努力自家製

我位相公自從飲過彩虹瘦身湯之後, 竟然對教主念念不忘, 我絕對相信佢已經愛上咗我哋呢位瘦身教主.................教嘅呢碗彩虹瘦身湯。

經過上次一「煲」就成功之後, 我honey梗係信心大增, 前日自動舉手話要encore再煲多次彩虹瘦身湯。佢放工接完對寶貝放學就出動買料, 回家炮製靚湯。

但今次煲湯唔及第一次咁好味, 經檢討後係因為比上次放多咗水(有人諗住大煲d可以食多餐), 同時材料切得比上次大粒(偷懶貪快令材料冇咁出味)。雖然係咁, 我都要讚吓佢係努力嘅。

真係好多料, 五顏六色, 賞心悅目, 未食先高興。

就係咁我就前後吔咗三大碗湯連湯渣做dinner, 正到冇朋友, 第二日仲排毒得勁勁勁暢快, 爽吖!

教主留言比我話怕我honey愛佢.........碗湯........愛到不能自拔。

點知昨天day off, 例牌跟我位老友趁小朋友返學時段四圍hea吓!  點知今日hea咗去超市, 我呢位同我不相上下嘅無飯煮婦老友, 竟然話要煲湯。

哈~~~

佢見我係FB post咗兩次呢碗靚湯, 佢話望見碗多咁彩, 好似好好味(係真係好好味), 要試吓飲埋一份, 捉住我幫佢執齋d材料, 仲要教埋佢煲。

No problem, 教咪教囉! 

咪住, 好似兩次碗湯都唔係我煲嗰喎! 

唔怕啦! 第一次都係我聲控教honey煲架啦! 再嚟一次啫!

我叫我位老友post張製成品比我睇, 佢唔制, 話怕我一陣比個50分佢, 真係比佢笑C我。

教主, 你呢個彩虹瘦身湯已經熱爆瘦身界啦!

呢幾日比d塑化劑新聞搞到好驚, 唯有乖d學自家煮, 但我屋企三位老細加埋我位麻煩阿妹, 好似酒家點菜咁, 左點右點。咪玩啦!  我話自家煮啫但我未變大廚喎!

最後經過一輪大戰, 最終煮咗呢幾味, 味道嘛?  ok食得吓啦!

 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny