哎喲喲! 荒廢咗個blog幾日, 要掃吓塵至得囉! 
呢幾日得一個字: 忙、忙、忙。
忙於為啊妹搞佢壇大project, 我有online有用電腦架, 但冇時間上blog及FB, 好鬼掛住你哋呀! 
忙咗幾日, 同部電腦博鬥, 終於做好晒暫時要做嘅嘢! 
最勁係連我都要比個叻自己, 本來連domain name, hosting, DNS, 呢啲電腦名詞都未分清係乜嘅我, 竟然用咗兩日時間, 嘔咗個website出嚟, 連我honey都要寫個服字, 話我遲啲變IT奇才。
但個website當然係比較簡單, 屬資料性質啦! 你估我真係奇才咩!
對住部腦長時間做嘢, 真係頭暈眼花兼頸梗膊痛, 呢幾晚仲好夜瞓, 攪到今朝送完對寶貝返學, 要再揾周公傾多轉。
今日仲用啊妹公司名去出多部手機, 呢間電訊公司嘅好處係佢哋啲plan, 一個價錢包晒所有嘢, 連tax都包埋, 無限講, 無限上網, 無限text msg, 乜都unlimited, 掂呀!
家陣出街要拎住兩部手機, 搞笑嘅係我honey又係咁, 一部私人, 一部公司電話, 人哋唔知仲為我倆公婆做乜大生意大茶飯, 兩公婆加埋四部手機出街。
話說啊妹要慰勞我, Sunday嗰晚啊妹請客, 又去咗Manhattan Downtown St.Mark 樹揾吃。
今以佢帶我哋去食呢間日本拉麵。
不過原來真係只有拉麵, 無壽司, 小王子勁失望。Anyway, 啲拉麵都唔錯, 幾彈牙, 我哋仲另外叫咗幾個小食, 價錢來講叫合理啦!
小公主叫咗個义燒濃豬骨湯拉麵, 但佢話咸咗少少, 可能佢唔慣咁濃味嘅湯底。 我就好滿意我碗雜菜菇菇豆腐拉麵喇! 多菜多豆腐, 啲豆腐仲勁滑添! 
食飽之後去咗附近一間日式超市, 好多人哩! 唔係人人走嚟掃日本貨呀! 我齋行冇買嘢, 因為見到排隊比錢條人龍已經怕怕。
但比我發現我有食開嘅一支日式芝麻沙律醬又加咗價, 最初買US$3.99, then US$4.99, 而家要US$5.35, 好貴呀! 
我試過買另一個牌子嘅芝麻沙律醬, 大支啲又平啲, 但一啲都唔好食囉! 
小公主身後嗰間係St. Mark's 呢頭一間好出名食日本串燒嘅日式小店, 我哋諗住下次maybe會試呢間。 附近仲有一間係專食蕎麥麵嘅, 小王子勁like soba冷麵架!
honey~~快d 大生意大茶飯，等我黎ny...哈哈哈~~。記住...我們的夢想！
ReplyDelete[版主回覆04/13/2011 12:43:00]收到, 一起實現我們的夢想!
我都覺得d日本嘢加晒價, 唔知係咪貨源供應短缺所致~~~
ReplyDelete[版主回覆04/13/2011 12:43:00]我諗多數係囉!
係呀!!我今日去ｃｉｔｙ ｓｕｐｅｒ睇野都見到勁貴囉～～
ReplyDelete[版主回覆04/13/2011 20:27:00]通脤加天災 = 加價
現在D嘢非常貴, 所以,格價先買呀! 同埋,你越來越靚.
ReplyDelete[版主回覆04/13/2011 20:29:00]精明嘅消費者真係要格價, 揾錢唔易架嘛!
比你一句越來越靚, 搞到我面紅添!
係呀!
ReplyDelete[版主回覆04/14/2011 07:58:00](Empty)
不過忙都要注意身體同休息
ReplyDelete[版主回覆04/14/2011 07:59:00]收到!
呢支丘比仔芝麻汁確係好味~~~ 但係乜都加價.....真係.....唉~~~
ReplyDelete[版主回覆04/14/2011 08:00:00]食到我好肉赤。
2個人4部手機~~wakakaka~~諗起都笑左呀honey
ReplyDelete[版主回覆04/14/2011 08:01:00]我都覺得crazy呀!
我都覺得你越來越靚靚
ReplyDelete[版主回覆04/14/2011 23:12:00]呵~~~氹得我好高興!
Welcome back
ReplyDelete[版主回覆04/14/2011 23:10:00]Hi 天使守護姐
U.S.既天氣係咪仲好唔穩定?因爲我見babe要著大jacket.
ReplyDelete[版主回覆04/14/2011 23:13:00]NY既天氣仲係忽冷忽熱, 所以仲要著大褸呀!
puiying黎左啦
ReplyDelete[版主回覆04/14/2011 23:10:00](Empty)
2倨人買部手機, 果然係食大茶飯喎
ReplyDelete[版主回覆04/15/2011 11:05:00]最搞笑呢兩日係屋企電話響時, 要諗諗邊架響。
都話妳又靚又叻, WEBSITE都識整, 而家我咩都靠晒HONEY同細佬啦
ReplyDelete[版主回覆04/15/2011 11:09:00]你都唔知嗰兩日我總共對住部腦幾多粒鐘, 無人問又無人幫, 又想慳錢自己搞掂, 搞掂時真係又攰又殘呀陰功。
Oh, 恭喜babe成為美女天使厨神冠軍啊!
哩支日本沙律醬我係香港見到過陣都想買, 但係我最後竟然唔記得買返過黎....哩度既asian shops 10隻手指數得完, 搵過都唔見有
ReplyDelete[版主回覆04/15/2011 11:03:00]哎哋! 哩支日本芝麻沙律醬真係好好味架!