7月22日

今朝上磅數字係:  112.80

早餐(9:30):  暖水一抔

        (10:15): Low Fat 乳酪一杯, 無花果兩個

午餐(12:00): 青瓜生果沙律一大碟

呢個沙律有青瓜一條, 奇異果一個, 蘋果一個,火龍果一個, 士多啤梨三粒, 紅椒1/4隻, 藍梅一堆。

Snack(2:00): 荷葉草本茶一杯, 梳打餅四塊

          (3:30): 公仔麵半碗

小公主同小王子放學返黎要求食公仔麵, 但又剩番半碗, 最後我忍唔住~~~失守啦!

Snack(5:00): 黑糖冬瓜薏米糖水一大碗連冬瓜 

晚餐(7:30): 雜菜生果沙律一碟, 焗雞肉一件, 冬瓜去濕湯一碗

呢個沙律係我honey整既, 都好多料啊, 但今次係菜多生果少! 食埋雞肉加碗姑奶愛心湯, 勁飽呀!

         (9:00): 焗桂圓水一杯

呢兩個星期唔知點解訓得唔好, 好彩blog友Christy提醒焗番抔桂圓水飲下, 希望今晚訓得好Dｏ

今日雖然唔係年廿八但都要大掃除, 一年唔黎番兩三次大掃除, 間屋一定會變左垃圾站, 我家三位老細都冇乜手尾, 用完D野隨處放, 又愛儲雜物, 我呢個啊四執到氣咳。

雖然我係一個唔多合格既「煮」婦, 但家居既整潔, 我係好堅持, 雖未至於窗明几淨, 但都唔可以亂七八糟, 我接受唔到囉!  因為呢個我既安樂窩, 點可以變左垃圾站!

通常我一執野, 其他三位老細就會叫我做「兇手」, 因每次佢地仲諗緊件野留唔留既時候, 我已經即時扔左落垃圾桶, 冇得留低。當然舊書, 舊衫, 舊玩具會捐比收集舊物既機構。如果你想家居風水聚財兼家人少病痛,  雜物一定要清除呀!