超感動的一天

So sweet, So warm, So touching

今天的我無血拼啦!

一早起來, 見到小公主係厨房唔知搞乜, 原來她怕我未瞓醒, 但又想食沙律做早餐, 於是乎自己動起手來做她人生第一碟沙律。

雖然只係簡簡單單, 但足以代表她大個女了。

最意想不到的是這碟愛心早餐, 小公主洗乾淨啲士多啤梨仲去埋啲葉, 排得靚靚咁話比我做早餐。噢! My lovely daughter....................

做啊媽嘅係呢一刻, 教我如何不動容呢!

第二個「感動一刻」來自地球的另一方, 星期六錯過咗郵差叔叔送的包裹, 接住兩天又係假期, 只好等到今天早餐後才去post office pick up喇!  心裏還在想, 我無online買嘢吖, 點解有包裹呢?

原來.........原來係小天使珍妮貓寄來的。

噢! 係紅透天使界的切菜器呀!  個個都話超方便超好用, 整沙律嘅好幫手。

你睇, 真係好多配件勁多用途架! 聽聞連教主都有架!

從今以後, 有呢套好幫手, 我的沙律將更可愛更美味, 每次食沙律都會想起你, my dearest 貓貓。請接住我個飛吻!

多謝貓貓Janice。我........真係.........何得何能?????
實在太感動, 有一班小天使姊妹, 時刻將我記掛在心, 不要把我寵壞啊。
貓貓, 我......無以為報, 只好以"心"相許囉!

但請其他天使姊妹唔好再寄禮物過嚟比我啦! 需知家陣處處揾食艱難, 賺錢唔易, 我唔想你地破費, 郵費仲好貴, 睇見包裹上嘅郵票, 好肉赤啊!  你哋嘅心意我完全地收到, 真的全放進心裹, 超級温暖。  LOVE all of you!

第三個「感動一刻」來自小王子。

大家睇睇, 午餐後佢自動自覺幫我.........洗碗啊!

雖然近排我同honey開始train小公主同小王子學吓洗碗, 但今日小王子唔使人叫, 自動話幫我洗碗。噢! My lovely son.......

做啊媽嘅我再一次動容。

拿拿聲拎部手機拍低呢個歷史時刻, 仲post 咗上FB, 好多留言啊!

Sonia Akila Wong 幾時先輪到我嗰個同我洗碗呢？唉～

Jenny Cheung 而家開始train佢地咪得囉! 有權利要有義務, 家~~~~大家都有份嘅!

Sonia Yiu 你就好啦，少奶！ :P

Jenny Cheung 係呀！Shirly話家下我威啦！修成正果, 碗都唔使洗！

Sonia Yiu 所以咪叫聲你少奶囉！你就爽啦！

Jenny Cheung 失禮晒! 我都捱咗好多喊苦至等到家吓唔使洗碗架! 你仲要努力吓! 哈...

Fanny Yeung 乖仔wor...我細佬係咁就好喇..

Jenny Cheung train埋啊細佬, 咪等佢哋咁嘆。

Fanny Yeung train 唔到喇..咁大個...我呢個家姐真係辛苦...

Jenny Cheung 你細佬好幸運有一個勤力嘅家姐, 小王子唔好彩有個懶惰嘅啊媽。哈...

同一天內, 收到多個「感動一刻」, 自覺實在太幸福了。

感恩啊!