亞洲女性的驕傲

尋晚睇見師姐天使Christy, 瘦身後靚爆鏡比dee dee撩, 勁搞笑, 但亦令我想起一次搞笑經歷。

事件發生係大西洋城某賭場某賭檯上, 當晚我搞掂對仔女咪走落賭場行個圈, 諗住碰碰運氣啦! 

本來每個人都專注係自己份牌上, 突然坐係我隔離個鬼妹跟派牌個dealer講, 好鍾意播緊既呢首歌, 但派牌位姐姐(係亞洲人)講首歌唔係佢既年代, 鬼妹唔信。

派牌姐姐話: 「妹妹, 我40歲啦! 點會跟你同年代。」

鬼妹話: 「咪講笑啦! 你點似40歲。」

係呢刻派牌姐姐望住我, 鬼妹都跟住佢望實我, 我心諗你地望住我想點。

派牌姐姐話: 「你問下佢幾多歲?」

唔係化, 擺我上檯。但鬼妹眼碌碌咁望實我等答案。

無奈地我只好公開我既秘密話: 「過多兩年, 我都40歲啦!」

鬼妹驚叫, 登大雙眼, O 咀定格幾秒, 難以相信咁話: 「你地講笑咋! 我今年29歲, 過多10年我好似你地咁, 我都願lor。」

最搞笑係佢未婚夫話: 「Honey, 你做到既話, 我都願呀!」

差D比佢笑C我。

呢邊D鬼妹仔, 10幾歲時真係青春無敵, 唔知係咪佢地鍾意晒太陽, 老得特別快, 所以佢地D護膚品唔注重美白, 只會講提升及抗皺, 係佢地眼中永遠估錯亞洲人既年齡。

所以話亞洲女性要為自己襟老既容貌而驕傲。YEAH!