Hea喝玩樂的一天

因為啊細妹boss要帶啊仔飛去第二樹滑雪vacation, 咁呢個week我就唔使返工, 全程可以陪足對放緊winter recess假期嘅寶貝。而呢個weekend, 好多打工仔係long weekend嚟, 因為Monday係總统紀念日, 好多人有假放啊!

今日Sunday, 小公主同小王子晨早要學琴, 返工後嘅我都未見過啊Miss, 所以今日要問吓小王子準備考grade one 嘅進度如何, 而答案係good 同無問題, 咁我信你架啦! 四月就考啦, 不容有失哩!

Anyway, 學完琴就梗係開始我哋hea喝玩樂的一天啦! 原本諗住吃越南餐可以宇宙到, 唔使去shopping mall 食快餐, 點知..........

點解呢個越式腸粉入面有豬肉碎架, 個餐牌又話係with mushroom, 人家平時吃開嗰間入面係冬菇碎及木耳碎囉!  D 紥肉大大塊就話可以飛走佢啫, 豬肉碎仲要包係條腸粉入面, 點飛呀, 叫人點宇宙吖, 激C我啦!

~~~~~~~~~~~~~~~~~~~~~~~~~~~

好彩今日血拼得極度精彩, 補番數, 心情靚晒。

原本諗住只係出去逛吓, 總比係屋企"out"冬菇好,  點知...........

買得超爽呀!

嗱嗱嗱, 我honey隻豬仔錢罌好安全, 頂多只係捅咗一刀咁大把。

一去到就買咗呢副大黑超, 仲抵C到即買即帶, 呵~~~

原價26蚊, 比我用埋張coupon, 6蚊雞有找, 粗粗地, 是但啦!

立即叫honey用艾瘋豬幫我影番兩張靚相先, 靚靚空姐投訴上篇blog只有honey同小王子出鏡, 佢話唔制, 要我出鏡比佢見吓!

咁好啦! 醒多張你睇喇! 唔係一陣又話小公主無出鏡。

~~~~~~~~~~~~~~~~~~~~~~~~~~~~~~

人哋本來無諗住入鞋部, 路經時, 魔鬼honey講咗句: 「80% off 呀!」

就係咁, 我就唔知點解會轉咗入去, 跟住慣性迷失方向, 三位老細去咗邊啲我都唔知喇! 最後我又拎住一袋先識路行返出來!

今次唔係boots, 係高跟耶!

超低啊! 原價$75減到$30, 我再用埋我張10蚊coupon, 20蚊出得門口, 點忍。

之後我再見到鞋鋪都唔敢再入去, 掛住大清貨嗰牌至驚, 新十五一過, 我就已經買咗一對長boots再加呢對高跟, 咁搞法幾時至到年尾。

仲有乜戰利品呢?  等我諗諗先!

Yeah~~~ 仲有件tweed質地嘅黑色中褸, 呢件至勁哩, 四折, 30蚊有找, cutting好好, 膊位袖長啱啱好, 仲收腰添, 著到我超瘦啊! 得番一件, 直情係為我而設, 等我買佢返去啦! 

Ummmm, 再嚟多一件黑色basic tee & 一件bling bling地嘅黑色cardigan。

咁多嘢加埋至七十幾蚊。

咦! 搞乜件件都係黑色嘅, 情迷黑色, 戒唔甩添!

噢! 仲有啲免費, 以下兩件唔使錢用coupon換嘅嘢。

價值個半嘅消毒液, 細細支放手袋, perfect。

Godiva 手挽環保袋, 摺埋細細個, 又可以放手袋, 下次返HK帶埋佢。

係我逛到老公姓乜都唔記得嘅時候, 我嗰三位老細去咗邊樹呢!  其實佢哋都有戰利品架, 但我多d d d 咁囉! 

對寶貝見慣啊媽呢d失控嘅場面, 會自動自覺揾地方hea, 好似去d game store, 打兩吓免費game, 再過book store 度打吓書釘咁啦!  嗱~~~ 地下個袋佢哋架!

行咗四個幾鐘, 夠晒運動量, 開始脚仔軟兼肚仔打鼓, 揾地方開餐先。

唔理咁多, 撲埋個salad bar, 整番一大碟沙律打底先。

呢個係我份主菜, grilled 三文魚with Asia 芝麻汁。

呢份honey叫嘅seafood 大雜會。

兩個細嘅話齋食四蚊一位嘅兒童任食salad bar就夠喇!

原本呢餐要四十幾蚊嘅, 但我位慳家嘅honey係網上print 咗張coupon, 我哋食嗰兩個主菜只收廿蚊, 慳番十幾蚊, 最搞笑係埋單時張單無計兩個兒童餐, 問個waiter, 佢竟然答: 「No problem, I take care of it. 」

唔係化?

咁著數, 未試過喎!  咁又慳八蚊, 最後埋單廿五蚊有找。但我哋都好識做嘅, 醒咗十蚊tips比個waiter, 我哋慳時佢又袋多咗tips, 雙嬴吖!

就係咁, 我哋就hea喝玩樂shop 咗一天。