行山好日子

昨天是清明節前最後一個Sunday, 約好啊妹一早出發去NY 上州掃墓。吃咗奇異果做早餐, 再收拾好所需物品, 十點幾出發啦!

好好太陽喎! 仲好暖, 有華氏50幾度(15℃)添! 

睇吓! 啲小白雲幾可愛, 一朵一朵四處飄。

好彩honey做咗功課, 知Yankee 打波, 行過另一條路, 避開唔使塞車, 順順利利咁就到埗啦!  但因為係去NY 上州, 快極都要個幾鐘。

嘩!  太陽伯伯絕冇吞pop, 係無遮無掩下, 勁曬, 好彩塗咗防曬, 但我唔記得帶埋支防曬粉出嚟補, 唯有帶埋頂帽頂住。事關一個星期前細妹幫我做咗脈冲光, 下令唔準曬太陽, 好彩細妹有appointment 行唔開, 冇一齊嚟唔知道。

但原來風小姐先係至難頂至惡, 真係大風到哩!  差啲香燭都點唔著。

就係咁係狂風吹下, 搞咗成粒鐘, 終於做好為人子孫要盡嘅責任, 不過同風小姐博鬥咗咁耐, 上番車, 我同啊妹都有啲頭痛啊!

搞掂正經事, 跟住當然要玩番半日啦!

最後决定去番上次比人包咗場, 無得玩溜冰嗰個shopping mall, 等小公主同小王子還吓心願, 玩番次啦! 

平日好少會嚟呢個mall, 因為係上州, 太遠啦!  今次見人已經係上州, 就去啦!  廿分鐘就到嚕! 呢度有得血拼, 又有戲院可以睇戲, 仲有溜冰場及保齡球場。

上次比人包場冇得玩，佢兩位今次仲唔玩番夠本。

係佢哋玩溜冰期間, 我同啊妹梗係鼠咗去血拼啦! 但其實都只係同啊妹四處逛逛, 再坐係兜巴星一路嘆住杯Latte, 一路同佢傾吓佢個大project方向要點實行。

好快又嚟到Dinner time, 今次揀呢間~~~

Outback Steakhouse

嚟得扒房, 梗要吔番塊扒啦!  哈~~~

嗱~~~

右下角嗰份先係我件6安士西冷配雜菜, 比小公主同小王子個Kids' meal 仲細, 兒童餐個扒竟然係7安士, 離晒譜。

呢間steak house嘅New England Clam Chowder 都幾出名, 幾多料又幾惹味, 但我覺得咸咗少少, 一定要share, 自己飲晒實在太滯太咸了。

嗚~~~

我就係衰係呢條麥包上, 因為佢, 我衰咗冇宇宙，明明叫咗牛扒配菜架嘛，點知條麥包一上枱，我諗都唔諗就放入口，食咗兩啖先記起件扒，澱粉!  肉!  唉! 

但呢個麥包真係好好味，牛油都唔使塗，勁正。整乜鬼我咁鍾意食澱粉類, 最慘係我發覺自己食多啲澱粉質就增磅, 所以要keep住一日一餐澱粉質好嚕。

同場加映, 小王子為食樣, 個咀食緊麥包但對眼望住個甜品推介。呢個甜品我係絕對唔會叫比小王子食, 真係齋睇都甜到嘔, 勁高糖高卡, 食完仲唔爆quota!

食飽飽返歸途中要入油, 嘩! 乜NY上州啲汽油貴成咁!

$4.25 一加侖, NY city $3.87之嘛!

即閃, 等途經New Jersey先入, 橫掂嗰邊仲平過NY city。

New Jersey 嗰邊$3.47咋！相差咁遠, C未！

但要排長龍等入油, 等成十幾分鐘, 之後又早咗一個exit入highway, 差啲做咗迷途小羔羊, end up 兩個鐘先返到屋企。

行咗成日, 對腳好似同個body 唔識咁, 想浸腳又勁眼瞓, 最後敵唔過睡魔急call。 雖然攰, 但同家人一齊hea吓已經好滿足。