開心玩樂國慶節

每年7月4日是美國的國慶節。今年係星期一, 所以好多人星期五請假, 來個四天長週末出外旅行。我家這個爛玩之家今次並沒有外游, 只係留在NY, 但一樣節目多多, 好多人約哦!

已經兩個月未試過休weekend, 仲要連續兩日, 我一對孖寶最開心, 尤其係痴身的裙腳仔小王子。

花旗國國慶有乜玩呀?  其實冇乜好玩, 哈~~~

最大特色係家家戶戶指定節目-------> BBQ

仲有睇煙花囉! 呵~~~

7月3日那天約定了去Long Island朋友家BBQ, 點知一瞓醒聽見行雷兼下雨, 心諗個BBQ泡湯啦!  小公主及小王子呢對孖寶一定好失望, 只因前一晚佢哋已經執好泳衣毛巾, 打算碧波暢泳嘛! (朋友家後園有個大泳池)

只好期待對寶貝上午學完琴, 下午太陽伯伯會開工啦!

一點鐘學完琴, 仲落緊雨。打電話過朋友那邊, 他們說BBQ如常舉行。咁我哋就食番個生果沙律打底啦! 

你知啦! 玩得BBQ, 食物大部份係.........肉囉!

可憐的小王子望住下雨的窗外, 超級期待停雨中。

經過一個多小時車程, 到埗啦!  老天爺實在可愛, 架車一出highway已經停雨, 到朋友家門前泊好車仲出埋太陽。yeah~~~

一對寶貝二話不說, 火速換上泳衣, 想"噗通"一聲跳下水, 但比主人家叔叔叫等一等。原來細心嘅叔叔怕泳池的水太冷, 放緊熱水入泳池中。

阿仔你究竟想點? 好忙咁喎! 手腳並用。

最後玩到九點幾至開車回家, 但盡興而回, 感恩啊!

瞓醒第二天係國慶日假期又唔使返工，差唔多十點先醒，爽呀！Long Island個朋友仲有Day 2 BBQ, 問我哋仲入唔入去, 唔好喇！對我這些宇宙人來說, 連食兩日BBQ, 我頂唔緊囉!

加上對孖寶7月5日開始summer school, 唔想又比佢哋玩咁夜。

諗住係屋企hea下, 點知細妹call嚟話可愛的姨娚仔想跟表哥表姊玩。好吧! 我哋約咗去一間Long Island indoor嘅玩game樂園。(係, 你冇睇錯, 又係Long Island, 暈...)

就係咁, 我哋又出發啦!

去到Long Island先食lunch, 之後就狂玩了。係呢個叫Dave & Busters嘅樂園入面玩足三粒鐘。好彩妹夫有些online coupon, 如果唔係, 入錢都入窮。

三隻馬騮仔滿場飛, 齋玩呢架機已經四次, 暈得!

玩到五點鐘就各自打道回府。同honey商量後, 决定揸車返Brooklyn食中餐, 唔想再食西餐, 因為我哋好掛住啲........菜。

呢幾味就係我哋嘅國慶節dinner。

有勝瓜炒雲耳, 蒜茸小白菜, 紅燒乳鴿及生炒骨。

乳鴿做特價$4.95一隻, 係平日三分一價錢有多, 點可以錯過。

BBQ曳咗嘅我, 今日當然跟足宇宙啦!  我揀咗半隻乳鴿再加白菜, 勝瓜雲耳, 正!

到晚上九點, 屋企附近四處都嘭澎聲, 週圍有人玩放烟花啊!  我對寶貝走出露台望向前面遠處, 街頭街尾就有煙花睇。九點半TV仲有20分鐘哈德遜河的煙火滙演添。

兩日假期話咁快就完咗! 

家陣期待......................

10日後的.......................

多倫多之旅。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny