心情壞透的一天

昨天心情勁差, 原來睡眠質素與隔天的心情係可以有直接影響。

事緣前晚係極度眼瞓下, 未夠11點就爬上床交交豬。點知........瞓到半夜俾小王子大叫一聲: 「我流鼻血哦! 」, 即時比佢嚇醒咗, 安頓好呢位少爺已經半夜兩點半, 拿拿聲仆番去張床再大覺瞓。

唉!  世事往往係估佢唔到, 3點正佢又大叫同一句說話。天啊! 咪玩啦! 係我最攰嗰晚先嚟玩我, 仲要連玩兩轉。之後成晚都瞓得唔好, 好似雲遊太虛, 未能熟睡。鬧鐘響嗰一刻真係比C更難受。

早餐吔慣水果嘅我, 竟然失控食咗兩塊marble pound cake再灌多杯朱古力味豆奶。最後成朝個胃就頂住頂住唔舒服。

就係咁全日係公司都超眼瞓, 魂不附體, 忍唔住lunch之後買杯coffee飲提吓神。又係人算不如天算, 我只係要杯普通凍咖啡啫, 點解位姐姐仔都可以冲都淡而無味, 真係......唉! 

Dinner time 去食上海嘢, 有素菜餃子唔叫, 只係亂食一通, 什麼小籠包生煎包蘿蔔絲煎餅通通叫晒上枱, 好彩仲識叫番兩碟灼菜。

返到屋企, honey拎個Strawberry Short Cake出嚟話甜品能醫心病。

好吧! 一破就破到底, 食埋佢(完全失控中)。

不過食完一件又好似開心番d, 雖然件cake麻麻地。

呢個cake係一間意大利bakery出品, 佢哋25週年紀念, 個cake原價18蚊而家賣3蚊, honey見咁筍所以抬咗個返來。但實太多cream太甜, 唔多啱口味。Anyway, 至少食完我好似開心咗。

我叫自己要睡眠充足, 唔夠瞓我會忟又易發脾四, 如果成日咁失控, 好易變肥C9。

>>>>>>>>>>>>>>>>>>>>>>>>>>>>>

呢排仲頭痛緊對寶貝嘅暑期班, 舊年去嗰間由街口church辨嘅summer school, 今年竟然停辨。本來呢個返10點放3點又近屋企嘅summer school, 最perfect match我同honey返工嘅時間, 家陣佢一句停辨, 我真係O咀唔知點算。

再四圍問吓補習社的暑期班, 個收費真係可以用嚇C我嚟形容, 一個6-7星期嘅暑期班, 半日班全部$700-$900, 全日班由$1000-$1350都有, 高年級又收你貴d。使唔使收得咁狠吖! 你估家陣讀完去考狀元咩!

其實仲有一個由政府資助嘅暑期班, 收費只係$480, 但係佢嘅時間又嚇C我對寶貝, 上午8時至下午5時, d時間仲長過平日返學。呢個應該係啱d要返足全日工嘅父母囉!

我只係想對寶貝係summer vacation入面有d 嘢學吓, 好過留係屋企齋玩啫。仲有三個幾星期就放暑假, 我仲未諗掂, 好煩好煩! 

 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny