一食就話: 「咦! 呢個粥又幾好味喎!」

使乜講, 其實粟米粥係好清甜架!  再加埋煲冧咗嘅雪耳, 不知幾好味, 仲好有營養添! 

粟米的纖維非常高, 可以增加飽肚感及紓緩便秘, 亦有助降低膽固醇及患上大腸癌的機會。當中的黃體素及玉米黃質, 能有效預防白內障及黃斑點病變。

雪耳含大量骨膠原, 能避免皮膚水流失, 使肌膚保持滋潤和有彈性。所以又稱「窮人燕窩」。雪耳中的多醣體有助增強抵抗力，亦有防癌的作用。

~~~~~~~~~~~~~~~~~~~~~~~~~~~

仲有就係好多人話宇宙餐要食生果做早餐, 一定唔夠飽, 好易餓。但阿妹跟餐第二日巳經講, 原來食個蘋果都好飽, 仲話終於感覺到生果真係可以食飽人。

由此証明好多事情係要你去親身嘗試及感受, 我係旁邊講到天花龍鳳, 幾好幾好又如何, 你只會話我賣花讚花香。

事實勝於雄辨, 你要去試吓才知威力有多大。

我位宇宙新丁阿妹, 每日lunch前我就捉佢上磅, 四日輕咗兩磅, 佢自己都唔多信, 但我同佢講初期落磅會明顯d, 因為飲緊排毒酵精進行緊排毒療程, 再加埋跟宇宙改變咗飲食習慣。

希望佢今晚咪喪食鵝肝, 牛扒再魚扒, 唔係嗰兩磅話咁易又返嚟!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny