破戒日

一睇見個標題就知我失守, 仲要係全面失守, 全家失守, 破戒得勁徹底。

話說原本打算嚟多轉焗三文魚配有機雜菜, 嚟開爐一刻先發覺失魂嘅我, 今朝竟然唔記得拎啲鱼扒出嚟解凍, 咁點算呀!  無飯開, 三位老細咋型喎!

最後咪要外食囉!  但個問題係唔知點解會入咗呢間茶餐廳, 又唔知點解會叫到一枱都係毒物。真係唔知幾耐冇試過毒得咁金。

睇完呢張相就知有幾毒, 反宇宙不特止, 仲要高卡路里耶!

呢鋪比教主巡blog過到嚟, 仲唔篤手指兼扭耳仔。

好驚哩!  下次唔敢喇!

返到屋企一家四口立即啪酵精, 呢餐好貴呀!  

呢個星期開始, 我比對寶貝飲排毒一哥, 諗住比佢兩位嚟個21日排毒療程, 潔淨吓個body, 健康啲嘛。我問過教主, 小朋友第一個星期每日10ml, 之後14日就加到15ml,  一支大排毒剛好夠佢兩個飲21日。

飲咗三日, 佢兩位又ok喎!  無不良反應, 只係放多咗屁屁。唔知小朋友會唔會有水便呢!  我估應該唔會啩, 至少無大人咁多毒素積埋係身體。

家陣一家四口都飲, 變咗酵精之家。

SEE, 今日NY好好天氣, 好暖呀!  裹蒸粽咁耐, 終於可以放抵件大褸。

見好天, 我同小王子無揸車, 行路去接小公主放學, 一來一回就行咗半粒鐘, 當做埋運動, 爽呀! 

不過都唔夠我honey勁, 呢兩日佢竟然連車都唔揸 (汽油貴都唔使咁慳吖), 行路返工, 你哋估吓佢要行幾耐?

       

係一程40分鐘呀! 

今次輪到我寫番個服字比佢。