家庭樂

昨天是我的day off日, 啱啱一對寶貝學校放假唔使返學, 所以一個星期前我哋已經打算係呢日去行街街shopping, 我好似有差不多個半月冇一家人去shopping啦!

小王子非常需要買番對凉鞋, 天氣熱, 呢個肥仔當然唔想著波鞋啦! 

呢兩日NY嘅天氣可以用熱到癲來形容, 昨天預測氣温會去到華氏99度(HK的38℃), 咁熱去行街逛shopping mall 嘆免費冷氣就最好啦!  留係屋企的話, 開爆架冷氣都頂唔緊囉!

我同一對寶貝就最怕熱, 一熱個人又忟又燥, 好易發脾四, 所以中午前要出發。

你睇我同小公主都hot pants短褲look, 就知太陽伯伯幾咁勁啦!  真係太陽高高掛, 揾滴風吹吓都無, 連呼吸都唔暢順呀陰公。

我哋走咗去New Jersey個Jersey Garden Outlet先, 因為嗰度比較多鞋鋪, 買鞋多數揾到啱心水, 行咗四五間, 終於揾到對小王子鍾意, 我同honey又覺得啱價錢嘅。涼鞋都只係著個summer, 唔使太貴, 因為下年唔啱著又要買過。小王子對腳又大又厚肉, 9歲人仔, 對脚同我差唔多size, 大個仔仲唔係大脚八。

逛多陣見冇乜嘢啱, honey提議去Staten Mall 逛, 順便吃埋dinner至返屋企。

就係呢個時候唔知邊隻為食貓話路經IKEA時, 入去買番個Non-fat frozen yogurt食, 仲話一蚊一個好抵食。點知......

就係望見呢個牌, 上面寫住只要2蚊雞就有兩條hot dog, 一包baked potato chip再加一杯任你refill 嘅飲品。

好明顯呢三隻嘢即時轉軚, 買咗呢個餐再買多個frozen yogurt share食。

而我當然唔會中伏去吔hot dog, 我堅决食我個non-fat frozen yogurt, 130卡路里, 我仲豪得起。

你睇我呢對孖寶, 無時無刻都 non-stop talking, 時時講不停講, 行又講, 等食又講, 等緊我排隊比錢都講, 佩服佩服。

轉場到Staten Island Mall之後, 我跟小公主都係減價貨品中揾到戰利品。

我知我知, 上次換季話過叫自己咪再失控亂買衫吖嘛!  冇吖! 我無失控, 買咗兩件top and 一條西褲之嘛!  我d 舊西褲冇條啱著, 見減價買番條見人啫! 

至於嗰兩件top就........因為太抵囉!  又係呢個藉口, 好爛啊!

Dinner time 我哋去咗Applebee's 食牛扒餐, 7安士西泠扒加西蘭花, mashed potato益埋三位老細。因為唔夠37比例, 返到屋企補番兩隻橙。

我屋企d生果多都好似花果山, 失控嗰個唔係我, 係我honey, 佢直情買生果買到走火入魔, 小公主早兩日數過, 屋企有10樣生果, 木瓜有大又有小, 梨都有兩種, 萍果橙香蕉桃, 蜜瓜西瓜。嚇C人, 成個雪柜都係生果, 食生果都飽咯!

D天氣真係變幻無常, 下午熱到跳舞, 點知食完餐飯，一出嚟個天黑曬，氣溫急降加大風，架車一上到highway仲落埋雨, 係大雨。

NY唔知幾時變咗沙漠, 一早一晚相差華氏25度(HK12度), CRAZY.......

嚟緊呢個week有三個飯局, 又生日又父親節,  真係停不了的吃, 要狂補飛至得啦!

Anyway, 家庭飯局都係happy time, 家庭樂最重要。

 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny