多倫多之旅。吃喝篇

各位姊妹, 我玩完返來囉! 話咁快就四日, 全程吃喝玩樂兼hea爆!

係真係hea, 完全無旅遊觀光, 純relax叉電遊。

如果你問我加拿大多倫多有乜玩?

其實又無乜特別, 今次已經係我第六次去多倫多, 2004-2006年, 我連續三年暑假去多倫多, 最大原因係嗰幾年無返HK, 嗰度嘅感覺好HK feel, 去那裏一解思港之苦。

仲有就係揾美食, 當時紐約d 旅行社都有搞d 乜乜美食團去多倫多。

但隨著NY的餐館食物水準越來越進步, 我已經冇去好多年。

今次有幸跟住表哥一家入住呢間酒店。

五粒星係有原因嘅, 服務設施真的很好。

來來來, 不如就跟大家分享吓我呢四日食咗乜。

當日一早出發, on the way lunch time俾我係麥當當揾到個雞沙律食, 宇宙到, 開心到痺! 哈~~~

其本上呢四日早餐我都係排毒酵精30ml 加水果, hotel health club泳池邊, 每日都有鮮搾橙汁, 香濃coffee/tea及萍果香蕉任飲任食。

但lunch及dinner我就冇跟足宇宙啦!

第一晚我哋去咗多倫多其中一個唐人社區Markham(萬錦市)開餐。

望見呢d 價錢真係夠震撼, 10美金一隻温哥華凍蟹, 4蚊一盎沙魚骨杞子蟲草花燉老雞湯。

 叫咗六餸一湯一炒飯先至係80蚊美金有找, 仲要水準唔錯, 超抵食。

第二日lunch食強記雞粥, 個海皇粥及腸粉好好味, 雲吞麵超大, 係平日size嘅double, 但麻麻地, 乾炒牛河及牛腩撈麵我冇試但其他人話普通, 牛腩唔冧。 其實仲有個酸辣炸醬撈麵幾好味但冇影到相。

下午茶, 港式雞蛋仔, 好掂, 真係外脆內軟, 但好貴, 要3.25加紙一底。

Dinner係鼎泰豐食小籠包, 三杯雞, 生煎包, 上海粗炒及菜, 保持多年來水準。

飯後仲食埋甜品, 你睇小公主個樣幾滿足, 同daddy share棉花冰哩。

小王子揀咗佢最愛的楊枝甘露。

第三日lunch最失敗, 行咗40分鐘去old Chinatown食越南河粉, 但唔好食超失望。

Dinner番兜第一晚間酒樓, 今次無影相但同樣好味又抵食。

Last day, 為慳時間, 留係酒店食早餐, 表哥有員工優惠, 半價。

不過真係超好味, 絕對唔係因為係五星酒店食早餐覺得正, 而係d食物真係超水準, 個blueberry pancake好味到冇朋友, 又香又軟。

小王子個waffle一樣冇得頂, 而我杯coffee實在太誘人, 我飲咗兩杯。

小公主碟Ham & Cheese Omelette 普通d, 但旁邊d potato唔知乜咁好味, 我位一路對薯仔冇興趣嘅小王子竟然食咗兩塊, 仲要話好好味。

真係就算冇半價都要食。

食完早餐就開車回程啦! 

途中我哋只係食前一晚係華人超市買嘅鮮奶方包及蘋果做lunch。

唔好睇少呢袋方包, NY食唔到d 咁靚嘅方包。

幾經辛苦返到NY, 為免係highway service area食fast food, 我哋頂到返NY先食打邊邊做dinner。好叻啊! 今次四日旅程都冇食過一餐快餐。

最開係我咁食法, 今朝上磅竟然無肥到, 仲比去旅行前.............

輕咗0.4磅。  賺咗!

全靠我帶定宇宙人旅行必備嘅瘦身孖寶:  排毒酵精及草本茶。

早晚各 ​30ml 排毒一哥，中午來多杯草本茶, 乜食物都消化晒再排清晒。

小天使界金句: 「喪食唔怕肥, 最緊要識補飛。」

~~~~~~~~~~~~~~~~~~~~~~~~~~~~~~~~

一年一度的Super Angel 超級天使2011已經開始啦!

記得多些來我BLOG撐我呀!

你哋嘅每一個留言都係我動力來架!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny