生鮮食物抗衰老

生鮮食物抗衰老

10月2日Super Angel 頒獎禮入面, 健康瘦身教主Angel 同我哋各小天使分享瘦身心得時, 曾提及多吃生鮮食物才可吸收更多酵素, 易於瘦身嘅同時更可抗衰老。

嘩~~~抗衰老呢三個字唔止女人追求, 我諗各位男士一樣希望得到。

教主仲話打算推出一本書, 係教大家Raw Food Diet 嘅。當日教主叫各位小天使有時間可以到我個blog睇睇, 因為我勁鐘意食沙律。教主仲話瘦身後嘅我後生咗廿年。

哈~~~教主真係識得氹我高興, 莫講話廿年, 十年我都覺得賺到笑。

咁樣何為生鮮食物呢?

好簡單, 生即未經煮, 鮮即新鮮也。最簡單我哋時常可以食到嘅沙律就係生鮮食物啦! 但記住生嘅菜比煮熟嘅更有營養, 原汁原味, 營養唔會係煮熟過程中流失, 而修練宇宙神功所指嘅七三比例, 70%蔬果要多菜少果, 菜佔嘅比例要多過水果。

而好多人愛吃嘅日本餐中, 魚生就合符生鮮食物喇!

教主下旨要多吃生鮮食物, 我身為啱啱升呢嘅師姐小天使, 豈敢不從, 就等我嚟示範一次啦!

又係樹呃飲呃食。

今日lunch同老友走咗出去尖沙咀, 諗住吃完就血拼去。

去咗位於尖沙咀金馬倫道嘅呢間專食日本籃鰭吞拿魚嘅日本餐廳食lunch。以前返嚟都已經幫襯過兩次, 今次水準仍然保持, 唔怪得止去年開多間分店係旺角啦!

一場嚟到, 梗要食番個香葱伴藍鰭吞拿鱼腩蓉飯定食啦, 另加一個嘢菜沙律。 

嗱~~~ 我知你想講乜, 飯加魚, 犯規呀嘛! 我冇喎, 我都冇食嗰碗飯。

係浪費啲, 但食埋佢要啪酵精咪仲貴。

個定食係咪好豐富呢! 佢哋啲Wasabi 係鮮磨架! 但個海帶豆腐味噌湯咸咗少少。

呢碗就係我愛吃的藍鰭吞拿鱼腩蓉, yummy!

本來佢哋有藍鰭吞拿魚魚生, 但三片收$185, 我唔比自己咁過分。

蒸疍疍, 入面竟然有一小件雞肉, 差啲中招, 但啲疍好滑啊!

左邊嘅好似係蘿蔔絲, 幾脆口, 右邊件凍凍哋, 應該係甜品, 但我太飽, 只係食咗一啖。

呢兜就係我嘅嘢菜沙律, 好好味, 個dressing係黑醋, 好醒胃, 成兜比我清晒。

掛住食, 唔記得影老友個special lunch, 佢叫住上面嗰個$88。

埋單時都覺得自己敗家, lunch自己都食咗百四蚊, 成廿蚊美金。

啊honey, 如果係度睇緊我個blog, 千祈咪肉赤鬧我敗家。 

下次等埋你同兩位宝貝至一齊嚟敗過。

其實我honey唔識睇幾多隻中文字, 所以我專登個銀碼唔寫阿拉伯數字, 博佢睇唔明。

食飽飽有力行街街, 一行四小時, 夠晒運動呀! 

C囉! 係咁E都買咗咁多嘢, 我已經驚緊行李會超重, 點算? 我諗我要收手咪亂買。

鏡頭再望過嚟沙發呢邊, 我已經冇位坐。我已經無乜買衫, 你睇茶几上左邊嗰DD就係衫喇!  但係右邊就~~~~~~~~~~

係一大叠書藉雜誌, 呢堆至C呀, 勁勁勁重磅, 連書局都唔準再去啊!

我仲未入貨架! 入乜? 梗係修練宇宙神功既神兵利器, 瘦身孖寶排毒酵精及荷葉草本茶啦! 仲有湯呀粥呀! 我開始R頭, 嗰頭仲開始大添, 要度掂佢。

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619