開心之旅(二)

嚟到Day 2, 瞓到差唔多十一點至醒, 爽呀! 好耐無試過, 唔理咁多, 先來杯排毒酵精再加個蘋果做早餐, 好彩我仲有幾支迷你裝啫, 唔係點出嚟wet。

等埋嗰隻爛瞓豬啊妹, 差唔多12點半先落樓下食早餐, 唔係喎, 應該係brunch, 早午餐同步呢。

今次係Bally's Casnio 呢間餐廳開餐。

佢哋有個全日special 餐Steak & Egg, 只係US$7.77好抵食。

但我實在吃唔落塊扒, 我揀咗個藍莓Pancake。最搞笑係小王子, 當我個pancake上枱時, 佢見到只有一粒藍莓係塊pancake上面, 佢驚慌地大叫: 「吓! 媽咪, Blueberry pancake 點解只係得一粒blueberry架! 咁少!???」

啊仔, 唔使咁緊張喎! 啲藍莓咪係pancake入面囉! 勁多藍莓仲好好味添! 外脆內軟, 英明選擇。等陣我補番啲生果都叫宇宙到呀!

小公主自製Egg & Ham Toast。

食飽飽又周圍逛吓, 消化吓先。嘩! 家姐, 呢個寶箱啲錢係真嘅就發達啦!

 好明顯, 逛唔到一陣, 我啊妹同佢嗰friend, 兩位姐姐仔個心已經飛咗去血拚, 唔知點, 我哋一家四口就跟住佢哋入咗名店街。喂! 我無錢買名牌過喎!

不消一會, 呢位小姐就敗家咗個手袋返嚟, 佢話做嘢太辛苦, 今次要盡拚, 獎厲吓自己咁話。唔掂, 我跟住呢位魔鬼小姐, 我honey隻豬仔實比我放血到要入ICU。

好, 走為上著, 兩條0靚跟住嚟, 啊媽豪兩蚊比你哋買糖, 唔好跟住你姨姨, 危險呀, 速閃。呢間糖果店叫Sugar, 真係乜糖都有, 以磅計錢, 但佢兩位又係齋揀古古力, 真係要寫個服字佢兩位。

我post 咗呢幅相上FB, 茶茶同我有以下嘅對話。

Windie Win 你個仔想點呀....阿媽咁elegant >..佢...搞個咁既pose...哈哈

Jenny Cheung 好明顯佢玩嘢啦！叫佢影相佢就走咗去，叫佢行開咪阻住我影，佢又走埋來做攝石人，吹脹！

我都好想知佢想點, 影襯相都搞搞震無幫襯。

 一係整個咁嘅樣比你, 激C。

唔鬼理佢, 揾小公主幫我同honey影番張先!

下午三點幾, 兩隻嘩鬼話唔等啊姨啦, 要返酒店來多轉碧波暢泳。

小王子拎住支水槍, 諗住跟家姐嚟個激烈大水戰。

大戰完後, 無情情穿住個水泡, 之但係啊仔你個身型好似同個水泡唔夾喎!

見班小天使姊妹係FB度叫我水著look咁出吓鏡嚟滿足佢哋, 咁我咪post 呢張相比大家頂吓癮囉!

點知.........

我連累咗小公主比啲姨姨姐姐話佢遮住晒, 叫佢借歪少少。

喂! 各位, 我真係水著look喎!

唉!  好喇好喇, 我賣吓大包益吓街坊,

比個............................

..........................................................

...........................................................  

.......................................................... 

玉背大家睇吓喇!

咪再嘈嘈貢啦!

Day 2 dinner, 我哋去咗食呢間食buffet呀!

明天再續!

開心之旅(一)

星期三中午起行, 開始我地三日兩夜嘅開心之旅。 以我哋爛玩之家有差唔多五個月無外遊去玩, 都係一個紀錄嚟!  嘻~~~

今次plan得比較急, 我哋都只係近近哋去車程只需兩小時嘅大西洋城, 玩吓唞番兩日咁。以住大西洋城嘅賭場會間中offer吓free room, free buffet, 但聽聞幾個月前賭場cut budget, cut 咗好多優惠, 要我俾錢, 我唔制過喎, 所以我哋都無去一排, 要俾錢就揀第二度玩啦。

今次都係free room一晚, 另一晚要比錢啊!  但食buffet 就有買一送一嘅優惠。咁先大鑊, 一對寶貝最愛吃自助餐, 最終連續兩晚食自助餐, 好彩我帶埋孖寶傍身啫!

