春暖花開

等呀等, 望穿秋水, 終於等到花開啦! 今年真係遲來的春天。

漂亮的小花帶來春日氣息, 但右上圖嗰棵開滿小白花嘅樹, 我就唔多Like。

佢d花粉好勁架! 好多人因為佢搞到花粉症發作, 苦不堪言!

Touch wood, 今年花粉惡魔真係無嚟探我哋一家, honey平時花粉季節會不停打噴嚏, 停唔到, 好惨, 小公主就咳, 小王子就鼻塞, 而我就眼痕。

身邊巳經見有人花粉症發作, 但我哋四個到目前為止仲好精靈。

所以話呢一年肯改變飲食習慣係值得嘅, 多菜多肉, 吸收多d 酵素, 再飲吓酵精排吓毒, 無毒素積係body, 自然抵抗力好, 花粉惡魔都埋唔到身。

只要係改變, 健康生活無難度。

噚晚好乖啊!  有開爐, 今次又搞新意思, 煮湯烏冬哩!

上圖好明顯係宇宙版: 雜菜玉子豆腐湯烏冬。右下圖好明顯係非宇宙版, 多咗塊豬扒, 我三位老細嘅。同場加映左下圖: 一大兜上湯浸紹菜任食。

我有誠意架! 個湯底係用有機雞湯再加少少安康嘅惹味粉吊味, 塩都唔使落, 淥完烏冬再淥菜, 超方便。加d 有機雜菜粒, colorful 啲, 小朋友見到開心啲, 玉子豆腐慢火煎一煎,。放埋一碗開得飯, 三位老細好滿意, 吃清光。小王子連啖湯都飲埋。

係US嘅blog友仔可以去Costco揾呢d有機食材, 價錢算合理, 但健康好多。

都係嗰句: 健康係無價嘅!

今晚dinner曳曳無宇宙, 仲要好夜先食完, 但係老友嘅honey牛一喎! 梗要齊齊happy吓啦! 我啲寶貴quota平日留番嚟係呢d高興時候用架嘛!

靚靚慕絲cake一個, 好好味, 唔係太甜。

要擁有開心快樂好簡單, 跟對的人一起傾吓食吓已經得。

噢! 預告一下, 爛玩之家嚟緊兩日又去大西洋城casino 嘆番吓!  Easter嘛! 帶對寶貝玩吓囉!  今次陣容鼎盛, 強勁人馬, 3個family呀!  實去到邊嘈到邊!

所以呢幾日update唔到個blog! 但我會上FB update我最新動向。有樹就上FB揾我啦!