今晚有開爐

今晚好叻, 有開爐煮飯不特止, 仲學人玩煮西餐。大家唔好諗住我又係得個味沙律配牛扒。今次搞搞新意思, 煮海鮮~~~ 焗三文魚啊!

唔怕老實講, 我係第一次煮呢味餸, 若然失敗, 屋企三位老細就冇飯食囉!

我冇秘笈又冇秘方, 只係洒些少鹽, 加啲胡椒粉, 再落點惹味粉, 最後嚟啲basil。

you see ~~~ 就係咁就放入oven

我諗住三文魚快熟, over 咗又"鞋"口,  所以oven set 335度(around 150℃), 只係焗咗15分鐘, 望落去得得地就當OK (C未, 係樹段估無辛苦) 

有魚當然要有菜啦!  最近比我係Costco揾到隻有機急凍雜菜粒, 方便又好味, 解凍咗蒸一吓或烚一烚就食得。

但屋企三位老細又多多要求, 要加啲意粉咁話。

唔知班衰嘢係咪諗住件三文魚衰咗, 都仲有意粉頂肚呢!

Da Da.......

我嘅精心傑作上枱喇! 賣相見得吓人。

好明顯上面碟係宇宙人~~~我食架啦!  下面有pat 意粉嘅就係三位老細嘅, 呢碟三文魚係冇basil 嘅, 因為小公主話唔like 個basil 味。

總括嚟講係OK喎!  食得吓, 件三文魚嫩滑, 雜菜清甜, 材料新鮮就唔使咁多花臣啦!  最少三位老細好俾面咁食清晒。

最very good 嘅係快靚正嘛! 由預備到開餐, 40分鐘搞掂, 爽呀!  唔使煮到一頭煙。

另外我係ebay買嘅bling bling 電話新衫終於寄到嚟, 等咗兩個禮拜呀!  但小王子隻衰嘢竟然話: 「咦! Ugly! 」

哼! 咁大胆品評啊媽啲新玩具, 未C過。