過節防胖小貼士

話咁快又來到2013年年尾，一到年尾外食飯局、友人party就一浪接一浪，玩過不斷吃過不停。好像過兩日就係美國一年一度的感恩節，家家戶戶餐桌指定菜式一定有烤火鳮配cranberry sauce、薯蓉、南瓜批等等美食。接住下來又到普世歡騰的聖誕節，一月尾的農歷新年，還有二月中的中、西情人節。

嘩！連續三個月都有藉口吃喝玩樂喎！每年這段時間亦都係keep fit 人仕最易失手的時間。一個唔覺意重番三五七磅都有機會，開心氣氛係最易令人開懷大吃，又想食又唔想肥，點算呀？

唔使伯，宇宙人一定有辨法。我最鍾意過節前跟番個三日林志玲餐單，先減定三兩磅，咁就有quota過節用啦！

過節期間，早上前喝一杯檸檬水加少少蜜糖，既可美白滋潤又清腸胃，還有是一定要繼續依照宇宙飲食，食水果蔬菜做早餐，寒底就加杯黑糖薑茶。如果夜晚有派對或飯局，午餐就盡力清淡。派對和飯局前食定2-3粒消脂甲殻寳，用來排走那一餐多餘油分。餐後返到屋企再來多60ml 排毒酵精，徹底消化掉所有食物，自然不易囤積脂肪。一覺得排便不順，隔天加喝一杯玫瑰草本茶。

瘦身成功後這三年年尾，我也依照以上方程式，通常都安然渡過，絕對唔會體重失控飛升，但又同時可以開開心心和家人朋盡情吃喝。

不過一發現體重比平日升多過三磅就要馬上提高驚覺，來番個三至五天的短期餐單啦！

希望我的過節防胖小貼士幫到大家吧！

維持體重小貼士

減肥容易keep fit難！是真的。只要跟足瘦身教主唐安麒的宇宙飲食，一個月瘦5-6磅絶對無難度。三年半前我就是用此方法在半年內踢走17磅肥脂肥膏。但瘦身成功後，如何維持體重才是最難及最重要。因為好多人一減完肥就會鬆懈，亂吃成為反彈元兇。

當然能夠keep住繼續跟宇宙飲食就最好，否則一星期來一至兩天全菜日絕不可少，因為保持身體無毒素和潔淨，新陳代謝才會好，代謝好就自然不易囤積脂肪。

每天起床去完洗手間之後，我一定會量體重，已經成為習慣。只有這樣才容易控制體重，因為只要發現磅數飛升超過三磅，就要馬上行動，來個三幾天的短期餐單。

大時大節前我會預先跟一個三天瘦身餐單，儲定三兩磅quota, 那樣過節出外慶祝時就不怕。

每個人都有自己的飮食習慣及喜好。一直以來我都鍾意食yogurt 和飲yogurt drink, 因為內裏的活性乳酸菌對腸道非常之好。

最近我就非常喜歡飲這yogurt drink, 是這牌子新推出的口味：橙汁雪條。這味道勾起點點兒時回憶。不過如果要瘦身或者keep fit 的就要留意一下啦！

原因是雖然很多yogurt or yogurt drink 係99% fat free, 但係仍有糖分，只要你留意下，其實有一定糖分。好似這支yogurt drink就有10g糖。所以通常我飲咗一支，同一日就不會再飲其他有糖分的飲品，如咖啡、奶茶、檸檬茶這些會下糖的飲品，自己要小心看標籤，否則一日飲幾支，肥了也還不明所以。

如果中午吃得很雜，量多又油膩，我晚餐就盡量清淡，吃沙律是一個好選擇。

適量運動對維持體重也有幫助。雖然我最怕做運動，叫我跑步健身無可能，但我非常喜歡行路散步，所以還是有一點運動。

以上都是我這幾年維持體重的小貼士。世上無難事，只怕有心人。能否成功，就要看你有多大決心，光說不做，永遠只能羨慕別人。大家努力啊！

烤蔬菜

如果你係我FB的朋友仔，你都會發現我超愛吃沙律，就好似上星期，我唔覺唔覺竟然連續六日，一日中總有一餐食沙律。其實生吃蔬菜水果先可以吸收到當中的酵素，因為酵素經過高溫一煮就消失掉。

三年多前嘅我係唔鍾意食沙律架！不過當時開始用宇宙飲食來瘦身減肥，實行每餐七成蔬菜三成主食，加上瘦身教主唐安麒叫我嘗試多吃沙律吸收酵素，只要身體酵素充足，就可以排走身體積落嚟毒素，身體潔淨就可加強代謝有助減肥。

就係咁我一家四口開始食沙律，食下食下全家都愛上咗，變成別人口中的食草一族，哈。。。

好多blog友仔話食唔落生嘅菜，有抗拒心。只要你open your mind, 用不妨一試嘅態度，就容易接受架啦！其實最大問題係你有多大決心去改變自己。

最近吃過一些沙律，內裏有一些焗蕃茄、彩椒在內，好好食呀！咁我又發揮我嘅段估廚藝精神，係屋企試咗幾次，成功啦！

我將d蕃茄切件，彩椒切粒，排係焗盤上，係咪好colorful 哩！齋睇都心情愉快呀！

用錫紙包住焗盤，放入已預熱華氏385度嘅焗爐，爐15-20分鐘就食得啦！

拎出放涼先放入沙律入面，碟沙律色彩繽紛，即時食欲大增呀！

意外地平日除咗蕃茄蛋湯會食蕃茄嘅小公主，竟然搶住食呢隻焗蕃茄，仲話好好味。而我幾個姨甥又肯食焗彩椒，因為佢哋話焗完嘅彩椒冇咗陣椒味，多咗清甜味。

如果你想改變自己，可以先試這種方法，加些水果落去都得。講多個小秘密比大家知，如果想逆生長，咁就要食多d生鮮蔬菜水果，只要身體越多酵素，又少毒素，你會發現整個人變得精神又輕鬆，樣貌仲會變年輕。減肥後嘅我就被好多blog友仔話後生咗10年。

隔離位係我相公，佢都減咗25磅架！佢食沙律仲多過我。如果女士們生吃蔬菜會寒涼，可以平日喝些黑糖薑茶來中和一下，就冇有怕。

快樂自煮宇宙人

不經不覺跟隨@瘦身教主唐安麒的唐安麒宇宙飲食已經兩年多,  每天也是愛吃什麼吃什麼, 只要乖乖按照宇宙法則, 不用捱餓, 日日飽著瘦飽著keep fit。

以前用節食來减肥, 少糖少油少卡路里這種低能量減肥法, 辛苦又冇啖好食, 係可以減下來, 但一正常吃就反彈回去。 係我差唔多要放棄減肥, 打算一世甩唔到肥的奶個朵時, 幸運地學會宇宙神功, 只用了五個月就成功減去17磅肥膏, 快兩年了, 沒反彈啊!

而家我都是用迷你版宇宙飲食來keep fit, 輕鬆又自在。其實只要運用得宜, 將宇宙飲食融入我哋嘅日常飲食中, 懂得配搭, 什麼也能吃。

好似幾日前我就吃了麵豉炆五花腩做dinner,  很多网友驚訝地問為什麼可以吃肥豬肉, 唔怕肥咩!  只要識得配搭, no problem喎!

當然不是叫你日日吃大量吃啦! 教主話一個月吃上一次肥肉沒問題, 只要同時吃上大量蔬菜。脂肪係我哋營養三大元素之一, 身體係不能缺少, 我諗你都唔想瘦完之後乾巴巴, 皮膚出現皺紋吧!  所以要適量食用含脂肪的食物, 像我這個dinner, 我就是按宇宙飲食規條來吃,  選擇在同一餐中食一種肉配蔬菜,  3成五花腩肉配上7成蔬菜。

有小天使師妹問比例點樣計, 使唔使用磅去稱。噓!  唔使諗得咁複雜啦!  最簡單舉例是一碗肉或米飯配上兩碗菜, 唔夠飽可以變成一碗半肉或米飯配上三碗菜, 按比例吃到飽。

仲有瘦身期間飲多些湯水, 補充營養又可瘦身, 好似呢晚我就同時煲咗「牛蒡紅蘿蔔玉米瘦肉湯」, 材料 就是牛蒡兩條、玉米、紅蘿蔔各一條、瘦肉大半斤、蜜棗兩粒及南杏北杏各少許。所有材料去皮切塊，瘦肉飛水。煲滾水之後把所有材料放下，大火煲15分鐘，之後中火煲兩小時，下䀋就飲得啦！

牛蒡係好東西, 有很高的水溶性膳食纖維, 同時有排毒功能啊!  這個湯非常清甜, 一家大小都啱飲。有国內小天使問牛蒡是什麼, 上圖就是它真身啦!  我不知國內叫什麼, 但肯定不是山药, 山药是新鮮淮山哩。

好多网友見我時時把晚餐照片放上FB及微博, 都誤会我厨艺了得, 其实只要大家留意吓, 我煮來煮去咪又係那幾款, 哈......

以前嘅我唔多識煮, 做咗人妻兼阿媽十幾年, 厨艺都冇乜進步過, 一星期最少四晚外食, 仲被封「無飯主婦」及「地獄厨神」(汗)

自從成為瘦身教主嘅門生之後, 跟住她的簡易食譜,  學会自煮又學会煲湯。而家變成一星期有四至五晚有住家飯食。唔好以為教主嘅瘦身湯水只適合瘦身嘅人飲, 其實教主blog內的湯方, 大部分也可一家大小齊齊飲。

呢個係冬瓜薏米瘦肉湯, 係天氣潮濕的季節飲, 利尿去濕去水腫一流。

好似我家最愛嘅「彩虹瘦身湯」, 色彩繽紛, 材料丰富, 營養高纖維高, 喝湯吃渣做dinner, 不知多爽, 我每次都吃上兩大湯碗,。煲一大煲, 兩三下手腳就被我一家四口消滅晒。

所以瘦身嘅唔好認為自己食緊減肥餐, 咁樣会影響心情架!  宇宙飲食就是日常飲食, 只是將肉類跟澱粉分開吃, 配上大量蔬菜, 按着37比例不限量來吃。少吃味精、防腐劑、添加物、色素加工及罐頭食物。 多吃新鮮蔬果吸收酵精, 保持排便暢順。你会發覺自己慢慢瘦下來之餘, 人会精神了, 抵抗力又好了!  瘦身嘅終極目標係健康啊!

宇宙火鍋沒難度

有宇宙小師妹問我跟隨宇宙飲食這兩年多, 有沒有試過不宇宙。哈...我也只是平凡人，當然也會偶然偷走出宇宙村啦!  2010年瘦身期間那五個月比較乖, 不会常出走。但瘦身成功之後, 一星期会容許自己兩至三餐不跟宇宙規條，是兩三餐不是兩三日啊!  要看清楚, 呵...

那一餐不按宇宙規係不等於叫你亂吃狂吃，只是輕鬆地隨心吃!  我很享受出村陪家人一起輕鬆地吃，只要一餐之內不吃得太雜太多，七八分飽，再加上善用@Ankang安康 三寶：排毒酵精、玫瑰草本茶及甲殼寶補飛，體重是不會狂飛升的, 非常放心。

有初進村的小天使姊妹說, 一外吃就宇宙不到, 其實也不是呀!  只要有心的, 好多料理也可跟宇宙的, 如韓國料理、日本料理及意大利餐等。

今日就舉例說吃火鍋吧!  火鍋我就最愛, 超易宇宙嘛!  吃火鍋只要乖乖選定一种肉, 再配大量不同的蔬菜及菇類, 咁就萬冇一失啦!  不過有件事要留意, 就是你吃火鍋調較的那碗醬汁呀! 有時就是肥在那裏, 吃下大量醬料就会吸收好多塩分, 那樣隔天就水腫啦!  有些醬料如沙茶醬, 熱量也不低。

而那些丸類是火鍋常見食物, 宇宙村民是不吃的, 因為那些不同的丸, 在制造過程中也会加入色素、味精及防腐劑這些毒素。

我還有一個小秘訣, 很多人一來火鍋就先吃肉, 最後才吃菜。我是相反地吃的, 先吃下蔬菜才吃肉, 原因先吃肉, 肉的油分就会流進火煱湯底內, 這時才吃菜, 菜就会吸了湯內的油, 那就無故地把多餘的油分吃下, 增加熱量了!

希望這些小心得幫到大家。

我對孖寶最愛吃火鍋!  我一家四口都那麼愛吃, 好彩有宇宙飲食可以飽着瘦。節食, NO WAY!

有微博的姊妹們, 請多多關注啊!

微博 http://weibo.com/goldenjenny

最近開通埋新浪博客, 有空過去探吓我!

新浪博客 http://blog.sina.com.cn/goldenjenny88 

總括四大天王餐單

終於有時間上來寫blog, 報告一下上次我鼓起勇氣挑戰@瘦身教主Angel 的最新餐單: 四大天王餐單啦!  只係睇個名就知道勁啦!  哈...

不過經過測試, 係真係堅囉!  但要完成就真係要好堅持, 因為對於吃了兩年宇宙飲食的我, 要做到十天內不吃水果及澱粉, 首五天全疍白質飲食, 菜都無條, 真係少d定力就扯白旗投降。

這個是day2 的飲食日誌。

不過只跟了一天全蛋白質飲食, 第二朝上磅已經O咀, really suprise, 減咗兩磅啊!  之後第二及第三天每天各再减一磅, 三天下來四磅, 勁!  但第四天因為午、晚兩餐也外食, 雖然做到只吃肉及海鮮, 但外食始終有油及糖這些調味料, 結果隔天反彈一磅, 嗚.....

所以跟餐單一定要跟足, 不加不減, 按足規條先有最佳成效。

其本上早餐也是脫脂奶及雞蛋。

水煮蛋吃得悶悶地就食炒蛋, 只要用易潔鑊就輕易不用油也煎到蛋。

只吃蛋飲脫脂奶, 吃肉食海鮮的生涯, 其實到第四天巳有d 受不了!  到第五天午餐後更差一點就放棄, 唔知點觧嗰日食完lunch之後有d頭痛, 個胃唔舒服又有d想吐, 好彩後尾飲番杯熱玫瑰草本茶後正常番。

第六日開始最開心, 因為可以食無澱粉質嘅蔬菜, 呢兩日我仲外遊添!  諗住最難捱嘅五日都搞掂, 之後五日一半蔬菜一半肉, 無難度啫!  世事往往出人意表, 唔知係咪外遊玩得太high, 回來後感冒病了!  只好宣佈停止餐單。Anyway, 跟咗七日, 無完成整個十天餐單, 但都減去3.8磅(大約3.5斤), 成績算不錯, 不要忘記中間反彈過一磅。

証明教主嘅餐單果然有效, 厲害! 

今次跟過這餐單, 就可以体驗到身体的反應。最初幾日食完早餐, 個肚仔会不停嚮, 打鼓咁, 但又唔係肚餓喎!  首五天還会排水便, 我的情況是一天一至兩次水便, 有d跟過嘅小天使姊妹話最高記錄是一天九次。仲有係好多姊妹担心首五天只吃肉無菜会便秘, 但我一天一杯@Ankang 安康 玫瑰草本茶, 再全天喝很多暖水, 真係冇問題喎! 唔使怕!

個人覺得食海鮮比食肉舒服, 冇咁滯。我仲飲下人生第一杯無糖咖啡, 因為餐單說明可飲咖啡加脫脂奶但唔準落糖。

仲有就係呢個餐單頭五天下磅速度較快, 之後五天会慢些, 有d人更会反彈少少。想穩定減下來的體重, 完成餐單之後幾日要清淡及吃七成飽好啦!  教主仲話完成後可以來兩天全菜日更好, 更易穩定體重。

如果平台期咗一段時間嘅小天使師妹, 這個餐單絕對值得一試啊!

初試四大天王餐單

最近這一個月忙這忙那, 有時間也只在微博及FB兩邊跑, 這邊都荒廢了三個星期, 係時間入嚟掃吓塵啦!  嘻......

自從瘦身教主Angel 四個月前設計出「四大天王餐單」之後, 好多小天使姊妹都跟過, 個個出來的成績也非常好, 令我蠢蠢欲動, 想試吓這個餐單有幾勁。

這個十日餐單對跟開宇宙飲食的我來說是要儲夠勇氣才能試, 因為十天期間不能吃水果、澱粉質、糖及油, 最初五天只可以食肉、海鮮、脫肪奶及疍, 要到第六天才可加入無澱粉質的蔬菜。

嘩! 十日冇水果, 五日冇蔬菜, 仲唔係大挑戰!

可能你会話我已瘦身成功啦!  做乜仲跟餐單呀!  連我跟教主講話想跟四大試吓, 教主答我: 「你唔使啦吓話!」

我跟係因為我好奇在這個餐單的威力, 而且在微博那邊很多小天使師妹問我這餐單的問題, 有時連我自己都唔肯定個答案, 因為無跟過嘛!

所以趁剛M完, 就鼓起勇氣决定一試, 呢次仲係我第一次跟十日咁長時間的餐單, 希望唔会甩轆, 半途走佬啦!  呵......

呢個就係Day 1 嘅早餐:  有機脫脂奶一杯及有机恰疍兩隻

食完飽咗成朝但個肚仔就不斷嘰嘰咕咕, 叫咗大半日!  於是係微博問吓d跟過此餐單嘅姊妹, 原來大家都会咁, 正常反應。之後仲有好幾個姊妹話這幾天会排水便, 呢個真係嚇我一跳。嗱...係咪呢, 唔試吓跟又點知有呢d反應喎!

