7月28日

今朝上磅數字係:  113.00 

早餐(10:00):  蜜糖水一杯

        (10:45): 金色奇異果兩個

        (11:30): 自家少甜紅豆粥一碗

午餐(12:30): 雜菜生果沙律一碟

青瓜半條, 長生菜半棵, 蘋果半個, 紅蘿蔔半條, 木瓜半個, Dry Cranberry一堆

Snack(3:00): 荷葉草本茶一杯, 朱古力蛋卷一件

          (5:30): Plum 兩個

晚餐(7:00): IKEA BBQ烤排骨4條, 炸薯條 + corn bread 半件               

        (8:30): 火龍果一個, 西瓜一片

        (9:00): 西洋菜羅漢果蜜棗湯一碗

 

今日我個午餐沙律加左木瓜, 第一次用木瓜做沙律, 都幾好味bor。

但係晚餐就完全失守, 冇跟宇宙不時止, 仲要食埋炸薯條。天呀! 我今晚巳經連續三晚係IKEA開餐。夠啦! 放過我啦! 雖然我係一個唔鍾意開爐既煮婦, 但我都要食下煮家飯架! 返到屋企仲唔拿拿林食番D生果補飛, 好在冇煮家飯食都仲有碗住家靚湯飲下0者。

本來小公主今日放學冇提到要再去IKEA試個排骨餐, 我個心諗好囉, 佢唔記得, 我又唔提, 咁就唔使再去囉!

最衰係我老公, 一放工踏入家門, 就問: 「啊女, Spare rib?」

小公主冇厘神氣攤係張sofa度答: 「Nooooo....」

廿四孝老豆再問: 「Are you sure? spare rib喎!」

跟住咁小公主用對眼瞄左我一下, 即刻係sofa 彈起身, 再用好燦爛既笑容對住佢daddy答: 「好呀!」

有人話D啊女係Daddy既前世情人或老婆, 係呢刻, 我開始相信。

喂~~~ 兩位前生既情人, 我唔發表意見, 唔等於我贊成, 理下我感受好喎! 但係佢地已經預備起行咁款, 完全當我透明。可能你會問小王子去左邊樹, 點解佢無發表意見呢!

唉! 我呢個仔既性格係無乜所謂, 家姐話好既, 佢就2仔底~~~死跟, 正一copycat。

無奈地, 我只好做跟得夫人同阿媽, 跟住佢地癲, 真係未試過連續三晚係同一地點開餐, 雖然三晚都食唔同既餐, 但都係有D離譜0者。我已經嚴正聲明同呢三個傻人講: 「No more IKEA, please~~~~~」

今晚所見, 真係每張檯都係大人排骨餐, 細路仔就免費兒童餐, 但我兩隻嘩鬼又點會齋食免費兒童餐, 佢地仲share左一個排骨餐囉!

IKEA既宣傳效應成功左喇, 用優惠價錢引你去食野, 等你食完再係佢鋪頭逛下, 呢個先係佢地既目的呀!

 

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619