齊齊來有機!

齊齊來有機!

埋嚟睇埋嚟揀, 要有機確唔難。

今日兩個寶貝上完國語班, 走去食車仔麵做午餐。

呢個就係我個美味午餐, 湯米粉配菜心, 冬菇及煎疍, 返屋企再補多個蘋果, 掂呀!

食完lunch走去行超市當節目, 順便當運動。

咦! 牛扒減價喎! 比平時平一半, 肉眼扒减到US$3.99一磅, 抵呀! 今晚dinner有著落, 沙律配牛扒, 宇宙無難度。

家陣行超市, 我會左望右望, 睇吓有冇乜嘢有機食品, 今日又比我揾到好嘢。

話說兩個月前, 比我見到一隻新牌子叫Green Way 嘅有機牛奶及朱古力味豆奶, 加上佢當時做特價, 我梗要買嚟試。味道唔錯, 連個朱古力豆奶都好好飲。可能因為佢係新牌子, 所以呢兩個月嚟好多時都有特價, 住NY嘅小天使可以去Pathmark揾揾, 呢個星期特價US$2.50 半加侖, 我平時飲開嗰隻Organic Vally or Stonyfield 要US$4.50-4.99半加侖。

今日仲比我發現原來Green Way, 出咗好多有機食品, 一齊嚟睇睇~~~

有多款意粉, 連全麥意粉都有。

好多有機罐頭sweet peas, green beans, 紅腰豆, pinto beans, chick peas。

噢! 原來地捫都開始出有機豆。 

嘩! 果醬都有呀!

仲有oatmeal & 快熟麥片。

輪到yogurt出場, 左邊係Stonyfield 出嘅有機yogurt, 右邊係Green Way出嘅有機yogurt, 呢個星期全部特價, 平差唔多一半, 我仲唔拿拿聲掃貨咩!

Stonyfield 仲有出呢個yobaby全脂奶yogurt 及low fat yogurt drink。

但最勁嘅發現係比我揾到佢~~~

有機Acai Juice呀!

仲有幾個味道添! 我買咗其中一款, Acai w/supergreens, 加咗蘋果, 提子, 香蕉, 芒果, 小麥草。

試咗味喇! 又幾好味喎! 小公主嗰衰妹仲同我爭飲。既然冇抗氣酵精傍身抗衰老, 唯有飲呢隻頂住先啦! 不過好貴呀! 大家見到個價錢牌啦! 我買下面支細size 10.5安士都要US$3.29呀!

如果唔知乜嘢係Acai 巴西梅嘅姊妹, 就要過去教主嗰邊睇睇啦!http://hk.myblog.yahoo.com/iam-angeltong/article?mid=56453

Ankang 出咗新酵精, 叫抗氧酵精, 其中主要成份就係呢隻有生命果之稱嘅Acai巴西梅。 佢具有促進細胞健康生長的功能，抗氧化效果為芒果50倍、紅酒33倍、野生藍莓2.4倍、野生黑莓1.8倍，對幫助補充體內的抗氧化系統、延緩衰老和對抗疾病等效果非常顯著，更有助預防便秘等腸胃問題和維持血糖。

好多飲過抗氣酵精嘅小天使都話好正, 包括我哋天使會會長綠茶, 飲呢隻酵精, 搞掂晒啲豆豆, 家陣塊面仔仲滑過豆腐。http://hk.myblog.yahoo.com/win-windie/article?mid=31558&prev=26454&next=29686

呢隻巴西梅外形好似NY中國人超市入面一隻叫意大利黑提嘅生果, 唔知係咪同一樣生果, 等我揾吓資料, 有答案再話比大家知。

以上所講嘅全部有機產品, 住NY既小天使可以去Pathmark超市揾到。有機產品雖然貴, 但只要有心, 有機生活絕對唔難, 皆因佢哋都有on sale 嘅時候, 好似今日我就掃唔少貨囉!

 

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619