蕃茄蛋濃湯

前天應小公主要求, 晚餐煮了她最愛的蕃茄蛋濃湯, 她開心到吃了一大碗飯, 佢最鍾意用嚟撈飯食。

點知發完相片上FB及徵博, 好多blog友仔及粉絲們要求食譜, 其實唔難好易煮。大家都知我厨藝係有限公司, 週時段估無辛苦。

話說我阿媽煮得兩手, 可惜以前又返學又返工, 冇乜跟過佢入厨房, 自從佢走咗之後, 佢好多拿手菜式我都食唔番又煮唔到, 鬼咁傷心。而呢個蕃茄蛋濃湯就係啊媽教落嘅。而家連我對孖寶一樣超愛, 連平日唔鍾意吃蕃茄的小王子一樣可以撈飯食一大碗。
，
以下是我從網上找來的營養資料:蕃茄營養多多, 含有蛋白質、脂防、碳水化合物、煙酸、胡蘿蔔素、維他命B1、B2、C等，其中維他命C的含量為西瓜的10倍。還含有維他命P、鈣、磷、鐵等礦物質以及抑制細菌的物質: 紅蕃茄素。科學家更發現蕃茄中有一種抗癌，抗衰老物質叫谷胱甘呔(glutathione)。但原來蕃茄生吃才最有營養, 因為在煮食過程中会流失部份營養, 特別是維他命C。雞蛋營養豐富含有豐富的蛋白質、脂肪、鈣、卵磷脂和鐵質等營養成分。其中卵磷脂被腸胃吸收之後，可促進血管中膽固醇的排除，有預防動脈粥樣化的功用。且卵磷脂經消化吸收之後，可促進學習、記憶的能力，達到預防老人癡呆的功效。

蛋白中含有一種叫白蛋白的蛋白，具有清除活性氧的作用，可增強人體免疫力，達到防癌的功效。且蛋白中的卵白蛋白，經消化酵素分解之後，可以產生一種溶解酶，可活化巨噬細胞，抵抗外來病菌的入侵，提高身體的免疫力。
好吧!  就來講一下這個湯的製法。

材料有蕃茄四個洗淨切塊, 雞蛋一至兩隻、薑一小塊去皮拍扁、蒜頭兩粒、蔗片糖1/3塊

燒熱鑊, 下葡萄籽油一湯匙

爆香薑及蒜粒

再倒下蕃

茄塊爆炒一會

下少許鹽、半茶匙惹味粉及豉油四分一茶匙

炒勻後加兩碗清水及放入蔗片糖(甜味多少可自己調較, 我只係比個概念大家)

煮大約10-15分鐘到蕃茄開始爛開, 糖溶哂, 可以試下甜酸味再調較, 

最後將疍汁沿筷子流下蕃茄湯中, 拌勻成疍絲。


蕃茄蛋濃湯完成, 食得。