88.4

大家估吓88.4係乜嘢number!

哈~~~

呢個係我位胖胖小王子今朝上磅嘅數字。佢得9歲人仔, 但已經接近90磅, 好彩佢夠高, 唔係已經超重。

其實去年初已經發覺佢重得好快, 所以去年我開始留意佢嘅飲食, keep track住佢嘅體重, 到去年尾都keep住around 80磅左右, 加上長高咗, 因而未變肥仔。

2010年年尾

自從我返工呢半年, 放鬆咗佢嘅飲食, 問題出現喇!

早兩個月覺得佢肥咗, 捉佢上磅, 86.8, 我已暗叫不妙。點知兩星期前再上磅, OMG........89.8, 唔掂唔掂, 半年唔夠重接近10磅, 再咁落去實超重。

立即問醫生細妹超重未, 怕唔怕! 細妹話小王子在同齡小朋友中係重好多, 但因為佢身高又比同齡小朋友高好多, 拉番勻, 好d, 但都係超重邊緣。

2011年4月中

講真我其實都鍾意細路仔有d肉地, 但佢半年唔夠肥十磅, 太誇張了吧! 加上佢勁好胃口, 鬼咁擦得, 白飯都可以扒兩碗, 我唔驚至奇。

小王子都知自已重咗好多, 因為d牛仔褲全部著唔落。我揾機會同佢傾偈, 話佢知唔可以再咁超速加重落去, 如果唔係超重時, 醫生叔叔會叫減肥, 到時好多嘢都唔准食, 呢個肥仔冇乜嘢怕, 最怕冇得食。

咁我咪叫佢減番5磅再keep住係85磅到年尾, 佢又好似好明咁答應我。

2011年6月中

就係咁我發覺佢呢一個幾星期自動食少咗飯, 但當然有食餸啦!  加上最近學識踏單車, 日日叫daddy帶佢去公園玩番轉。

可能大家諗緊點解為食小王子咁乖，咪又係為食囉！

有日佢話想食西米撈, 我話若然佢減番五磅，我帶佢去吃佢至愛的西米撈, 仲唔使同姐姐分, 比佢自己食晒一碗, 佢好開心咁話好。哈~~~

就係咁經過呢十日八日改變，今朝佢上完磅即刻飛嚟話我知。

哇! 輕咗一磅半, 88.4呀!

佢話我知我都有d 唔信，捉佢再磅多次, 真嗰喎!

佢學咗我嗰招, 朝早醒咗就上磅, 所以唔關飯前飯後上咗廁所未, 佢真係輕咗dd囉!

至於我啊妹呢位宇宙新丁, 磅數唔多郁, 停滯不前! 

鬼咩! 跟住我係有宇宙但唔合符七三比例囉!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

宇宙神功。天下無敵

實在無辨法唔講句天下無敵。呢幾日係FB到收到些令人雀躍的留言。

教主所創嘅宇宙自然飲食法可以話係宇宙最強減肥法。阿妹朋友呢兩日再落多兩磅, 短短一個幾星期減咗五磅, 另一FB朋友仔唔使一星期四磅, 阿妹都有差不多三磅。看見她們有成績, 連我也替她們高興。

瘦身成功十個月, 不斷有人問我點減, 但全部人只問不做, 甚至乎我食咗好多次檸檬, 有d人仲覺得我老點佢。

家陣終於有人行動, 成績係呃唔到人, 一套唔使捱餓, 飽住瘦嘅減肥方法, 有人教埋你都唔試吓!  咁蝕? 

我哋今晚雖然外食, 但好乖啊!  只係食蒜茸通菜, 海南雞(走皮)再加一件鐵板豆腐。

阿妹問點解佢跑第尾, 我話每個人體質唔同, 唔可以相比, 但大家可以互相鼓勵。我初初跟守宙時, 冇人成日提點, 撞板食錯時時有, 又冇跟足, 第一個月都减到三磅半。依家你十日有接近三磅已經叻過我啦!  信我, 教主教落, 只要有恆心肥腿變成針。可能遲d你越戰越勇呢!  但大前提係唔該乖乖地留守宇宙村做你嘅宇宙村姑, 咪心思思想出走。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

窮追落後

今朝阿妹上完磅, 鬼咁開心, 因為佢跟咗守宙餐九日減咗2磅, 仲叻唔切咁post上FB度公告天下, 話比佢d friends知。

點知叻唔到一陣, 哈哈哈, 真係笑C我。

大家仲記唔記得我話過阿妹有個朋友, 見佢修練宇宙神功, 好想試下, 向我攞料做晒功課, 有唔明就上FB問我, 呢位靚女遲過阿妹兩日起步, 但係人家今日係FB答佢減咗3磅。係一個星期3磅呀! 

阿妹知道比個friend後來居上, 跑快過佢, 係樹呱呱叫問點解, WHY!

好明顯人家乖過你囉!  邊有你咁威咁多飯局, 日本餐法國餐吖嗱!  仲抵C到今晚又話有birthday dinner party, 呢次係意大利餐。

你再唔乖d, 跟足百分百, 下星期靚女朋友飲埋排毒一哥, 開始埋廿一日排毒療程, 我怕過多兩星期, 係唔止差一磅, 我怕人家巳經入直路發力, 但你巳經被拋離幾十個馬位, 彈埋出外圍哩!

其實呢位宇宙新丁真係進步咗架啦! 昨日星期四, day off日, 我例牌約老友出來hea半日, 阿妹約咗個friend late lunch, 見未夠鐘咪跟住我哋八吓, 跟埋我哋去食lunch, 我同老友冇宇宙, 叫咗sushi, 焗肉醬意粉, 沙律及油菜。

上菜時我食sushi, 阿妹問我點解我可以食sushi, 當然啊!  你係減肥要跟足宇宙, 我係keep fit, 所以有quota一星期曳番一兩餐。

呵~~~   佢扁哂咀但忍到口唔食喎!  只吃菜及意粉(走肉醬)。比個叻吓!

話時話我都要比個叻自己，lunch時問個衰妹食乜, 佢就R晒頭話唔知今晚意大利餐會食肉定澱粉, 咁家陣點呀! 好餓喎! 

突然比我諗起問阿妺今晚食邊間意大利餐館，上網看他們的menu，叫阿妹選定今晚吃什麼，佢揀食三文魚配菠菜，ok 啦宇宙到，咁而家lunch就可以決定食菜加殿粉。只要有心做, 實唔會甩轆！

所以話只要係踏出第一步去嘗試, 食得「麒」法, 跟足法門, 唔使捱餓, 飽住咁瘦, 好過去計乜鬼卡路里啦!  現在又多兩個真人示範, 未開始嘅你仲唔快d 搬入宇宙村。雖然兩位新丁只係剛起步, 未瘦身成功及仍需努力, 只要keep going, 繼續勤練宇宙神功, 瘦身成功無難度。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

瘦身成功有獎金!?

係, R晒頭好唔明, 點解瘦身成功會有獎金。

我位巴之閉啊妹, 減肥就減肥啦, 多多要求!  話瘦身要有鼓勵性嘅動力, 捉咗其中一個老友, 要佢出獎金, 指定時間內減到指定磅數, 要送佢獎金, 難得嗰位儍佬又肯聽佢點。

最抵C係兩日內再多三個人出獎金鼓勵佢。

唔係化? 好似瘦身成功嘅得益者係你喎!  減得成功, 你請人賀你就差唔多, 仲要俾獎金你。究竟乜嘢世界?

我呢個啊妹由細到大都極好人緣, 好多朋友, 就算係男性朋友都可以稱兄道弟, friend過打band個隻。佩服佩服。

佢有個朋友兼舊同事見佢跟宇宙餐, 感染到佢, 加入咗我哋宇宙村, 即時係FB add咗我做friend, 有唔明就上FB問, 仲可以睇吓我嘅宇宙飲食日誌。佢跟咗幾日都話開始慣慣地, 好過以前計卡路里, 最少食到自己想食嘅嘢。

umm.......睇嚟宇宙神功好快可以係NY開枝散葉咯! 

教主嘅徒子徒孫遍佈全球哩!

好多小天使知道我啊妹做咗宇宙新丁之後, 話有我監控下佢實掂, 其實我最多只係從旁指導, 等佢可以跟宇宙飲食時出錯少d, 最終係要佢靠自己。我做家姐嘅當然想佢成功, 但最想佢搞番好個身體, 咪咁潺仔就係最大得著。

亦有小天使姐妹叫我咪迫得佢太緊, 咁我明嘅, 我哋每個修練宇宙神功嘅小天使, 初期都係慢慢嚟, 唔係一開始就100%跟足又無出錯。

唔覺唔覺嗰衰妹巳經跟咗一個星期宇宙餐, 85%跟到啦!  除非佢無跟住我開餐, 跟住我又點會甩轆。我覺得佢巳經開始習慣, 冇頭兩日咁係樹依依哦哦。

今日lunch我問佢想食乜, 佢竟然話無所謂, 我叫乜佢就食乜, 又無再心思思想吔下午茶, lunch前仲自覺地上磅。有進步。但如果啊二小姐肯早多少少起身, 會再好d 囉!

