費城郊遊的一天
一見個主題就知我地呢個爛玩之家又「鼠」左去玩。今次係去左隔離賓夕凡尼亞州費城既一個叫Neshaminy Shore Picnic Park 玩, 有人贊助, 免費入場, 仲包 lunch, 梗要玩盡佢啦!
晨早九點半出發, 去到已經十一點半, 十二點至開始有野食, 咁就視察環境先啦!
咦! 唔錯喎! 有DJ 放music, 有三個泳池, 大人池, BB池及有兩條滑水梯既大池。有得扒艇仔, 攀石, 迷你Golf 等等, 真係可以玩足一日呢!
點知天氣先生要同我地玩咁話, 黎開餐前先玩陽光中的大雨, 落足15分鐘, 你睇呢兩位小朋友食得幾輪盡, 哈~~~, 最抵C係過多半個鐘, 再淋多你1次, 又係15分鐘。
之後太陽伯伯非常盡責, 絕冇吞pop, 曬足全日, 夠晒火辣辣, 熱到跳舞, 曬到你變燒豬。
你睇佢地係個pool, 曬到眼到矇。
姐妹們睇相都呢度, 梗係會問人地老婆同啊媽, 究竟去左邊樹, 做乜唔落水?
我~~~咪係池邊做影相個位攝影師囉! 太陽伯伯D紫外線咁強勁, 我點夠佢鬥, 我梗係搵番個好位黎避左佢啦! 唔係容乜易變左粒炭C返歸架!
想我出鏡? 仲想睇水著 look?
哈~~~ 冇咁易, 睇下扒艇仔先啦!
喂! 小公主你爬咁高, 搞邊科呀?
點做人啊媽架? 玩緊危險動作喎! 走鬼左去邊樹避紫外線呀!
咪鬧住!
為左証明我有監場, 表明清白, 好喇好喇, 滿足下你地, 我出場過你睇啦!
READY!
終極性感噴血水著 look出場。
DaDa~~~~~
咦! 點解變左小王子係樹玩水槍?
冷靜D各位, 唔好交叉我住, 望真D, 企響池邊帶住副超, 笠埋頂太陽帽, 叉住條腰「惡C能登」係樹指揮交通個靚太咪係我囉!
下, 遠得滯睇唔清楚, 咁我幫唔到你囉, 
欺騙你? 點敢呀! 等陣成班小天使殺黎NY圍攻我, 咁咪唔得掂, 哈~~~
喂! 各位老細, 最少都係水著look呀, 咪咁鬼貪心好喎!
起碼唔似得綠茶班長比隻手扳過你睇就當事業線呀!
隻衰野仲賴鬼我贊助個件噴血泳衣未到手, 所以冇事業比大家睇。
好, 為表明唔關我事, 各位姊妹做証, 叫班長比個size黎, 我寄件超級火辣辣比堅尼過佢, 睇佢仲有冇得抵賴, 唔著既話就圍攻佢, 哈~~~
噢! 講返小公主搞乜先! 睇片~~~
佢玩"Sir"滑梯0者。
啊仔, 你搞乜「Sir 」唔落水咁架, 我諗你要減下件腩仔肉至得喎!
小王子俾我叫佢減磅, 刺激左佢, 佢話要比我睇下佢強勁既一面ｏ
佢學人走去玩~~~攀石
唉! 你咪以為佢好英咁?
佢set 行晒之後, 竟然玩縮沙, 同工作人員講都係唔玩啦!
我諗個位哥哥仔個心係度鬧緊:「細路, 冇膽就唔好浪費我時間啦!」
啊仔, 你真係對唔住觀眾囉, 咁玩轉場啦!
呢D唔刺激, 0岩我玩呀!
Sure Win, yeah!
玩左成日, 家姐不如坐火車返歸囉!
咪玩啦! 坐呢架古董, 天光都未返到屋企呀!
水著look呢................唔好呃post~~~~~~~~~~~~~~~~ 我呢兩日都好關注架.............星期二三我上唔到黎呀
ReplyDelete[版主回覆07/12/2010 08:07:00]喂, 有冇讀晒架! 之前我搞好耐到post唔到篇野, 分左幾次edit, catwalk多次過黎, 包有好野你睇, 哈~~~
我減完之後，我又同你地癲埋一份！
ReplyDelete火辣辣比基尼
[版主回覆07/12/2010 08:50:00]哈~~~, 好呀! 一齊火辣辣ｏ
仲未有~~~~~~~仔仔水著我唔要呀~~~!!!!!!!!!!!!
ReplyDelete[版主回覆07/12/2010 10:38:00]咪叫左你用放大鏡幫手囉! 人地momoko連我條事業線都見到喎!
我見到靚媽條事業線, 下次影近d麻!
ReplyDelete[版主回覆07/12/2010 10:40:00]唔係化, 咁到見到事業線, 你唔係真係出埋放大鏡呀!
ReplyDelete遠左啲囉靚媽~~~~~~~!!! 不過我好似隱約見到事業線喎!!
[版主回覆07/12/2010 11:42:00]哈~~~遠觀好D, 近鏡我怕比掟雞蛋喎!!
好 fit 呀 jenny ! 遠遠我都睇到你條事業線喎
ReplyDelete[版主回覆07/13/2010 09:59:00]你又話睇到條事業線, 真定假??? 遠成咁都有野睇???
咁鬼夾埋黎玩我啦!
呢個水著look唔收貨，妳咁fit~~我要睇噴鼻血既三點式啵~~
ReplyDelete[版主回覆07/13/2010 10:02:00]噴鼻血既三點式??? 咪玩我啦! 三點式要完美身段先carry到架! 我仲要好好地進行地獄式訓練至有條件 lor。咪咁貪心啦! 遠遠地仲可以幻想下呀嘛, 收貨啦!
e.. 我都好似見到你條事業線wor~
ReplyDelete[版主回覆07/13/2010 10:04:00]e, 個個都話見到, 搞到我都要搵個放大鏡黎研究下bor!
我都唔收貨,
ReplyDelete事業線show下la
[版主回覆07/14/2010 04:53:00]唔係化, 教主, 連你都唔收貨, 咪玩啦!
Show 事業線, 有D難度bor! 等我~~~諗諗佢
舉輕磅的啞鈴, 可唔可以收拜拜肉呢?
我都隱約見到條事業線......
ReplyDelete不過遠成咁，唔收貨啦......
再拍過三點式近鏡黎睇下啦~!!!!!!
[版主回覆07/14/2010 04:55:00]收貨啦, 菜菜! 三點式仲要近鏡, 好高難度動作bor! 叫班長著先, 我跟尾ｏ 哈~~~
舉輕磅的啞鈴, 可唔可以收拜拜肉呢?
ReplyDelete可以,但要次數多
[版主回覆07/16/2010 00:00:00]次數多? 即係每次舉幾多下?
我依家磅數就黎達標, 但拜拜肉, 腩仔肉仲跟住我, 我要一定要同佢地講分手ｏ
30次以上
ReplyDelete[版主回覆07/16/2010 01:02:00]收到, Thanks Angel!