驚嚇篇之老友回嚮

早兩日個friend睇完肥師奶的脫變 ~~~ 驚嚇篇之後真係比我嚇親。

呢個老友係2005年至認識既, 所以未見過我之前既終極肥師奶樣, 佢同我講佢既震驚不只在於我個體型, 而係成個外表打扮都嚇親佢, 佢話當時既我好似老左10年。

唉! 一個係屋企湊B湊到人到顛既黃面婆,每日只係搞掂對仔女都巳經筋疲力盡, 仲邊有時間執靚自己呀。

當時既我直情鏡唔願照, 相都唔願映多張, 每日只係是但求其著件衫就算, 行街shopping都唔興奮, 因為靚衫著唔落, 著得落又唔好睇! 體重不停咁跑上跑落, 好唔開心。

呢個情況持續左五年, 直至小王子返學前班, 先有番少少私人時間比自己, 走去做下facial, 執下個樣, 起碼就算減肥未成功, 個look都唔好又土又out呀, 陰公。

睇見D舊相, 真係暈七日, 冇眼睇, 直頭想D「肥証據」消失於空氣中。