肥師奶的脫變 ~~~ 搖搖效應篇

肥師奶的脫變 ~~~ 搖搖效應篇

 

「搖搖效應」呢四個字真係令減肥人仕聞之色變, 令人沮喪, 甚至乎失去鬥志, 放棄減肥, 任由自己喪食喪肥落去。

為食既我時常要思想鬥爭, 係美食與節食中間來個大決戰, 勁痛苦, 有好野唔敢食自然痛苦, 食完至黎後悔更痛苦。

2004年, Orlando, Florida

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

04年中, 有過短暫的時間減到118磅, 但好快又彈番120樓上, 所以我話過120呢個磅數係我既魔咒。

去溫哥華玩, 係瘦左, 不過個樣好殘, 冇乜神釆, 仲有少少貧血添。

瘦唔到半年又肥番, 你睇我隻金華火腿, 幾好肉地。

2005年X'mas

2006年9月

2008年8月

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

睇完上面幾張相, 就知我生完BB至2009年呢咁多年, 我都係肥瘦間穿梭, 未試過真正減肥成功, 仲要比120呢個魔咒困住, 不斷惡性循環。

唯一令自己安慰既係未試過食減肥藥黎減肥。點解冇? 因為我怕死囉, 又怕有副作用。我始終認為健康係無價既, 為減肥而失去健康, 唔值啊!

但我個body都係唔爭氣, 2008年5月至2009年5月呢一年, 係我人生中身體最差既一年, 08年5月如常驗血做body check up, 點知check到又再貧血(04年試過一次), 今次仲嚴重到差D比醫生捉去輸血, 佢話我紅血球過低。

貧血令我時時覺累, 冇精神, 但貧血常見既病徵頭暈又冇喎, 連醫生都話奇! 之後咪食左三個月補鐵丸囉。

最慘個時開始, 對腳成日水腫得好厲害, 小腿早晚可以相差成四分三至一吋, 磅數早晚會相差成三四磅, 總之好恐佈, 覺得好驚但又冇辨法, 只好唔敢點節食減肥, 怕身體更差, 08年尾應該有成130磅, 唔肯定係因為已經唔敢上磅, 更加拒絕影相, 影左都delete佢。

好彩仲有D運仔, 09年4月行街遇到個friend, 佢帶左我去睇中醫, 呢個醫師真係好好, 佢用左兩個月時間, 幫我調理番好我個身體, 水腫問題大大改善, 磅數亦因此有所回落。可惜醫師半年後就告老歸田, 返左大陸。

想知我點樣傻更更係2009年暑假, 參加左Angel Face 既「$988 十日瘦十吋」瘦身療程, 留意下集啦!

(待續)

肥師奶的脫變 ~~~ 不一樣的美容纖體中心