忙裏偷閒

最近因為搬屋忙到氹氹轉，面膜都冇時間敷呀陰公！再加埋病咗一劑，搞到個樣勁殘爆，連自己都唔敢照鏡。今日終於偷咗一粒鐘出嚟見見髮型師，執下一頭亂髮。

我諗都係直髮比較適合自己，方便我呢d懶人唔使點打理，比處理曲髮慳好多時間。我要補眠補眠再補眠，瞓番夠本，唔使對眼肚出嚟搶鏡。

收工返到屋企，原來老公買咗牛扒，咁就沙律配牛扒啦！一人負責整一樣，唔使半粒鐘就有得食，快靚正。要跟宇宙飲食無難度，咁又一餐喇！