12月19日飲食日誌

8:00am  排毒酵精 30 ml

8:30am yogurt drink 一支

10:30pm  木瓜一個

11:30pm 香蕉一條

1:15pm  灼菜心 +  海南雞飯走雞

3:00pm 荷葉草本茶一杯 

4:00pm 紅提子 20粒

6:30pm  舅父生日飯局 (冇宇宙  )

9:30pm 排毒酵精 30 ml

今朝趕住出門口, 冇時間洗提子, 就咁用個盒裝好, 拎番公司先洗, 結果係我拎埋honey切好嘅木瓜返公司做早餐, 估唔到我真係要連吃3日木瓜做早餐。

因為朝早有客人make 咗appointment, 搞到12:30pm個客先走, 所以好趕咁係講座前食lunch, 菜加飯, 啲雞細妹搞掂。始終海南雞飯啲油飯比較油膩, 所以飲番杯草本茶。

估唔到今日講座抽中大獎嘅會係隔離陳醫生位護士, 佢無報名就咁走入嚟, 又啱啱有位剩, 整定佢中獎啦!

今日講座完咗之後, 好多人留低問細妹去班嘅問題, 經過呢幾場講座, 原來好多人有色班雀班嘅煩惱, 我仲發現好多人朝早係唔用防曬, Oh no, 紫外線UVA會曬黑曬乾我哋, UVB會曬皺我哋, 令骨膠原流失, 皮膚鬆馳, 絕對唔可以唔用防曬呀! 你支防曬霜重要過你支去皺精華吖。

dinner去舅父嘅生日飯局, 一去到舅父就話我皮膚靚咗又後生咗, 啊舅父, 我冇帶眼鏡帶咗cons啫, 有冇咁大分別呀? 我大嗰個啊妹仲衰, 佢話舅父嘅老花一定深咗, 要去佢眼鏡鋪驗一驗眼, 睇嘢矇矇地, 唔係點會覺得我靚咗!

啲表哥叫得太好餸啦! 所以我冇宇宙, 嘻~~~咪鬧我啦! 我只係食到7分飽就停, 冇喪食架! 返歸後仲啪番酵精補飛添!

好喇, 話咗撐茶茶兩星期, 陪佢一齊寫飲食日誌, 今日last day, 功成身退, 見佢唔使兩個星期就搞掂咗個五磅幾, 好替佢開心, 都話宇宙神功, 天下無敵架啦!