多倫多之旅。玩樂篇

上次講完係多倫多食咗乜, 今次就不如講吓我哋呢幾日有乜搞作。

當日一大清早六點半出發, 對寶貝好期待, 鬼咁high, 點知隨住車程越坐越悶, 最後大家見到, 小王子悶到暈咗!

其實個九小時車程都幾難捱, 你睇美國的highway一望無際, 一條直路係咁揸, 沿途齋得樹及草, 悶爆!  一個人揸咁遠, 真係瞓著到似。

揸咗六粒鐘終於過海關, 大排長龍。之後入咗加拿大仲要揸2-3小時, 睇吓塞唔塞車囉!

左邊個塔就係多倫多個landmark: CN Tower。其實多倫多個Downtown好多高樓大厦, 外型設計都很HK style。

那裏四處都起了很多condo即HK的高層住宅大厦, 但加國巳經地多人少, 住house到大把地起, 諗唔明點解不斷建咁多condo, 等升值又難, R晒頭。

去到hotel, 班友一到房就換晒泳衣去泳池游番轉。 基本上佢哋係每早晚游一轉, 用盡所有設施, 我冇游水只係浸hot spa及焗桑拿。

我哋次次去多倫多都會逛呢間超市, 只因又大間又多貨品, 有d 雜貨零食NY無得賣。入面除了有超市外, 還有壽司部, 燒臘部, 麵包部。

入面的麵包款式多都嚇C你, 只係方包都有十款八款, 餐包都有分提子, 全麥, 雜糧, 黑糖等, 還有蛋糕曲奇及中式餅, 小公主話呢個老婆餅雖然唔夠HK嘅好味, 但比NY餅店整嘅巳經好味得多, 個儍妹連食兩日。

仲有呢間Pacific Mall, 每次必逛, 全個商埸店鋪都是華人經營, 二樓仲有酒樓及food court, 好多嘢食, 小公主及小王子為咗食雞旦仔, 等足10分鐘, 因為太多人買。而我對寶貝好醒, 知我下個月返HK, 係商塲入面揾獵物, 睇中乜就叫我返HK買, 仲話HK會平d。

行程第三日我哋冇開車, 行路過Old Chinatown, 行咗40分鐘先到, 最惨嗰日有34℃, 熱到我哋叫救命, 食完lunch要叫taxi返hotel, 實在熱到頂唔順。

返到hotel要唞吓!

班細嘅竟然................聚賭。

我哋四大人就走咗出hotel附近逛名店, 好多好多大牌子, 一條街左右兩邊任你揀, 可以叫名店街啊!

就係咁hea 吓hea 吓就過咗我哋個vacation, 雖然無做乜特別嘢, 但超relax, 來個心靈假期, 乜都唔諗, 想瞓就瞓想食就食, 叉足電返嚟再努力過。

嗱~~~

我知你哋又係樹追我出鏡比大家睇, 但我真係冇乜影到相。

比住兩張行程中自拍嘅大頭相交差, 收貨啦! 咪鬼追瘦我。哈~~~

~~~~~~~~~~~~~~~~~~~~~~~~~~~~~~~~

一年一度的Super Angel 超級天使2011已經開始啦!

記得多些來我BLOG撐我呀!

你哋嘅每一個留言都係我動力來架!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny