7月25日

今朝上磅數字係:  112.80 

早餐(10:30):  暖水一抔, 火龍果一個

        (12:00): 紅蘿蔔牛蒡湯一碗

午餐(1:30): 雞扒雜菜生果沙律一碟, 涷咖啡一杯

Snack (5:00): mini pretzel 四件

晚餐(8:00): 越式腸粉一條, 牛肉丁炒飯1碗, 蒜茸菜心一碗

 

琴晚依然訓得麻麻地, 失眠魔鬼幾時至肯放過我。

呢兩日天氣依然熱爆, 琴日過百度, 今日都華氏94度, 熱到跳舞。訓得唔好連個樣都衰D, 勁殘, 對熊貓眼好搶鏡, 連塊面D皮膚都唔上粉。所以家陣敷住好強勁補水mask黎寫blog。

呢間係我地時時幫襯既港式西餐廳, 佢地既煎雞扒沙律係我既"飛佛"。

你睇個個曬到反晒光, 小王子係極度唔願意停留之下影左呢張相, 成隻五筒咁!

每次去呢間餐廳食野, 都會經過呢間屋, 唔知點解我好鬼C鍾意佢, 我叫honey唔該出力搵多D, 第日買番間差唔多既比我。哈~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日熱到咁, 唔想係屋企開冷氣又唔想捱熱, 只好到Shopping Mall走走, 行下當做運動兼嘆下公共冷氣, 本來叫自己window shopping好喇! 但最後到忍唔到手, 係Holister買左兩件衫, 減價貨再半價再加埋張八折coupon, 埋單US$11.92, 咁平真係忍唔住唔買。

Dinner忍唔到口又犯規, 食左幾粒牛肉丁。   Weekend 係令人失控既日子, 聽日又再乖乖宇宙, 補補飛先。

睇news, 今年全球氣溫玩緊「冰火二重奏」, 北半球熱爆, 南半球凍到變雪條, 秘魯凍到得零下攝氏24度, 而美國南加州L.A.天氣亦反常, 年頭美國各州落大雪, 佢地仲可以游水, 依家各州火辣辣, 佢地仲要著薄外套至出得街。

天呀! 我地個地球病得好嚴重呀, 請大家學識環保, 愛惜地球, 如果唔係, 承受惡果會係自己及下一代。