Sunday, June 27, 2010

6月27日

今朝上磅數字係:  113.80


早餐(8:30):  暖水


        (9:30): 蘋果1個


午餐(12:30): Oriental Chicken Salad一碟



晚餐(6:00): 菜 + 肉 + 海鮮(冇澱粉)


        (7:30): 燒仙草一杯


        (10:00): 五行酵精 30ml


 


晨咁早九點九就帶住兩隻嘩鬼去Staten Island Zoo, 諗住早D行冇咁熱, 避開太陽伯伯, 呢個zoo好細, 個半鐘就已經行晒, 不過小公主及小王子睇動物又睇得好happy喎!


行完zoo, 轉場去shopping, 嘆下冷氣, 未開始shopping前梗要醫肚先啦, 以前食呢個salad,覺得冇左D noodles & 杏仁片就唔好食, 但今日就覺得太多, 要揀番D出黎, 仲有我order grilled chicken但竟然變左fried chicken, 激死, 唯有分D雞比其他人幫手食左佢。


講開shopping, 我又失控啦! 今日其實最想買褲, 因為D舊既巳經冇幾多條0岩著, 但係最後結果, 我係買左條jeans, 條運動褲, 三件tees 加件romper。我冇大出血啵, 六件加埋唔使六十蚊, 超抵!


可能你會問點解平成咁?  唉! 咁你就知美國經濟有幾好啦!  好多鋪頭on sale, 仲要1減再減, Ann Taylor Loft 今日仲要全線六折, 不論新貨定減價貨, 死未。


Dinner好大膽, 亂咁食, 拿拿聲飲番五行酵精補飛啦! 明日係學校 last day放半晝, 放暑假啦, 兩隻嘩鬼開心都跳晒舞, 我~~~就有排煩啦!



動物園個招牌, 細到差D睇唔見!



呢條魚叫Lionfish, 夠惡呀!



死喇! 隔離呢隻野唔記得左佢個大名添!



你睇我身後隻孔雀幾 free, 通樹咁行, 又唔怕人喎, 幾抵死!


衰鬼, 點解唔黎個孔雀開屏我睇下呢!



孔雀媽咪帶住隻孔雀B周圍走, 搵唔搵到隻B呀?


 


 


 


 


 


5 comments:

  1. 我初初睇幅圖.. 見到啲麵, 仲以為自己眼花添... 原來唔係眼花囉!!
    真係平成咁?? 唉... 點解阿哥呢期無trip出架!!! 我想叫佢幫我去掃貨囉!! 我愛AE......
    [版主回覆06/28/2010 21:15:00]我諗我next time去要叫另款salad至得啦!
    係呀! 真係好平, 我有兩件tees係Holister買, 減價貨再五折, 埋單$11.90, 我睇你post D想都有著Holister, 但原來你愛AE, 今日冇行到,下次幫你"目及"下! 

    ReplyDelete
  2. Salad真的很似一碟牛肉抄麵~~
    [版主回覆06/28/2010 21:06:00],又有D似喎!

    ReplyDelete
  3. 其實我有無同你講過,我好鬼鐘意你笑d 牙仔...哈哈哈~~
    [版主回覆06/28/2010 21:56:00]唔係化, 鐘意我笑d 牙仔? 我個牙醫仲問我"cool" 唔cool牙, 咁就知有幾靚!

    ReplyDelete
  4. keke... 咁你都睇到我著Holister!! 係呀!! 每次阿哥出trip都會買AE同Holister比我   超平, 又可以塞住我把口唔洗等我um um 尋尋話佢無買野比我!! 喺香港買一件水貨tee, 要成三百幾四百, 超唔抵呀!!
    [版主回覆06/29/2010 01:02:00]下! 唔係嚇我呀! 水貨tee, 要成三百幾四百?????
    我諗我要帶水貨返黎, 賺返D機票酒店錢囉o

    ReplyDelete
  5. 小朋友放暑假,最頭痕就係家長喇.......

    [版主回覆06/29/2010 06:49:00](Empty)

    ReplyDelete