今朝上磅只係重咗0.2磅。

哇!!!

咁樣亂食法又無宇宙, 都只係重咗d d d。所以話排毒酵精加草本茶, 家居旅行必備品, 宇宙人點可以無咗佢哋。

無塞車, 坐咗兩粒鐘, 到埗啦!  今次住左邊嗰間凱撒酒店。

愛血拼的住呢間最好, 皆因酒店位處Broadwalk中心點, 一行出酒店就係Atlantic City 個Outlet, 極方便。還有的是酒店本身連接貫穿The Pier 呢個名店集中嘅購物中心, 落雨都唔使拎遮。

今次個房都OK唔錯, 唯一唔滿意就係無浴缸, 咁我點浸浴呀!

大家一齊睇睇我哋帶來啲花果山, 準備充足, 冇宇宙都一定要食夠蔬果, 早餐一定係生果, 呢樣已經習慣咗, 改唔到, 唔食唔安樂。

休息咗一陣, 兩隻嘩鬼巳經急不及待, 瓜瓜叫要換泳衣去碧波暢泳。

你睇佢幾位, 好enjoy 咁喎!

有小天使係FB問我去咗邊樹? 點解無水著Look睇?

咁我梗係咗做緊揸機人啦! 至於水著Look呢個問題...........

Ummm............

.............................................

.............................................

等我豐Zone成功, 身材good fit 啲先show off 啦!

大家........等等!

游水活動到尾聲, 我嗰位遲來的啊妹(係大嗰位, 細嗰位已經一家三口唔知飛鬼咗去邊個州滑緊雪) 終於同個friend 到埗, 嚟問我囉 room key。

之後, 佢只係拋低一句: 「Outlet 見, 電聯。」就閃咗。

你睇佢兩位幾心急, 拿拿聲撲返房冲凉換衫, 要去會合姨姨咁話。

唔使咁心急吓! 間hotel 啲景都唔錯吖, 以古羅馬做主題, 影番兩張相比我啲blog友仔睇吓都得啩。

嘩!  啊仔, 差啲睇唔見你係人群中喎!

呢間意大利餐廳我仲未幫襯過, 只因比佢個咁靚咁豪嘅門面嚇襯, 我怕我入咗去無錢埋單。 

游完水嘅小朋友零舍肚餓, 返房換衫時已經消滅咗一盒士多啤梨, 去到Outlet 唔夠半個鐘又叫肚餓, 讓着要去食buffet, 佢哋位啊姨只好帶住意猶未盡, 仍想再shop嘅心情, 陪兩隻為食貓去嘆buffet。

半年無帶過小公主佢哋去食buffet, 所以佢兩位心情勁high, 全場左穿右插。

基本上我上半場係宇宙得好好, 先食大大碟沙律打底, 再吃海鮮類, 點知呢班魔鬼猛係讚塊即燒牛扒勁正, 最後我受唔住誘惑, 衰咗!

橫掂衰咗, 吃埋件古古力cake, 再整多球雪榚先。

呢位小姐, 又cake 又pie 咁, 亂食咗仲可以揾孖寶補飛, 但喪食嘅話, 肥咗唔好叫救命喎! 你啊姐我已經傳授晒宇宙心法過你, 自己執生啦!

咪理咁多, 飲番杯事後荷葉草本茶先!

綠茶話我堅, 仲可以有荷葉草本茶傍身, 只因HK已斷市多時, 其實我都唔頂得幾耐, 存貨有限啊!  剩底嗰少少我當係寶哩!

不過Ankang 最近推出咗玫瑰草本茶, 唔使飲, 一聽個名就知掂, 玫瑰花可以安神解憂, 玫瑰香味嘅草本茶, 正啊!

Day 2 行程, 明天再續。