下雨天心情差!

下雨天心情差!

晨早起來, 天陰陰, 黑沉沉, 下雨天啊!

我最討厭下雨天, 攪到個人冇晒mood, 最怕擔住把傘, 超唔方便, 又怕整濕身, 又怕整濕對鞋。

所以今朝心情唔多好, 落雨揸車仲論盡, 但無奈要送對寶貝返學。

呢張相係等燈時用手機影嘅! 最憎呢啲天氣!

我雖然勁怕太陽伯伯晒黑我晒皺我, 但我還是喜愛天天天晴!

今朝大食蟲上身, 早餐竟然食咗一個火龍果, 一個奇異果再加兩條皇帝蕉。最慘係12點未夠巳經覺肚餓, 真係賣桔囉!

中午約咗老友食晏, 今日比較玩嘢, 我哋兩丁友走咗去間希臘餐廳揾食。 其實我哋兩個都唔熟識希臘菜, 我只係記得教主好似講過希臘菜係健康菜之一, 皆因佢哋嘅菜式包含好多Olive oil係入面。

呢個係我叫嘅Grilled Chicken Sandwich on Pitta Bread。

幾好味, 勁多生菜絲, 紫洋葱及蕃茄粒, 雞肉只有四粒係入面, 雖然呢餐冇跟宇宙, 但真係一個唔錯嘅選擇。

呢碟係老友叫嘅磨菇配烤豬肉, 雖然顏色單調好似唔多吸引, 但我試咗啲磨菇, 個sauce清得來幾好味喎!

我哋仲share 咗一碟脆肉瓜, 呢個side dish 好正, 啲瓜用olive oil 煮, 唔油膩仲好好味。 

最後要讚吓呢杯希臘凍咖啡, 係個侍應推介比我哋嘅。上枱時, 我同老友心諗C啦, 咁多泡, 個底仲大堆奶, 通常咁嘅款實超甜。點知有驚喜喎! Creamy得嚟唔甜唔膩, 仲幾香咖啡味, 掂呀!

住New York Brooklyn 嘅朋友想試呢間希臘菜的話, 可以一試, 佢係13th Ave 夾66th Street街角, 個名叫Meze。但lunch time趕時間返工就唔好試住, 佢哋係勁休閒feel, 慢半拍嗰隻, 可能希臘文化係咁啩。

接對寶貝放學時, 天色好轉, 停雨兼出番太陽。就好似我嗰心情咁。

今朝狂「巢」番啲長短boots出嚟! 用Skinny Jeans襯長boots, 個人望落去都高啲。

Lunch 食得好飽, dinner只係吃沙律加多碗清補涼湯就夠喇!

人生可以好簡單, 就算外圍因素唔好, 天氣影響心情, 但只要懂得調節, 就算只係跟知心友吃餐飯,傾吓講吓, 心情自然放晴。

紐約中國人社區雖然唔大, 但一樣勁多是非, 唔明啲人做乜咁八, 明明唔關佢哋事, 為何要咁着緊關心? 我為佢哋可悲囉! 莫非佢哋嘅人生太過苦悶, 了冇話題, 每日坐埋一堆, 硬要擺個人上枱講, 只係日日主角不同, 是非當人情, 無聊。 

 

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619