平日只是我不斷答各小師妹跟宇宙飯食嘅間題, 今日變成我問她們答, 身分對調, 感覺奇妙, 但就是能感受大家無私的分享, 多幸福。

下午一時仲未覺餓, 所以趁午飯時間閃咗出去對面街髮型屋做了個全程只需一小時嘅營養焗油。

我位髮型師今日心情覩, 仲幫我用電髮卷夾咗幾嘢個髮腳, 令髮尾有d 卷曲, 好看嗎? 

兩點多才吃lunch, 個早餐又幾襟飽喎!

Lunch揀咗食雞脾, 最麻煩係要去皮走去任何肥膏, 再用紙巾印走所有油。街外買無計, 都係自煮好, 一定係控制範圍之內。

而家嘆緊杯玫瑰草本茶, 過兩日再報告吓進度比大家知。

為夏天作好準備啦!

雖然最近紐約的天氣有d飄忽, 忽冷忽熱, 一個唔覺意就会中招冷親, 不過天氣在這星期也算唔錯啦!  至少有兩日下午可以著短袖tee四圍逛。係, 只係下午, 因為早晚氣温還是会冷。

睇吓呢張相就知, 左邊早上我仲要加穿一件珠冷外套, 右邊下午外出已經可以放低件外套係公司, 齋短袖tee及小背心喇!

其實我極討厭冬天, 尤其係NY呢d冰天雪地嘅冬季, 日日包到隻粽咁出街。呢個冬天叫俾面架啦!  冇乜點落過大雪。 如果大家仲記得我舊年post上來的blog及相, 去年NY不停玩暴風雪, 諗起都仲驚呀!

好啦!  終於見到花開, 春天蒲頭啦!  夏天好快到, yeah~~~

太陽伯伯實在令我又愛又恨, 見到sunny day 我個心情会特別好, 但貪覩又怕老嘅我就最怕UVA同UVB, 晒黑不特止, 最惨晒斷皮下骨膠原, 人就老得快, d皮膚仲会下垂、出皺紋及出色班, 嗚~~~ 我唔要呀! 

只好同太陽伯伯鬥法, 避開d紫外光啦!  大家要記住, 一支好嘅防晒霜比你嘅各類精華液更重要呀!  夏天就更加重要添!

一直以來都係樹揾支有效又合心水的防晒霜, 直至去年返HK時買咗支澳洲品牌的超強防晒, 是物理防晒來, 可以頂住99%紫外光, 初時心諗有冇咁堅呀! 用咗四個月, 一路都覺效果唔錯, 皮膚keep到冇點晒黑(我係嗰d好鬼易晒黑嘅人)。

上個月用晒, 呢边又冇得買, 只好用番以往的防晒霜, 最近我真係覺自已晒黑咗! 

本來小天使姊妹okokAlice話幫我係HK買, 再寄比我, 但我諗唔使咁麻煩啦!  用番以前隻頂住先, 睇吓邊個返開HK先幫我買, 但原來真係有分別。所以我上星期忍唔住已經上咗澳洲嗰邊嘅網站order, 但隔成半個地球, 唔知幾時先寄到, 好心急呀!

我都只係一個普通師奶, 覩衫靚鞋覩包包都愛, 但係護膚品係我C穴, 百發百中。嘻~~~

講開要為summer time作好準備, 瘦身中的姊妹們最近跟宇宙飲食跟成點呀?

夏天到啦!  想著小背心熱褲就要乖d, 咪亂走出村, 真係要出都要補飛, 出動@Ankang 瘦身三寶呀!  最好就跟吓教主的短期餐單, 咁就瘦得更有效果。見到最近好多小天使姊妹係微博報成績, 超替佢哋開心。好多姊妹跟教主最新設計嘅「四大天王十日餐單」成績都好好, 平均見佢哋十日可以减4-7磅, 攪到我心思思想試吓呢個餐單嘅威力。點知教主答我: 「你夠啦吓話!」

哈~~~人家兩年前入門時, 未有呢個秘笈嗎?  咪想試吓囉!  不如我食肥幾磅先再湊熱鬧囉!

嗱~~~咪掟我雞蛋話我玩嘢!  其實學識教主Angel套宇宙神功, 真係可以肥瘦由自己控制架! 

呢張係去午年Summer最熱那天拍下的背心熱褲Look!

夏天, 我ready啦!  姊妹們, 你哋ready未呀?  齊齊來準備啦!

