小公主學校的Spring Concert

前兩日答應小公主去睇佢學校既Spring concert, 影左D相,

就post上黎比大家睇下佢十下十下個樣。

去片!

木童笛表演

跟住有小堤琴演奏

再黎個合唱團

好lor, 終於輪到阿女隊band出場

搵唔搵到小公主係邊樹呀? 望左邊啦! 佢個矇樣好易搵。

DA DA.... 左邊第三位就係我位小公主啦!

你睇佢幾落力咁吹。

噢! 比佢發現我影緊佢添!

係咪發覺點解九成表演既小朋友都係華人呢! New York?????

我冇呃你地, 我真係住New York, 只不過我住得近華人聚居既區, 讀既呢間小學, 85%係華人, 而中國人普遍成續比較好, 所以天才班內95%係中國人, 隊band入面既學生天才班既又佔大多數。

有人問我對仔女間學校咁多中國人, 怕唔怕英文水平唔掂, 我答佢未驚過, 係呢邊長大既小朋友點會唔識講英文, 你怕佢地大D唔講中文就差唔多。

我對仔女係4歲入學前係唔識講英文(我專登只跟佢地講廣東話), 最多識A-Z及一些簡單既英文單字, 但返左學兩年左右, 就講得好流利, 其實佢地同其他中國人同學仔都係全英語對話, 有時係屋企半中半英就會比我鬧, 我同老公都要佢地係屋企講廣東話, 因為我知如果我地就佢地講英文, 佢地好快就唔會再講中文, 我見過太多親戚朋友既仔女係咁, 我唔想小公主同小王子變成咁lor。

我仲安排禮拜六要佢地去上國話班, 今年巳經係第四年, 初時佢地梗係唔多願, 但慢慢習慣左, 加埋去年返HK時帶佢地去番禺長隆玩, 又返鄉下幾日, 佢地就發覺國語係好有用既, 再加上而家國話班入面有外國小朋友學國語, 佢地又點好意思話唔學呀。