辛卯年大年初一

恭喜恭喜, 恭喜發財, 祝大家兔年行好運, 日日開心快活, 事事順心如意, 人比花嬌青春美麗, 再來多句心想好事成!

雖然呢兩日場暴風雪美國有30個州受大雪影响, 但紐約市最後無落大雪, 變成落雪雨。 多謝天公做美, 今日大年初一陽光普照, 只係凍啲, 最少我唔使爬雪山Look咁出去拜年。

一早起身, 第一件事係準備我嘅甜蜜糖水, 取個好意頭, 一家人全年都甜甜蜜蜜。

呢碗甜蜜蜜內有紅棗蓮子杞子桂圓啊!  又甜又潤。

約好家族成員齊齊去佛堂食齋。呢個活動係我哋一家人每年大年初一嘅指定動作, 廿年不變。

好好味! 我食咗一大碟吖。 食咗一半先記得影。

之後再上老爺奶奶度拜年, 一大班親友互相祝福。想新一年行好運就要接受多啲人嘅祝福話句, 越多人跟你說好話即係代表越多人加持你, 仲唔行大運咩!  

記住想新一年事事如意笑口常開, 年初一要保持靚靚心情, 咪同人頂咀嘈交, 開個靚頭, 包你好運自然來。

小公主個儍妹係爺爺度拎啲朱古力金幣嚟玩, 咸蛋超人呀!

之後返屋企休息一陣, 一對寶貝就繼續佢哋嘅強項, 就係玩!

為怕同人迫, 六點未夠我哋就出發去食新年第一餐晚飯, 我對為食孖寶要求食佢哋嘅至愛「片皮鴨」。嘩! 無book枱, 有啲難度喎!

Honey試吓call去酒樓問吓啦!  咦! 有運行, 竟然有枱, 立即話十分鐘到。

師傳教落新一年第一餐晚飯一定要豐盛啊! 咁樣全年都會豐衣足食。 

但我哋得四丁友, 叫半隻片皮鴨好啦! 豐盛之餘唔好浪費, 如果唔係吃完一味已經飽晒, 跟住嘅餸菜又食唔晒。

你睇小公主有得食笑得幾開心。

小王子成隻脾都俾佢消滅埋, 勁啊!

我隻蒜茸粉絲蒸扇貝, 新鮮!

小公主嘅食評係鮮甜又夠蒜香味, 懶識食咁喎!

仲有碟蜜汁牛仔骨, 又冧又入味, 一啲都唔"un"。

當然唔少得宇宙人必食嘅蔬菜啦! 葱香唐生菜, 生財生財好兆頭厘。

四碟餸全部吃晒, 但呢碗紅豆沙麻麻地, 試咗兩啖無食, 無謂浪費quota。

留番個quota食朱古力雪榚, 呵~~~

我聽教主話架, 一係唔破戒, 破戒破到底。

今晚享受美食, 完全唔記得咗乜嘢係宇宙神功。

食飽飽返到屋企, 拿拿聲拎埋珍藏嘅武器出嚟補飛。

日本版排毒酵精, 流線形磨砂樽, 成支香檳咁, 靚仔到痺呀! 

有啲唔捨得開嚟飲添!

唔理啦! 飲番60ml,  乜毒乜油都炸番晒出嚟, 有酵精草本茶看門口, 間中食毒都無有怕啊!  為免瞓唔著, 聽朝先飲草本茶囉!

呢隻酵精無五行及抗氧酵精咁杰身, 比較稀, 一冲水唔使攪都飲得。

五行酵精似菠蘿及梅子味, 抗氧酵精好濃嘅莓味, 排毒一哥似酸梅湯味。呢隻日本嚟嘅排毒一哥似乜嘢味厘?  

唔知點形容, 唔太甜又唔太酸, 一種好淡淡然既味道。

斷斷續續飲咗安康出品嘅酵精一年, 家陣我個body真係幾潔淨, 對味精好敏感, 一食味精重手嘅餸菜, 個肚仔實肚痛抗議, 所以依家唔敢亂咁去啲唔熟悉嘅酒樓食店, 免得自己玩自己, 浪費quota攞苦嚟辛!

回想一年前嘅農歴新年, 我决定開始修練宇宙神功, 並開始飲酵精排毒瘦身, 咁就一週年啦! 但呢一年我好開心啊! 身體仲好咗好多, 找醫生叔叔嘅次數, 五隻手指有找。酵精雖然貴啲, 但唔使探醫生叔叔, 啲錢咪係番樹, 仲有皮膚靚晒, 連護膚品都可以慳啲。

希望新一年同樣地快活似神仙!