情人節快樂!

各位honey甜心, 祝大家都情人節快樂, 甜甜蜜蜜, 甜過蜜糖啊!

來, 送多一個大飛吻, 接住!  

~~~~~~~~~~~~~~~~~~~~~~~~~~~~~~~~~~~~~~~~~~~

今日Sunday day off, 但對寶貝12點約咗老師學琴, 所以無諗住去邊度wet, 只係hea住咁過, 最後變成hea喝玩樂的一天。 

晨早先來個士多啤梨味乳酪, 正都痺。

之後小公主小王子要求吃舅婆送比他們的愛心蘿蔔糕。

好啦! 順應民意, 開爐煎糕, 用易潔鑊嘅好處係唔落油煎糕都唔會"痴"底。等陣學完琴至食個late lunch啦!

好好味啊! 兔年第一次吃蘿蔔糕, 真係crazy, 一家四口吃晒一底, 我吃咗四件啊!

弊, 食多咗, 有啲滯滯地, 即時沖番杯荷葉草本茶消吓滯先。

學完琴去到茶餐廳巳經兩點半, 又唔想dinner太遲食, 變成lunch當tea time。仲偷走咗出村, 叫咗個公司三文治再嘆多杯香濃熱咖啡。呢排叻咗, 飲少咗凍啡。

無無聊聊去咗最近嘅商場逛吓!

嘩! 間Govia朱古力店勁多人呀!

梗係啦! 聽日情人節喎, 一個二個係樹揀禮物呀!

我哋join 咗呢間朱古力店嘅club, 每個月有一粒免費朱古力送, 而每個月買滿US$10, 下個月再送多你兩粒朱古力, 幾抵架! 今日要排長龍先可以拎到我哋嘅free chocalate。排排吓又有店員拎住一大盆朱古力比條人龍中嘅各人試食。

一家四口一人一粒, 再加兩粒免費嘅, 賺到笑呀!

我拎咗粒dark chocolate, yummy!

我位honey就咁係呢間朱古力店買咗呢隻bear bear 比我做情人節禮物, 邊有人當住個老婆面前買情人節禮物架! 佢話驚唔買禮物過我, 我啲blog友會圍剿佢。

但小王子比我興奮, 話好鍾意呢隻bear。

你睇小王子全程幫我「保管」住隻bear。連粒朱古力都唔得閑食。

仲趁我shopping時拎埋出嚟影相添!

啊仔, 好似係買比我嗰喎! 你理吓我感受好喎! 你個樣好明顯話過我知, 你會做劫匪拐走佢囉!

佢仲抵C到叫daddy買花比媽咪啦! 呢隻bear買比佢咁話。

雖然我真係鍾意花多啲, 但你個悶蛋daddy可以一個月內送兩次bear bear 做禮物, 我都無言以對, O埋咀, 可能佢諗住啲朱古力佢有份食埋一份啩!

但我都唔弱, 照辨煮碗係佢面前買番件恤衫過佢做禮物, 打和無數。

我諗無乜人好似我哋兩公婆咁short囉!

Anyway, dinner返歸吃牛扒沙律, 有宇宙啊!