初初修練宇宙神功的姊妹們常問:
1) 你會吃零食嗎?
2) 餐與餐中間肚餓可以吃麼?
3) 吃什麼當小食好?
今日就同大家講吓食乜食物作餐与餐之間的小食。如果大家有睇開我blog及FB的都知我常吃下午茶, 有時仲嚟個上午茶。
我係唔餓得嘅人, 一餓過龍就會手震兼頭暈。所以一覺肚餓, 我就会揾嘢食。 多得教主Angel 呢套宇宙神功, 我先唔會怕肥捱餓唔敢食, 只要食得「麒」法, 飽住肚嚟瘦, 絕對不是神話。
除了早午晚餐跟住教主的唐安麒宇宙飲食 的七三比例來吃, 餐與餐之間亦可以吃些小食。
瘦身期間用新鮮水果做小食就最好, 不同水果有不同的營養價值。我就見邊樣當造就食邊樣, 當造一定又平又靚嘛。
好似早幾日我就食紅堤子做下午茶, 超甜！提子含花青素能有效地幫人體抗氧化即抗衰老, 同時又補血。絕對是宇宙人的健康小食, 比吃零食毒物好得多。
Low fat yogurt乳酪或乳酪飲品也是好選擇, 有營又能增加腸道的益菌, 腸道健康自然身体健康。
但有些人是接受不到乳酪的味道, 我位宇宙新丁啊妹就曾說過打C也不吃。
ok, 唔食yogurt咪飲杯奶囉! 肚餓飲番杯唔錯架! 能飲有機牛奶的更好。
教主亦建議我哋一星期食兩三隻雞疍及飲番三幾次牛奶來補充營養，尤其女性要特別補鈣。如果飲牛奶會肚瀉的，可考慮飲豆奶。
有時口痕想吃些澱粉質嘅小食, 我多數會揀梳打餅, 五穀麥包或饅頭。
想吃甜時就吃一小片黑朱古力, 貪佢少甜又有抗氧化功效。
我有時也會吃果仁當小食, 如花生, 合桃, 腰果及夏威夷果仁這些, 選低塩及焗的, 唔好揀有糖係面嗰d, 熱量多好多。但每次只好吃少少。雖然有益但吃過量也易肥。只要你諗吓d 果仁係可以搾油嘅, 你就會明白。
最近我一對寶貝就愛上咗食西芹條點low fat Ranch salad dressing做小食。
講真我間中有時也貪吃及會失控, 突然好想吃些香口零食, 好似d薯片蝦片咁。我會食, 但會先揀一下, 好似薯片選Bake(焗)嘅比炸的好, 油份少d, 亦可選些bake嘅蔬菜片。
仲有就係要買最小size的包裝, 咪鬼諗住買大包d就計落條數平d, 小包裝易於控制, 大大包捧住食實出事, 呢d香口嘢, 一食停唔到咀架嘛!
其實Ankang都出咗好多健康小食, 如蔬菜片、瘦身bar、香脆餅及麥片。呢d都係方便又有營嘅健康小食選擇。
最後要講就係凡事適可而止, 想瘦得輕鬆又健康, 吃小食也要注意份量, 不可任意妄為啊! 
有微博的姊妹們, 請多多關注啊!
微博
最近開通埋新浪博客, 有空過去探吓我!
)
