有宇宙村係度, 健康瘦身無難度

早兩日收到一位親友來電, 問我點樣可以健康减肥瘦身, 我身為宇宙人, 有教主傳授宇宙秘笈, 我當然要將宇宙神功發揚光大啦!

我都用咗半粒鐘將宇宙神功嘅重點講過佢知, 又解釋吓邊啲係澱粉類蔬果, 邊種食物當肉類計, 佢都好用心咁聽, 又話會試吓, 希望佢成功咁加入我哋温暖嘅宇宙村, 一齊做個快樂嘅村姑。

講到修練宇宙神功, 减肥瘦身, 其實有啲竅門架!

首先我覺得要决心開始瘦身嘅姊妹們, 第一樣要投資嘅係一個準確嘅電子磅, 我唔係講笑, 我好認真架!

因為要成功瘦身, 監測住自己體重係好重要既, 望見自己有成績出現, 每日輕一啲, 係一個動力嚟。 見到體重升番, 又會反省吓警惕吓自己。係我半年嘅瘦身期間, 每朝醒來都會磅一磅, 仲會係月歴上記錄低, 方便知道體重嘅上落。

我就發覺自己M前體重會上升, M後一跟教主嘅餐單就落磅得特別快, 有時仲new low添。

當然姊妹們唔好為自己磅數嘅些微上落影響心情, 要知瘦身成功之路非一朝一夕可以達成。

我哋宇宙村嘅村姑係要日日心情愉快, 飽住個肚嚟瘦身。節食減肥係好痛苦嘅, 想食唔敢食, 餓過龍反而嚟個喪食, 衰多兩錢。長期處於飢餓狀態, 心情都會down啲, 仲勁易發脾氣。

節食減肥我失敗過無數次, 我食少餐都見頭暈, 食遲啲都會手震, 點節食啫!

你睇我哋宇宙大王綠茶日日大碗大碗食落肚, 一樣keep住23吋小蠻腰, 問你服未。

食减肥藥仲驚, 都唔知食乜落肚, 又唔知有冇副作用後遺症, 咪搞我!

仲有節食減肥, 減到連個樣都殘埋, 點得架!

你睇我哋宇宙村入面成功瘦身嘅天使姊妹, 個個都容光煥發, 神采飛揚, 瘦咗都要有潤嘅感覺, 想時光倒流十年, 話都冇咁易呀!

只要明白宇宙神功內嘅三七黃金比例, 跟住秘笈教條嚟修練, 有乜開心得過食住嚟瘦呢!

每日嚟個生果或水煮菜做早餐, 係必修課題。

怕寒凉嘅姊妹可以加杯薑茶平衡一吓, 若然係冬天時常覺手脚冰冷嘅話, 亦可飲薑茶改善虛寒體質。

唔好比藉口自己話朝早無時間準備, 除非你唔食早餐, 行入麵包鋪買隻包都要時間排隊比錢啦! 只要有恆心, 肥腿變成針。

想快捷方便, 大把安康產品幫到你, 啱晒啲大忙人或大懶人。呢兩款係我至愛。

另外瘦身期間寫下飲食日誌, 都非常重要, 唔好睇少佢, 好有幫助架! 能乖乖地每天記下吃過什麼, 就能輕易叫自己咪亂食, 曳完都會立即乖番幾日, 唔敢失控喪食, 瘦身自然易啲成功。

當體重停下, 唔多落磅時, 就要轉吓餐單啦! 可以過教主Angel 嗰blog

http://blog.angeltong.com.hk/ 

入面有好多唔同嘅餐單比你揀比你試, 梗有一款啱你嘅。

想瘦得快啲又排埋毒, 每星期嚟番一兩日全日蔬菜水果, 包你感覺到腸胃前所未有咁暢通無阻, 仲潔靜過清水。

要健康瘦身絕無難度, 快啲搬入宇宙村, 齊來做個快樂天使村姑。

 健康瘦身係可以唔使一分一毫, 只要你肯試再加埋你份决心。

經濟能力許可既姊妹, 亦可試吓飲排毒酵精, 嚟個21日排毒療程, 皆因排清毒素, 腸道健康, 排便暢順, 係瘦身王道, 毒素少啲, 代謝好啲, 人都精神啲, 瘦身自然更能事半功倍。

想更了解宇宙自然飲食法既朋友, click入Angel 嗰blog 啦!

http://blog.angeltong.com.hk/health_diet.aspx?healthId=533&healthCategoryId=1

無敵嘅宇宙村, warm 爆嘅天使會, 隨時歡迎你加入。