從錯誤中學習

從小到大我們不斷學習, 小至BB大至年過70的老人家也在學習中成長, 無論學什麼, 當中有甜也有苦, 而箇中感受就只有我們自己去親身體驗。能從錯誤中成功學習再快樂分享, 這樣的人生才充滿活力, 快樂滿FUN。

就像很多初入宇宙大家庭的小天使師妹, 時常担心自己掌握得不好, 吃錯了会沒瘦身效果。其实大家應先放鬆, 將教主的「唐安麒宇宙飲食」視之為一樣既能瘦身亦能養生的飲食方法為一種健康的飲食態度。初初開始会吃錯是正常的, 不用有罪惡感, 慢慢下來便越吃越懂, 對食物分類越來越清楚。

回想兩年前的我, 初練宇宙神功, 弄錯食物分類, 吃錯配搭是家常便飯, 頻頻出錯, 但每錯一次就是學習的機会, 有教主及師姊們的提點, 自然很快見成效, 更有能力解答及幫助其他後來的小師妹。最重要是有信心去試去學, 錯了便改, 定能成功。只怕光在不斷問怕吃錯, 遲疑不決未起步, 可能三個月前跟你一起開始問的人已瘦身成功, 你還停在問的階段。

最近收到一些美國的小天使姊妹報喜, 瘦身開始見成果, 收到她們這些短訊, 除了替她們開心, 我是蠻激動的。感覺着生命影響着生命, 是好的改變, 健康美丽的成果, 那是多麼令人動容!

我位宇宙新丁啊妹@Shirly 小丽 已不再新丁, 從去年六月中都現在已甩掉22磅有多,  還欠2磅多達標上岸啦!  大家可能覺得她最近失踪了!  只因她重返自己本業後着實太忙, 間中会因工作飲食不定時, 午餐有時還被迫逃了出村,  但早晚餐還是堅持宇宙,  瘦身速度在打破平台期後也未能再下一城, 但我只想用我妹妹例子去鼓勵大家瘦身速度快慢不重要, 最重要健康地瘦下來又不反彈。千萬別吃減肥藥, 摧殘身體毒害自已。

昨天是安麒天使的新春團拜, 可惜自己在地球的另一端, 未能参與其中。在活动中教主宣佈了國內三位小天使成為潮州、深圳及廣州分会的会長。她們分別是@冬冬跟你說、@NANA-蛻變及@邪惡_小珠儿, 這幾位可愛小師妹就是去年8 月Super Angels 活動後才進村的第一批國內小天使, 現在全都瘦身成功, 進升師姊了! 

這些例子都是實証, 所以不要再糾結於有沒有吃錯這問題上, 錯了--->學習---->改變---->就是成功啦!

沒有宇宙的七天

怎麼啦!  大家都從過節的亂吃中回復過來沒有?  都返回宇宙村還是仍在村外遊蕩? 

我在大年初七那天已全面回歸宇宙村了!  經過一星期在村外隨意吃, 最後只重了0.2磅, 力保不失, 節前跟了三天林志玲瘦身餐單的3磅quota仍在。所以我過了一個愉快的新年, 想吃的都吃到了, 還沒有胖, 實在令人興奮。那當然要多謝教主的過節防胖招數, 出動了瘦身三寶: 排毒酵精、玫瑰草本茶及消脂甲殼寶, 真的超有效。

其實學会了「唐安麒宇宙飲食」, 要肥要瘦自我控制。

有網友及微博粉絲說出村數天便肥了十磅八磅, 真的把我嚇壞了!  怎會這樣啊!

後來教主說出村宇宙不会立即胖, 只有吃得又雜又亂又多, 才会令磅數一下子飛升。我想想之後, 發覺有道理, 吃得又雜又亂時自然消化得不好, 消化不好肚子自然脹起來, 還有啊, 一出村外食多了, 味精鹽分等自然又吃進肚內, 味精毒素及鹽分代謝不出體內就易引致水腫, 真的可以脹個三五七磅來。

再想想自已, 雖然出村一星期, 但早上我大多數仍是以水果做早餐, 習慣了改不掉, 最多試過一日午餐前加餐吃了些年榚。而午晚餐在這星期都是沒宇宙, 隨心來吃, 想吃什麼就吃什麼, 新年這些開心節日一年才一次麻!  不過我每次也不過分, 大概吃到七八分飽就停下來。最重要是我每日早上仍有喝排毒酵精, 知道会吃油膩大餐前吃甲殼寶, 餐中或餐後喝玫瑰草本茶, 若真的吃得太過份会再加喝酵精。就是這樣, 我可以出村一星期也安然無樣。嘻.......

除夕晚吃過晚飯後, 我吃了一碗軟滑的自家制湯丸, 我又愛又恨的澱粉質。

大年初一中午在佛堂吃齋, 晚上不想到中餐館迫, 最後選擇了吃日本菜。

初二晚一家四口跟啊妹@Shirly小丽 到中菜館吃開年飯, 很開心!

看看我們吃得多丰富, 完全忘了什麼是宇宙飲食了!  哈......

經過三天隨意吃, 初二早上上磅重了一磅。既然初三沒飯局, 所以乖乖的待在宇宙村裹。

初三晚吃了@瘦身教主教的彩虹瘦身湯做晚餐。意想不到是第二天那一磅已不見了!

接着有家族成員生日, 又是飯局啦!

席中高興, 跟大伙兒一起喝了一杯紅酒, 連平日不吃發榚, 只愛年榚蘿蔔榚的我, 也連吃兩件這個酒樓送的小發糕, 鬆軟煙"un", 很好吃啊!  當然不少得還有生日蛋榚啦!  我又吃了一片雪榚蛋榚。

最抵死係今次我故意試試不用三寶,  原來是真的有分別, 只是一餐晚飯我就重了一磅!

哇......之前亂吃三天才一磅, 怎麼現在一餐重一磅!  後來想想, 除了自己沒出動三寶外, 我還喝了紅酒。

可能大家立即會問, 喝酒會胖嗎?

答案是對瘦身有影響的, 酒精需要肝臟代謝, 亦客易令人水腫。而且酒的卡路里及糖分也高ｏ 只要大家下次去party飲酒前及後上磅, 會發覺體重会上升數天才回落下來。這點瘦身中人仕要注意啊!

雖然初六晚仍有家庭飯局, 但我今次當然出齊三寶啦, 哈.......

總括今次新年出村經驗, 只要不過份亂吃, 每餐七八分飽, 再加埋教主的過節三寶, 體重維持到又開心地吃了我想吃的賀年食物, 超滿足超快樂!

過節如何吃不胖?

仲有十日又到農歷新年啦!  送兔迎龍, 又有假期, 大家有乜好節目先!  我係NY就只有大年初一的一天自放假期, 只因農歷新年在這邊還未是法定假期, 為了小朋友還能感受一下中國人傳統過年氣氛, 佢哋例牌請假一天, 連老外Miss一個月前已經問定邊位同學会在那天請假。

賀新年就當然好多賀年食品應節啦!  好似年榚、蘿蔔糕、芋頭糕、油角煎堆笑口棗、糖果朱古力再加果仁瓜子, 應有盡有, 數之不盡。最惨好味的另一面是高糖高脂, 食兩件就超標啦!  仲有團年飯開年飯這些飯局呀。

要keep fit 要瘦身嘅我哋, 一嚟到這些大時大節, 想與家人盡興地吃喝玩樂兼要抵受一大堆賀年美食的誘惑, 咁有乜法寶, 食得到又肥唔到呢?

其实教主一早已教定我哋呢班小天使, 準備定過節三寶, 一食大咗立即補飛。

飯前甲殼寶, 飯後玫瑰草本茶再加排毒一哥, 將所有肥膩毒物炸番晒出嚟, 咁就無有怕啦!

其實除咗準備定三寶傍身, 我仲有d 小秘方嘅, 想唔想知呢?  哈....

就係過大節前儲定少少quota喇!  平日大家乖乖宇宙開, 要儲少少quota, 根本不難。 好似過新年這些大節, 超多陷阱加誘惑。我會係過節前兩星期超級乖, 不亂偷走出宇宙村, 再加埋嚟多個教主的任何一個短期餐單, 我就打算下星期一嚟三日Chiling歺單, 咁樣係兩星期內儲番三兩磅quota過節。佳節前控制一下飲食, 過節再用三寶補飛, 咁樣同家人盡情吃喝時都安心d, 唔使就住就住。

好似今日lunch我就好乖咁蔬菜配澱粉,  吃水煮蠔油生菜及一包安康美味的補身纖體粥, 我覺得吃這纖體粥比我吃半碗白飯或白粥甚至乎疍治多士這些更有營養。

因這款纖體粥有糙米、小米、黑糯米、麥皮、海帶、紅蘿蔔、山藥、椰菜等等，營養豐富，一碗才107卡路里。像我這樣配菜吃，很飽很飽, 我超愛。

晚餐我会繼續乖乖地宇宙, 蔬菜配肉, 整天的營養使均衡又不怕肥。

很多宇宙新丁會說, 冬天吃水果做早餐感覺很泠, 接受唔到。 如果體質適合, 加喝一杯黑糖薑茶便暖笠笠了! 

如果你跟宇宙飲食迷你版, 教主說可在水果後加吃一些穀麥片。

自從食過安康的穀物片及綠茶darling的私房自家穀物片後，一試難忘, 深深愛上，呢邊未揾到相近嘅, 所以買唔到，自己唔識整又鬼咁想食。

最後俾我係超市搵到呢隻麥片頂癮。雖然只係有麥片同提子乾，口感味道梗係差好遠，但好過冇啦！最重要係佢冇防腐劑及人造色素，仲好多營養，維他命及礦物質豐富添！以前嘅我好怕食呢d鞋口鞋面嘅麥片，但而家好鬼鍾意囉!

外食宇宙無難度

有很多剛搬進宇宙村的新丁們常說跟宇宙之後很難出外吃飯, 只可以在家自煮, 一外食便破戒啦!  又或是有些在校生說因不能自煮, 所以宇宙不到。其實一點也不難, 難在你的决心有多大, 有多堅定。

因為大家始終要吃飯吧!  吃什麼下肚是由你自己决定啊! 雖知一下子完全改变飲食習慣, 對某些人可能很難, 那便循序漸進。初時若未能吃對七三比例, 那最少先吃對食物配搭, 蔬菜配一種肉或蔬菜配任何海鮮或蔬菜配澱粉。再從比例慢慢改变, 如先五五比例, 再六四比例, 繼而七三, 肯嘗試肯努力, 才有機会成功。

好像繁忙都市人沒時間自煮, 很多時下班後也要在外面解决吃的, 我也是個常外吃的人, 午餐上班一定是外賣, 晚餐一星期有一半時間也是外食, 但我同樣能用宇宙神功成功瘦身啊。外吃時要多選擇白灼, 清蒸, 鹵水, 炆煮的菜式, 不要選擇太油膩的, 多叫蔬菜。


像冬天我們最愛的火煱就很容易宇宙, 選清湯湯底。 我知很多人習慣先吃肉海鮮等, 最很才灼蔬菜吃。但我会先吃大量不同蔬菜及菇類, 之後才選一種肉如肥牛, 雞肉或豬羊, 或可吃多種海鮮。原因是先灼肉或海鮮, 油都流進湯底裹, 灼菜時, 菜便会吸了那些油再吃進肚裏。同也不要吃那些肉丸魚丸蝦丸啊! 因為有防腐劑添加物那些, 少吃為妙!  還有一重點是注意醬汁, 不為意便攝取過量塩分了!

身處國外的我, 很多時也会吃西餐, 更易做到宇宙, 先吃下沙律才吃主菜, 一點難度也沒有。但吃沙律又是同樣留意沙律醬, 選低卡低脂的。

上班一族要常在外午餐, 要宇宙也難不到的我, 這些便是其中一些外賣午餐。中午我多數選蔬菜配澱粉類, 晚上和家人一起才吃肉。

跟家人一起外食也很簡單, 最重要有蔬菜, 另外他們吃什麼肉或海鮮也好, 我吃一些夠3成主食要求就ok啦!  好像這一餐, 我可以有豆仔炒蝦球再吃一兩隻蜆肉及一些蒸水蛋, 又宇宙到了!

家庭大聚會叫到一枱也是餸菜, 也沒難度, 我多數選菜跟海鮮, 每樣吃些再配足七成蔬菜, 有時怕不夠蔬菜, 我連伴碟的菜也吃掉。哈~~~

難是難在自己有否足夠定力, 不受誘惑而亂吃一通。像這一餐我便要力抗紅燒乳鴿及甜酸肉的誘惑了!

不過有時過節, 親朋共聚而打算破戒, 我便会事前吃定消脂甲殼寶, 事後再來杯酵精或玫瑰草本茶, 什麼也炸掉, 第二天排清出體外便萬無一失。

總括來說, 只要有决心, 外食無難度。未能一下子改變過來, 便先乖乖地把肉/海鮮跟澱粉質分開吃, 未能吃白灼那便先清炒少油, 戒掉炸物, 再從比例改變。由小改變再到大改變, 始終有成功一天, 總比什麼也不試, 光說辨不到好。

有微博的姊妹們, 請多多關注啊!

微博 http://weibo.com/goldenjenny

最近開通埋新浪博客, 有空過去探吓我!

 新浪博客 http://blog.sina.com.cn/goldenjenny88