皆因佢咁多日都係只夠時間飲排毒一哥就趕住出門口, 唔夠時間食生果, 又唔記得拎, 返公司前要買生果先有早餐食。今日佢終於記得拎隻梨返公司, 但佢竟然話我知唔記得飲酵精, 我真係俾佢激到即時反肚。C未!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

宇宙新丁

我阿妹呢位宇宙新丁已經跟咗宇宙餐四日, 頭三日半跟住我當然餐餐過關啦! 就算第三晚嘅dinner, 我有父親節家庭飯局, 佢都乖乖地自己返屋企焗三文魚及灼菜。

飯局尾聲, 個儍婆sent咗個sms比我。我即時哈哈笑。

佢話sent張相比我睇, 要証明佢冇偷食公仔麵。

但叻唔到一陣, 昨晚一賣甩我, 閃咗去跟友人飯局, 就FAIL咗!

佢放工時仲拍晒心口話佢一定宇宙到, 到今朝我問呢位姐姐仔吃咗乜時, 佢話去咗吃日本餐。OK吖! 日本餐好易宇宙啫!  點知佢話佢冇食壽司冇掂澱粉, 只食咗魚生。

吓! 齋食魚生, 咁沙律呢? 菜呢?

佢話佢位朋友唔食, 佢唔好意思咁麻煩另外叫。明白, 呢d都係好多宇宙新丁初初修練宇宙神功, 時常遇嘅問題。所以瘦身期間應該讓身邊家人朋友知道, 等佢哋明白及支持。

減肥並不是一件醜事, 有什麼好怕!

我叫阿妹下次出街食, 遇到吃得唔夠菜, 返屋企記得食番d生果補吓飛。再唔係真係食得over咗就啪番60ml排毒酵精。

點知轉頭又話我知佢今晚約咗幾個舊同事去食法國大餐, 仲話佢同事一個月前book嘅(間法國餐廳有冇咁爆場呀!), 同佢farewell咁話, 一定要去食。 阿姐姐仔, 你第五日已經要申請出村一遊。

我都明好難叫個新丁一開始就可以100%餐餐宇宙到, 但謹記破戒都唔好過份, 唔係一個唔覺意踢走嘅脂肪又會返番嚟揾你。咁唔該只好亂食, 咪玩喪食, 返歸記得補飛。

~~~~~~~~~~~~~~~~~~~~~~~~~~~~~~

呵~~~ 食法國大餐吖嗱! Lunch就要食清d囉!

我叫咗呢個粟米雪耳粥再加蠔油西生菜。

呢個為食貓見到要食粥, 係樹扁晒咀, 佢最怕食d淡口嘢。

點知佢一食就話: 「咦! 呢個粥又幾好味喎!」

使乜講, 其實粟米粥係好清甜架!  再加埋煲冧咗嘅雪耳, 不知幾好味, 仲好有營養添! 

粟米的纖維非常高, 可以增加飽肚感及紓緩便秘, 亦有助降低膽固醇及患上大腸癌的機會。當中的黃體素及玉米黃質, 能有效預防白內障及黃斑點病變。

雪耳含大量骨膠原, 能避免皮膚水流失, 使肌膚保持滋潤和有彈性。所以又稱「窮人燕窩」。雪耳中的多醣體有助增強抵抗力，亦有防癌的作用。

~~~~~~~~~~~~~~~~~~~~~~~~~~~

仲有就係好多人話宇宙餐要食生果做早餐, 一定唔夠飽, 好易餓。但阿妹跟餐第二日巳經講, 原來食個蘋果都好飽, 仲話終於感覺到生果真係可以食飽人。

由此証明好多事情係要你去親身嘗試及感受, 我係旁邊講到天花龍鳳, 幾好幾好又如何, 你只會話我賣花讚花香。

事實勝於雄辨, 你要去試吓才知威力有多大。

我位宇宙新丁阿妹, 每日lunch前我就捉佢上磅, 四日輕咗兩磅, 佢自己都唔多信, 但我同佢講初期落磅會明顯d, 因為飲緊排毒酵精進行緊排毒療程, 再加埋跟宇宙改變咗飲食習慣。

希望佢今晚咪喪食鵝肝, 牛扒再魚扒, 唔係嗰兩磅話咁易又返嚟!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

住家靚湯

昨天上午送完對寶貝返學就去超市入貨上糧, 幾大袋餸, 拎到我CC吓。

之後就開始hea半日消遙吓囉! 今次除咗有老友and me, 多埋阿妹, 三個女人一個墟等於.......嘈!

