肥師奶的脫變 ~~~ 人生高峰點

肥師奶的脫變 ~~~ 人生高峰點

大左肚既女人, 通常惡晒, 比好多埋由自己係咁食, 當然我都唔例外。剛剛有左時, 係醫生度檢查係120磅, 但我又陀得幾舒服, 最多初期有D頭暈, 一次都未嘔過, 你話食落肚既野點會唔吸收呀!

最慘係個時勁鐘意食雪榚甜品, 咁搞法, 個磅數係咁直線上升! 小公主出世前最後一次檢查係159磅, 嘩~~~ 足足肥左39磅!

最衰有D舊相冰封左係basement搵唔到, 生之前既相真係成個波咁, 嚇C你。

通常第一胎會早D生既, 但小公主係我個肚入面好食好住, 唔多願出黎, 真係到預產期個晚半夜至入院,  第二日先出世。

最震撼既係小公主擺滿月, 屋企係冇衫褲岩著既, 唯有買啦, 但係我竟然要"12"號 SIZE 至著得落, 真係人都癲呀! 由6號變12號, 我接受唔到0羅。

個時應該有140磅, 真係人生高峰點, 點搞?

之後幾個月只好又黎節食呢招, 盡量食少D啦! 但節食真係唔容易, 一餓得滯你就忍唔住失控, 一舖食鑊勁既, 食個double, 仲衰, 食完好沮喪。

小公主6個月大, 仲有13X磅, No Eye See!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

到小公主8個月大, 仲未修到身, 心諗咁落去唔係路喎, 見到做開facial間美容院, 入左部第一代LPG M6機, 話係勁野, 減肥最得咁話!

見到自己咁既身形, 諗住盡地一煲, 死就死啦! 買左兩個course, total 有廿次treatments, 要成美金一千八百蚊, 好鬼死肉赤, 個衰鬼老闆娘仲話巳經計平我, 原價一百二十蚊次咁話。

部M6機係真係幾有效, 修形應該一流, 但佢地齋叫你做機減肥, 又唔識得教你如何飲食, 做完廿次, 減左六七磅左右, 落番126磅ｏ佢地梗係叫我繼續, 但我唔制, 齋用機減, 我破產都似, 唯有再試下靠自己。

小公主1歲生日。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

之後大概過多一年, 減到120磅左右, 死未, 瘦下肥下咁, 要成年先減得個6磅, 灰爆。

點知小王子失驚無神咁出現, 天呀! 岩岩至去番120, 又要我由頭黎過, 我暈啦!

(待續)

肥師奶的脫變 ~~~ 難以修身篇