肥師奶的脫變 ~~~ 回到未嫁時

肥師奶的脫變 ~~~ 回到未嫁時

 

從小到大都係奀妹一名, 很瘦很瘦, 身體又差, 媽咪成日話我太瘦, 好想我肥D, 但我對落個妹小時候係肥妹仔黎, 相映成趣。

18歲時都係一百磅唔夠, 得個90幾磅, 但我有5呎3吋半高。所以係個時"減肥"兩個字從未出現過係個腦海裡面, 根本成支竹咁, 仲邊有得減。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

1993年, 100磅左右。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

15歲移民過黎, 就開始我半工讀生涯, 媽咪一個女人仔要養三個女, 我做大既點可以唔幫手, 最高記錄同時四份part-time jobs係身, 真係有工就做, 做過乜, 做過衣廠女工, 電台DJ, 電視台新聞報導員, 兒童節日主持, 派財經雜誌上門, Coat Check 姐姐, 廣告公司大總管(即係阿四), 日日忙到氣咳, fully schedule, 同時間競賽, 唔好話肥, 唔減磅都偷笑。

可能你會問咁你幾時開始肥架?

就係大學畢業, 開始我人生既第一份full-time job既時候, 那時做船運公司坐寫字樓, 雖然好忙, 但至少唔使再東奔西走, 穩定好多, 但無運動, 成日坐, 就係咁D肥膏不知不覺咁入侵我個body, 我仲後知後覺, 唔多為意, 一年半後結婚啦, 先知原來已經110磅, 但以我既身高, 還算ok, 最開心係我媽咪, 因為個女終於唔再成支竹咁。

但其實肥胖生涯就由那刻才開始, 其時為1997年, 因為老公屋企煮野比較油膩, 加上當時等埋屋企其他家庭成員, 晚晚9點至開飯, 我又返早, 通常11點前已上床覺豬。自已完全唔知已經越黎越肥。

過多一年半左右, 媽咪入左醫院, 係醫院陪媽咪時無野做, 見到個磅貪玩踏上去, 係個一刻好震撼, 簡直晴天霹靂, 123出現係我眼前。唔係化, 我有冇眼花, 我幾時肥都咁!

好驚, 減肥兩個字終於出現係我生命, 仲跟足十幾年, 之後減下停下, 瘦下又肥番, 冇乜成效, 試過節食, 試過托朋友係HK買D日本出既, 類似而家所講既益生菌黎食, 但冇乜料到。冇幾耐仲發現有左小公主, 咁就暫停減肥大計喇。

想唔想知我大肚期間, 肥左幾多磅, 肥到點既樣呢?

(待續)

肥師奶的脫變 ~~~ 人生高峰點