自從我用聲控方式, 係office都可以遠距離煲湯之後, honey比好多blog友仔讚, 咁佢又係抵讚吓嘅。所以昨天my day off日, 梗要煮番餐住家飯過佢嘆, 當然仲有我親自睇火嘅住家靚湯啦!

阿妹開始咗佢個悠長假期, 心情靚, 主動話整番一味，仲比我對孖寶點菜, 最後兩隻馬騮話要吃玉子豆腐扒冬菇碎肉。搞乜家陣d 細路咁識食。

我煲靚湯材料充足, 煲足兩個半鐘, 夠晒火喉, 甜都不得了啊!

呢碗就係我親自出馬煲嘅愛心靚湯: 牛蒡紅蘿蔔粟米煲瘦肉。

排毒清熱去水腫, 掂都冇朋友。

最近喜歡吃奇異果做早餐, 充滿維他命C, 呢兩隻都係金色奇異果, 我唔多like綠色嗰隻kiwi, 金色的包甜, 但貴過綠色嗰隻好多, 綠色的一蚊美金有5-10隻, depend on有冇sale。圖中上面細d 嘅五毫子美金隻, 下面隻大size的要七毫半啊！搞乜我鍾意食嘅生果，係美國都賣咁貴。

但我發覺食落口, 口感甜味係一樣, 只係size 唔同, 所以吃兩個小的做早餐也不錯。

不論是金色或綠色奇異果，它們的營養素全都一樣，一顆奇異果含豐富維他命C，所含的維他命E更可提供一日所需的三分之一，而且還是低脂低熱量，另外還有豐富的葉酸、鈣質、膳食纖維、以及低鈉高鉀。

另外奇異果中所含的纖維有三分之一是果膠，而果膠則被認為具有降低血中膽固醇濃度，進而有預防心臟病的功能；大量纖維也有促進排便功能，值得注意的是，奇異果中含有多種氨基酸，像麩氨酸及精氨酸這兩種氨基酸可作為腦部神經傳導物質、可促進生長激素分泌。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny

要宇宙。無難度

呵~~~ 想瘦身嘅你, 的起心肝開始宇宙未?

我身邊就有一位姐姐仔開始行動啦!  邊個?

之唔係我阿妹囉! 係大嗰個啊! 

其實呢位小姐去年曾經短暫跟隨過宇宙神功, 但自從返咗份新工之後, 時間長勁OT加埋壓力大, 好快佢就迷失咗, 出咗村再失踪埋。

好喇! 家吓佢開始佢自放嘅悠長假期, 即時同我講佢由現在開始, 佢嘅飲食交比我揸旗, 我話點就點, 佢要揾番佢嘅健康再同脂肪說再見。我當然舉脚贊成啦!

首先捉咗佢上磅, 面對佢唔多想知嘅數字, 但我只可以話比大家知係1XX磅!

我怕我爆個數字出嚟會比人殺人滅口, 命仔不保。

~~~~~~~~~~~~~

宇宙第一天, 早餐係排毒酵精加士多啤梨, 我哋返工前買到盒又大又紅嘅士多啤梨, 真係好味都冇朋友, 下午茶encore多次再一人吔多半隻橙。

你睇隻士多啤梨幾大隻, 呢隻仲抵C到成個心型咁。so delicious, so great.....

返工無奈要食外賣, 但仍然係宇宙到嘅。我揀咗蒜茸芥蘭苗及南乳温公齋, 保証夠七三黄金比例, 因為個齋入面, 粉絲只係佔少少份量。一定夠飽兼唔會咁快又覺餓。

呢位宇宙新丁到下午茶時段, 個口已經咬住個士多啤梨, 但又係樹呻話由早餐到Tea time都係吃草，話冇啖肉食下, 唔慣耶。

我同佢講: 「放心阿妹，dinner time我會批准你吃菜加肉架啦！ 哈~~~ 」

嗱~~~

呢d係好多宇宙新丁一開始修練宇宙神功嘅問題, 其實唔係肚餓, 而係心癮。只要有意志力, 乖乖地跟足一星期, 你會發覺其實又ok喎!

就到放工, honey打嚟話對寶貝想食IKEA肉丸做dinner。Umm.......IKEA d 沙律唔掂, 唔多好食喎!  冇理由第一日就要阿妹失守架!  點到要開個靚頭嘛!

最後我好無賴要求honey整個愛心homemade salad過我哋。

呢個就係honey炮製嘅無敵勁大木瓜雜菜沙律, 大到嚇C人, 我同阿妹O晒咀。

Anyway, 多謝honey嘅無限量支持。

Homemade Salad 加IKEA招牌肉丸, 就係咁過關啦! BINGO!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny